Hébreu 10:22 - Nyanmien nde Ufle

²² I so'n ti, man é fa é wun mantan Nyanmien. Ke éh yôh so'n, nanh man akunndan te tran é klun, man é lafi i su kpa, afin o man é wun sa'n b'o man é klun titi yé'n o wiéli, ye o fa nzué klôuun wunnzinnin é.

NYANMIƐN NDƐ'N 1998

²² I sɔ'n ti'n, man e fa é wun mantan Nyanmiɛn. Kɛ e ´yo sɔ'n, nán man akunndan tɛ tran e klun, man e lafi i su kpa, afin ɔ man é wun sa'n b'ɔ man e klun titi ye'n ɔ wieli, yɛ ɔ fa nzue klengle wunnzinnin e .

Hébreu 10:22 ပူးပေါင်းရင်းမြစ်များ

Matthieu 3:11

N lie'n, n yô amun baptême nzué'n nun ke an katyi amun nzuen'n, sannge swran ng'o ô sien b'o su ba'n, o le nyrun tra min. Min nin i ngbabua'n i suale fataman. I lie'n, o wa fa Nyanmien Wawe'n nin sin yô amun baptême.

JÉSUS-CHRIST I DYASIN FE'N BO LUC KLELI'N 1:1

Théophile n swran kpa, swran sunman bé bô manndren bé klee sa ng'o yôli é nyrun wa'n.

Jean 3:5

Ye Jésus sé i ke: Nanwle, se swran i awulie'n fi'an nzué nin Nyanmien Wawe'n, o su kwla yô'a men nga Nyanmien sié'n i nunfue.

Jean 8:9

Ke bé tii nde so'n, bé kpenngben mun nga dyaô blele ko, nga dyaô blele ko lélé o fa tôô bé kanngan mun, o kaa Jésus nin bla'n b'o dyin afien le'n.

Sa nga bé yôli'n 22:16

?Nzu ye a te minndee sien nion? Dyaô man bé yô o baptême i dunman nun, mon o yatyi o wun sa'n tye o.

Sa nga bé yôli'n 8:21

Nde nga, o lie nu'an nun, ye a su nya'an liké fi nun, afin wo akunndan'n ti'a kpa Nyanmien nyrun.

1 Korɛntfuɛ Mun 6:11

Ke laa amun nun swran wié'm bé ti soo. Sannge sien'n, Nyanmien a wunnzin amun, wa fa amun a katyi i lie mlonmlon, wa bu amun swran kpa é Min Jésus-Christ dunman nun, nin i Wawe'n i fanngan nun.

2 Korɛntfuɛ Mun 7:1

N swran kpa mun, sa kwlaa nga Nyanmien séé ke oh yôh bé so'n ti, man é wla sa kwlaa ng'o satyi swran'n nin akunndan tete'n kwlaa bé asé. Se é waan é srô Nyanmien'n, man é nian é wun kpa ke nanh man sa kaan sa tran é nin i é afien.

Efɛzfuɛ Mun 3:12

Swran wunmuan bo é nin i a katyi, nin i su bo é lafi'n ti, é kwla ko Nyanmien wun lo, é klun ti'a é kaan sa.

Efɛzfuɛ Mun 5:26

Afin Asonun'n ti, o fe i wun mannin nan ke o wunnziin b'o yô yeiin i nde'n ti'n, o katyi Nyanmien lie mlonmlon.

Efɛzfuɛ Mun 6:5

Kanga mun, man amun nyin yi amun min mun, anh bu bé swran, anh mian amun nyin ke liké nga amunh yôh'n o dyo bé klun, ke Christ ye an su yô men saa, nanh an bu i sin.

1 Timote 4:2

Bé nga bé klé liké so'n, bé ti atôfue bé klô dunman, bé klun akunndan'n wa yô ke blale ngle b'o yra swraan o yô kôklôkô'n sa.

Tite 3:5

o déli é. Nanh ke é yôli sa kpa wié ti ye o déli yéo, sannge i bobo ye o sili é aunnvue soo. Ke o Wawe'n wuu é ufle wunnzinle b'o wunnziin yé'n ti, b'o man é katyi swran ufle'n, ye o déli yéo.

Hébreu 10:1

Afin mmla'n ti ke liké kpakpa nga béh bah'n bé wawe sa, o klé'a bé wafa kpa'n. I so'n ti ye ke bé fa su bo bé so Nyanmien i wafa kunngba'n afue nuan'n kwlaa'n, o kwla yôman man bé nga bé fa bé wun mantan Nyanmien so'n, bé yô'a swran kpa mlonmlon nion.

Hébreu 10:19

I so'n ti, aniaan mun, é sii wéiin ke é kwla wlu Nyanmien lika kpa'n nun Jésus mmôdya'n ti.

Hébreu 11:28

Nyanmien su b'o lafi'n ti, o bôô Pâque (*f17*) dile'n bô, ye o man bé fa mmôdya kpentenkpenten anuan'm bé su nan ange b'oh bah talua ba yasua'm bé kunle'n, wa ku'an Israëlfue'm bé lie'm bé wié.

Hébreu 12:24

nin Jésus b'o ti sa ufle nga Nyanmien waan oh yôh man swran'n i nun dyranfue'n bé wun. Jésus mmôdya b'o fa kpentenkpenten'n, se o kwla idyo'n, wuun oh kanh nde ke tra Abel lie'n.

Hébreu 4:16

I so'n ti, man é fa é wla gua Nyanmien su é wunngé i bia'n bo bé ko loo bé nyan yé'n i wun lo nan o si é aunnvue, nan ble nga é sa mian'n, o yô é yé, o ti é wun nyanman nun.

Hébreu 6:11

Sannge é klô ke amun kwlakwla an mian amun nyin yô ke an yôé laa'n sa gue i ti nin i bô, ye amunh nyanh liké kwlaa nga amun wla ô su ke amunh nyenh nion.

Hébreu 7:19

o man liké fi kwla yô'a kpa, ye bé fa liké ufle bo i kpa tre, bo é kwla fa é wla'n gua su'n siéé i ôsu, o man é kwla mantan Nyanmien.

Hébreu 9:10

Afin bé ti swran liké dile, nin liké nonnonle, nin wunnzinle fanunfanun bé su mmla bo bé di su lélé fa dyuu tyen nga Nyanmien katyi liké'n kwlaa ufle'n.

Hébreu 9:19

Afin ke Moïse kan mmla'n kwlaa kléé swran mun'n, o fa nannin ba'm bé mmôdya'n o gua nun nzué, nan wa fa bua ndre okwle nin hysope nnya a bô nun, wa fa kpentenkpenten mmla fluwa'n nin swran'n kwlaa bé wun.

Jacques 1:6

Sannge ke oh kanh kléé'n, mon o lafi i su. Nanh mon o sié i nyin nnyonnyon, afin swran ng'o lafi'e i su kpa'n, o ti ke dyénvié'n bo aunngban'n kpe su, b'o man o kédyé ko wa ko wa'n sa.

Jacques 4:8

Anh fa amun wun mantan Nyanmien, ye i kusu feh i wun mantan amuon. Sa te yôfue mun, anh wunnzin amun sa, akunndan nnyonnyonfue mun, anh yatyi akunndan tete'n.

1 Piɛr 1:2

É Si Nyanmien faa amun, afin o dun mmua bu i akunndan so, nan i Wawe'n ti, an katyi i lie, amun nyin yi Jésus-Christ, ye i mmôdya'n ti amun wun sa'n wiéh. Nyanmien man an nyan yé titi, ye man amun wun dyo amun fouun!

1 Piɛr 3:21

Nzué so'n ti baptême b'o man amuan nyan amun ti nde'n i nzolie. Nanh ke o wunnzin bé wunnen su fieon, sannge o man é sre Nyanmien ke nanh man é klun titi é kun. Jésus-Christ i tyenle'n ti ye é nyaan é tio.