Hébreu 10:20 - Nyanmien nde Ufle

²⁰ Afin Jésus kpee atin man é kôkô nun wa, o tanni'an mlonmlon. O tii tannin'n b'o kpe Nyanmien sua'n nun'n nun, o oo i sin lo, tannin so'n yele i wunnen'n.

NYANMIƐN NDƐ'N 1998

²⁰ Afin Jésus kpɛli atin mannin e koko nun wa, ɔ tannin-man mlɔnmlɔn. Ɔ tili tannin'n b'ɔ kpɛ Nyanmiɛn i sua'n nun'n nun, ɔ ɔli i sin lɔ, tannin sɔ'n yɛlɛ i wunnɛn'n.

Hébreu 10:20 ပူးပေါင်းရင်းမြစ်များ

Matthieu 27:51

Kpekuun tannin dan'n bo bé fa kpe Nyanmien sua dan'n nun'n, o kpatyii i nglô lo lélé fa dyuu i ngua wa, asie'n kédyéli, yebue'm bé kpukéli.

Marc 15:38

Tannin dan bo bé fa kpe Nyanmien sua dan'n nun'n kpatyii i nglô lo lélé fa dyu i ngua wa.

JÉSUS-CHRIST I DYASIN FE'N BO LUC KLELI'N 23:45

Wia'n katyi tuun, ye tannin dan'n bo bé fa kpe Nyanmien sua dan'n nun'n o kpatyii i afien sesese.

Jean 10:7

Jésus sé bé ékun ke: Nanwle, n ti bua'm bé tuin'n i anuan.

Jean 10:9

N lie'n, n ti anuan, swran ng'o sin min nun'n, oh fitéh nun, oh wluh, oh fitéh, ye oh nyanh didiwle.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Efɛzfuɛ Mun 2:15

tô mmla'n nin i nun nde'n, nan bé nvlé nnyon so'n bé katyi nvlé ufle kun swran wunmuan bo bé nin i ba katyi'n ti, ye bé di anuanse.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

Hébreu 6:19

Liké nga é wla ô su so'n, ti ke mméli i blale'n bo bé fa dyren'n sa, o tra é asé. O so é lafi i su. O wlu lélé dyuu tannin b'o kpe nyanmien su lo Nyanmien sua dan'n nun'n i sin lo.

Hébreu 9:3

Ye tannin i nnyon su'n i sin lo sua ba lie'n bé flee Nyanmien lika kpa.

Hébreu 9:8

Nyanmien Wawe'n fe i so sa'n klé é ke, ke tannin sua klikli lie'n te ô le'n, wuun atin ng'o ko Nyanmien lika kpa'n nun lo'n nian bôman.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

1 Jean 4:2

Anh nian sa wafa nga amun fa si swran ng'o idyo Nyanmien Wawe'n nuan'n. Swran kwlaa ng'o sé ke Jésus-Christ katyii swran o bali'n, i sofue'n ye o idyo Nyanmien Wawe'n nuaan.

2 Jean 1:7

Afin swran kpanngban ba sanndi men'n nun, bé laka swran mun, bé waan, Jésus-Christ a katyi'a swran. Swran ng'o sé so'n ye o ti swran lakafue nin Christ kpofue nion.