Hébreu 10:23 - Nyanmien nde Ufle

²³ Man é tra liké nga é ken i nde ke é wla ô su'n i kéklé, nanh man é sa kpo, afin Nyanmien b'o sé ke oh yôh man yé'n, o ti nanwlefue.

NYANMIƐN NDƐ'N 1998

²³ Man e tra like nga e kɛn i ndɛ kɛ é wla o su'n i kekle, nán man é sa'n kpɔ, afin Nyanmiɛn b'ɔ se kɛ ɔ ´yo man ye'n, ɔ ti nanwlɛfuɛ.

Hébreu 10:23 ပူးပေါင်းရင်းမြစ်များ

1 Korɛntfuɛ Mun 1:9

Nyanmien b'o flee amun ke amun nin i Wa Jésus-Christ b'o ti é Min'n an di anuanse'n, o ti nanwlefue.

1 Korɛntfuɛ Mun 10:13

Sa kwlaa ng'o to amun su'n, nanh amun ngunmin ye o to amun suo. É kwla fa é wla'n kwlaa gue Nyanmien su, afin o kpli'an su ke sa ng'o so'an amun nun'n o to amun su. I so'n ti, se sa to amun su'n, o man o son amun nun, yele ke o yô sa nga b'o man an kwla fité nun'n.

2 Korɛntfuɛ Mun 9:13

Ke an nian bé like so'n, o klé ke an fa Christ dyasin fe'n bo an sé ke an lafi su'n i su kpa. Ke swran kpanngban bé wun i so'n o nin yé dan nga an yô bé nin swran wié mun'n, o man béh bôh Nyanmien dunman.

1 Tɛsalonikfuɛ Mun 5:24

Swran ng'o flee amun'n ti nanwlefue, i bobo ye oh yôh amun soo.

2 Tɛsalonikfuɛ Mun 3:3

Sannge é kwla fa é wla gua é Min'n su. Oh wlah amun fanngan ye oh nianh amun su, o man Klunwifue'n su nya'an amun.

Tite 1:2

nan bé fa bé wla gua anannganman nguan'n su. Nyanmien b'o bua'a atô'n, ke o nian yi'a men'n o séé ke nh nyanh nguan so'n.

Hébreu 11:11

Sara kusu Nyanmien su b'o lafi'n ti, o nin i kpenngben bobo bo wa yô'n, o meen i fanngan man o wuu ba, afin o si ke Nyanmien b'o kan ke oh yôh sa so'n men'n o ti nanwlefue.

Hébreu 3:1

I so'n ti, aniaan bo an ti Nyanmien lie b'o flee amun wié'n, anh bu Jésus bo Nyanmien sunmeen i ke o yô i nyrun dyranfue dan i su bo é lafi'n ti'n, i akunndan.

Hébreu 3:14

Afin se é fa é wla gue Christ su lélé gue i ti nin i bô ke i bôbôle nun sa'n, é nin i é ti wiéngu.

Hébreu 3:6

Christ kusu, ke o ti i Wa'n, o nien i bobo i awlô'n su kpa so. Se é tra é awlen dyran kéklé lafi liké nga é wla ô su ke éh nyenh'n su kpa'n, é ti i awlô.

Hébreu 4:14

É le Nyanmien nyrun dyranfue dan kpa kun, o oo lélé dyu Nyanmien bobo nyrun lo, yele Jésus Nyanmien Wa'n. I so'n ti, liké nga é lafi su'n, man é lafi su kpa.

Hébreu 6:18

O man nde ng'o kannin'n nin nda ng'o tali'n, liké nnyon so'n o katyi'a bé, o bua'a atô. I so'n ti, o wla é bo é talôlii'n é fanngan ke é kplin é nyin nan é nyan liké ng'o sié é nyrun lo siéli é, bo é wla ô su ke éh nyenh'n.

Jacques 1:6

Sannge ke oh kanh kléé'n, mon o lafi i su. Nanh mon o sié i nyin nnyonnyon, afin swran ng'o lafi'e i su kpa'n, o ti ke dyénvié'n bo aunngban'n kpe su, b'o man o kédyé ko wa ko wa'n sa.

Sa nglô yile 3:11

Mh bah ityra'n. Liké ng'o ô amun sa nun'n anh tre kéklé, nan swran wié a fa'a liké nga nh fah yô amun mô'n.