Hébreu 1:14 - Nyanmien nde Ufle

¹⁴ ?Ange'n kwlaa bo bé ti aôlia nun swran bo bé su Nyanmien'n, wa sunma'an bé ke bé wa nian bé nga bé wa nyan bé ti'n bé su?

NYANMIƐN NDƐ'N 1998

¹⁴ ?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Hébreu 1:14 ပူးပေါင်းရင်းမြစ်များ

Matthieu 1:20

Ke oh buh akunndan so'n, é Min Nyanmien'n i ange kun yi i wun kléé lalie nun, o sé ke: Joseph, David anunman, nanh sre kun o, fo o yi Marie ko o bô, afin ba'n bo wa wunnzee'n o fin Nyanmien Wawe'n.

Matthieu 13:41

M bo n katyii Swran'n nh sunmanh min ange mun ke bé wa yi bé kwlaa nga bé satyi swran'm bé ti nun'n nin bé bo bé bô tété'n min men'n nun,

Matthieu 18:10

Anh nian amun wun kpa, nanh amun yô ba kanngan nga bé ô ye'n bé nun kun finfin, afin nh kanh klé amun ke, bé ange'm bo bé ô nyanmien su lo'n bé nyin ta min Si b'o ô nyanmien su lo'n i nyrun tyen kwlaa.

Matthieu 2:13

Ke bé oli'n, é Min Nyanmien'n i ange kun yi i wun kléé Joseph lalie nun, o sé ke: Dyaô fa bakan'n nin i nin anh wanndi o Égypte, anh tran lo lélé san nh séh o ke a bla, afin Hérode wa kunnde ke oh kunh bakan'n.

Matthieu 24:31

Ke awe'n kô te'n, nh sunmanh min ange mun, bé wa yia bé bo Nyanmien faa bé bo bé ô men wunmuan'n nun'n, ke o fin nyanmien'n i bué kun su lélé fa dyu i bué kun ékun.

Matthieu 25:34

Ye m bo n ti famien'n nh séh bé nga bé gua n fama su'n ke: Amun bo n Si yôli amun yé'n, anh bla'a di famien bo ke b'éh bôh men'n i bô'n, bé sié maan amun'n.

Matthieu 4:11

Ye mmusu'm bé si Satan yatyii i nuon, nan ange'm ba be i sule.

Marc 10:17

Ke Jésus faa atin'n su b'oh koh'n, swran kun wanndi wa kôtôô i bô, o use i ke: ?Ndya, o bo a ti liké kléfue kpa'n, nzu ye n yô nan man nyan anannganman nguan nion?

JÉSUS-CHRIST I DYASIN FE'N BO LUC KLELI'N 1:19

Ange'n séé i ke: Min ye bé fle min Gabriel nion, n ti Nyanmien i swran. O sunmaan min ke m ba wun o wun, nan n kan nde fe nga klé o.

JÉSUS-CHRIST I DYASIN FE'N BO LUC KLELI'N 1:23

Ke i tyen'n dyuli'n, o oo i awlô.

JÉSUS-CHRIST I DYASIN FE'N BO LUC KLELI'N 16:22

Lé kun yalefue so'n wuli, ange'm bé wa fe oo Abraham wun lo. Anyanbéunfue'n kusu wa wuli nan ba siéé.

JÉSUS-CHRIST I DYASIN FE'N BO LUC KLELI'N 2:13

Kpekuun nyanmien su lo swran akpi-ngbingbi'n bé nun akpasua dan kun bé wa ukaa ange kun'n su, bé manman Nyanmien sé ke:

JÉSUS-CHRIST I DYASIN FE'N BO LUC KLELI'N 2:9

É Min Nyanmien'n i ange kun fitéé bé nyrun, ye é Min Nyanmien yi i wun nglô nyannyannyan kléé bé, nan sre a kun bé dan kpa.

Sa nga bé yôli'n 11:22

Ke Jérusalem asonunfue'm bé tii bé ngan'n, bé sunmaan Barnabas Antioche lo.

Sa nga bé yôli'n 12:23

I ôsu kunngba'n nun é Min Nyanmien i ange kun man tukpatye wié too i su, kakaa'm bé lôli i wun nan wa wu, yele ke wa tu'a Nyanmien kpli.

Sa nga bé yôli'n 12:7

Béh niaanh… é Min Nyanmien i ange kun ye, sua ba nga bé ô nun'n, i nun kpadya wauun. Ange'n fiin Pierre nven su nan wa tinngé. O sé i ke: Dyaô waka! Ye dyroko'm bé fin i sa gualio.

Sa nga bé yôli'n 13:2

Lé kun ke béh kpeh sre nun bo béh yôh asonun'n, Nyanmien Wawe'n séé bé ke: Anh fa Barnabas nin Saul man min, man bé di dyunman nga ti ye n flee bé'n.

Sa nga bé yôli'n 16:26

Kpekuun asie'n wa kédyé dan kpa, o man bisua'n kédyéli ye anuan'm bé tikéli, nan bisuafue'n kwlaa bé liké nga bé fa tyii bé'n ba flô a gua.

Sa nga bé yôli'n 27:23

Nyanmien bo n ti i lie bo n sui'n, i ange kun baa min wun nde kongue, o sé n ke:

Sa nga bé yôli'n 5:19

Sannge kongue é Min Nyanmien'n i ange kun baa bisua le o wa tiké bé anuan, o yii bé, o sé bé ke:

Rɔmfuɛ Mun 11:14

N yô i so nan n nvléfue'm bé fa bé nyin tyi amun, nan bé nun wié'm bé nyan bé ti.

Rɔmfuɛ Mun 13:6

I so'n ti ye man an su l'impôt nion, afin bé nga bé su l'impôt'n man bé'n, Nyanmien ye o sié bé ke bé di dyunman so nion.

Rɔmfuɛ Mun 15:16

b'o sié min ke n di Christ-Jésus i dyunman bé nga bé ti'a Juif'n bé afien'n ti ye n kleli i soo. Ke mh bôh Nyanmien i dyasin fe'n, n yô i nyrun dyranfue nan nh fah bé nga bé ti'a Juif'n men, i Wawe'n man bé katyi i lie, o man i klun dyo bé wun.

Rɔmfuɛ Mun 15:27

Bé bobo ye bé buu i akunndan ke bé yôo, ye se bé yôé so'n, o ti su, afin Juif mun ye man bé nga bé ti'a Juif'n bé tii Nyanmien nde'n ye bé faa suo. O man so bé kusu bé man Juif'm bé liké'n, ba bô'a aôsuan.

Rɔmfuɛ Mun 8:17

É ti i wa, o man liké ng'o sé ke oh fah men i swran mun'n, éh nyanh wié, ye kusu liké ng'o sé ke oh fah Christ'n, béh bôh é dunman nun wié, sannge san nyrennen kunngba ng'o wunniin'n, éh wunh wié, nan é nin i ya nyan nyrun.

1 Korɛntfuɛ Mun 1:21

Nyanmien wun ke o ti kpa ke o fa sinnzin nde so'n dé bé nga bé fa su'n, afin Nyanmien b'o si sa'n kwlaa'n, o wun ke swran'm bé nin bé ngwlele bo bé sii'n, ba simen.

2 Korɛntfuɛ Mun 9:12

Afin Nyanmien i swran'm bé lika nianle so'n, nanh ke bé wun nyanman nun tile ngunmin tio, sannge o man Nyanmien asénna'n oh yôh dan.

Galasifuɛ Mun 3:29

Se an ti Christ lie'n, wuun an ti Abraham anunman, o man liké nga Nyanmien waan oh fah men i swran mun'n, amunh nyanh wié.

Galasifuɛ Mun 3:7

I so'n ti, bé nga bé lafi Nyanmien su'n, bé ti Abraham wa.

Galasifuɛ Mun 3:9

I so'n ti, bé nga bé lafi Nyanmien su'n, o yô bé yé ke Abraham b'o lafii i su'n i lie'n sa.

Efɛzfuɛ Mun 3:6

Sa so'n yele ke liké nga Nyanmien waan oh fah men i swran mun'n, o nin liké ng'o sé ke oh yôh man bé'n, bé nga bé ti'a Juif'n bé dunman teh nun wié, ye bé nin Juif mun ba yô kun dyasin fe b'o man bé nin Christ-Jésus ba katyi swran wunmuan'n ti.

Filipfuɛ Mun 2:17

Nyanmien su bo an lafi'n ti ke nnen bo bé fa soe'n sa. Se bé fa min uka su men'n, oh dyoh n klun ye amun kwlaa amunh yô m mô.

Filipfuɛ Mun 2:25

N wun i ke, se n sunman Épaphrodite b'o ti n wiéngu dyunman difue bo min nin i é fe'n amun wun lo'n, o ti kpa. Bian so'n amun bobo ye an sunmeen ke o fa liké nga n sa mien i wun'n ble mion.

2 Tɛsalonikfuɛ Mun 1:7

ye o man é nin amun bo an wun nyrennen'n, éh nyanh é ti. Ke é Min Jésus wa yi i wun nglô b'o nin i ange'm b'o man bé kwla'n bé fin nyanmien su lo béh dyrah'n, ye oh yôéh soo.

Tite 3:7

nan yé nga o yô yé'n ti, o bu é swran kpa, o man éh nyanh anannganman nguan nga i waan oh manh yé'n bo é wla ô su'n.

Hébreu 10:11

Tyen kwlaa Nyanmien nyrun dyranfue'n kwlaa bé ô bé dyunman'n su, bé so Nyanmien i wafa kunngba'n titi, sannge i sole so'n kwla wiéman bé wun sa'n mlonmlon.

Hébreu 2:3

wuun se é kpa sa nga é yôo éh nyanh é ti'n su'n, éh yôh se ye éh fitéh nuon? É Min'n bobo dun mmua kan é ti nyanle so'n i nde, ye bé ng'o kannin bo bé tili'n, bé kan kléé é wéiin ke o ti nanwle.

Hébreu 5:9

Ke o yôô swran wafa nga Nyanmien klô ke o yô'n, o man bé kwlaa nga bé nyin yii'n, béh nyanh bé ti mlonmlon,

Hébreu 6:12

É klô'a ke an yô nveefue, sannge an nian bé nga bé lafi Nyanmien su, bé tra bé awlen b'o man bé nyan liké nga i waan oh fah man bé'n, bé lie'n su yô.

Hébreu 6:17

Nyanmien klô ke bé nga béh nyanh liké nga i waan oh manh bé'n, bé wun i wle kpa ke o su katyi'e i akunndan'n. I so'n ti ye ke o kannin'n, o taa nda nion.

Hébreu 8:6

Sannge sien'n, ba fa Christ a sié Nyanmien nyrun dyranle dyunman b'o ti kpa tra bé nga'm bé lie'n su, afin o ti sa kpa nga Nyanmien waan oh yôh man swran mun'n i nun dyranfue. Sa so'n i kpa tra laa lie'n, afin sa nga Nyanmien waan oh yôh bé sien'n ti kpa tra laa lie'n.

Hébreu 9:28

I kunngba'n, ke o yô nan Christ a fa swran kpanngban bé wun sa'n, i kusu fe i wun soo Nyanmien kpe kun. Bale nga o wa ba ékun'n, nanh sa te'n tio, sannge oh bah bé nga be nyin te i sin'n bé déle.

Jacques 2:5

N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?

1 Piɛr 1:12

Nyanmien kan kléé bé ke i nde ng'o fa wla bé nuan ke bé kan'n o ti'a bé bobo bé lie, sannge amun lieo. Bé nga bé kan dyasin fe'n Nyanmien Wawe'n b'o sunmenniin'n i fanngan nun'n, nde so'n ye bé kan kléé amun ye'n. Ange'm bé bobo bé klô ke béh wunh sa so'm bé wle.

1 Piɛr 1:4

O wuli é so nan é nyan liké kpa ng'o siéé nyanmien su lo'n. Liké so'n kwla satyiman, o yô'a fien, o mlinman.

1 Piɛr 3:7

Nnya mun, ke an si ke amun yi'm bé wunmien'n dyu'a amun lie'n nun'n, amun nin bé tran kpa. Anh bu bé swran, afin yé nga Nyanmien yô amun b'o man amunh nyanh nguan'n, o yô bé wié. Se an yô'a so'n, amun nin Nyanmien su kwla kôkô'a yale wafa ng'o ti su'n.

Jude 1:14

Ye Hénoch b'o ti Adam i ôsuôsu'n i nsô su'n, o kaan sa ng'o wa to bé su'n i nde, o sé ke: N wuun é Min'n nin i ange akpiakpi kpanngban kpa bé bali,

Sa nglô yile 5:6

Ye n wuun Bua Gbanflen kun o dyin bia'n, nin liké nnan bo bé ti ke nnen sa'n, nin kpenngben'm bé afien le, o ti ke ba kuin sa. I wue'n ti nsô, i nyinma nsô, bé ye bé ti Nyanmien Wawe nsô b'o sunmaan bé men wunmuan'n nun nion.