Galasifuɛ Mun 2:2 - Nyanmien nde Ufle

² Sa ti ye n woli'n yele ke Nyanmien séé n ke n wo. Min nin bé kaklaakla mun é yiaa é ngunmin kan, ye n kan dyasin fe'n bo n kan klé bé nga bé ti'a Juif'n kléé bé, nan n dyunman nga n dii laa'n, nin nga n te di'n, n sa a kpi'a asé.

NYANMIƐN NDƐ'N 1998

² Sa ti bɔ n wɔli'n yɛlɛ kɛ Nyanmiɛn seli n kɛ n wɔ. Min nin be kaklaakla mun e yiali e ngunmin kan, yɛ jasin fɛ'n bɔ n kan kle be nga be ti-man Zuif'n, n kan n kleli be nan n junman nga n dili i laa'n, nin nga n tɛ di'n, min sa a kpi-man ase.

Galasifuɛ Mun 2:2 ပူးပေါင်းရင်းမြစ်များ

Matthieu 10:16

Anh nian, amun bo an ti ke bua mun sa'n, nh sunmanh amun gbôklô'm bé afien. I so'n ti, anh yô ngwlelefue ke wuô sa, ye anh yô weteefue ke aublé sa.

Sa nga bé yôli'n 15:12

Bé kwlaa nga bé yiaa le'n, bé guaa bliin, bé sié bé su Paul nin Barnabas bo béh kanh atre nin abônuan sa bo Nyanmien yô maan bé bo bé ti'a Juif'n bé nun'n klé bé'n su.

Sa nga bé yôli'n 15:2

Ke Paul nin Barnabas bé kpalô bé nuan, bo bé nin bé sii akplôwa dan'n, i sin bé bu akunndan bé waan, Paul nin Barnabas nin bé nun wié mun bé o Jérusalem, bé bo Jésus sunmaan bé'n bé nin kpenngben'm bé dyasu, bé kô kan nde so'n.

Sa nga bé yôli'n 15:4

Ke bé dyuu Jérusalem lo'n, asonunfue'm bé nin bé bo Jésus sunmaan bé'n, bé nin kpenngben'm bé soo bé nun, nan ba kan sa kwlaa nga Nyanmien yô maan bé'n, ba klé bé.

Sa nga bé yôli'n 18:9

Lé kun kongue é Min'n séé Paul aôlia nun ke:

Sa nga bé yôli'n 23:11

Ke o yôô so'n, i kongue é Min'n baa Paul wun le o sé i ke: Tra wo awlen, ke a kaan min nde'n Jérusalem wa'n, san ah kenh i kunngba'n Rome lo wié.

Sa nga bé yôli'n 5:34

Sannge Pharisifue kun bo bé flee Gamaliel b'o ti mmla i sifue dan bo swran'n kwlaa bé bu i swran'n, o dyaôô dyole difue'm bé nyrun, o sé ke, man minnien so'm bé dyaô kan.

Rɔmfuɛ Mun 9:16

I so'n fi'an liké nga swran klô'n nin liké ng'o mien i nyin yô'n, sannge o fin Nyanmien b'o si aunnvue'n.

1 Korɛntfuɛ Mun 1:23

Sannge é lie'n, Christ bo bé bôbôlii waka'n su, bo i nde kanle'n ti Juif'm bé ngasi'n, b'o ti bé bo bé ti'a Juif'n bé nyrun sinnzin nde'n, i nde ye é kaan.

1 Korɛntfuɛ Mun 2:2

Afin n dun mmua buu i akunndan ke se n ko amun wun lo'n, n su ka'an nde fi, san Jésus-Christ o nin i waka'n su bo bé bôbôlii'n i nde'n tye ye nh kaanh.

1 Korɛntfuɛ Mun 9:24

?An si'a ke bé nga bé wanndi si akplôwa'n bé kwlaa bé wanndi, sannge bé nun kun ye o nyen io? Amun kusu ke o yô nan amuan nyen'n, an wanndi so.

1 Korɛntfuɛ Mun 9:26

I so'n ti, n lie'n, n wanndi, sannge n wanndi'a ngben, n tô tyolieo o tô fuanman.

2 Korɛntfuɛ Mun 12:1

Kannze bé nuan dile'n ti'a kpa'n, sannge n te yô, ye nh kanh liké nga é Min'n man n wuun bé aôlia nun'n nin sa nga o yi bé nglô kléé min'n bé nde.

Galasifuɛ Mun 1:12

Nanh swran ye o kan kléé mion, ye man sue'en swran fi a nun, sannge Jésus-Christ ye o yii nglô kléé mion.

Galasifuɛ Mun 1:16

Ke o klô ke oh yih i wa'n nglô klé min nan n ken i nde'n klé bé nga bé ti'a Juif'n, man kô kunnde'e i wun ngwlele swran wié sa nun.

Galasifuɛ Mun 1:6

O bô n nuan kpa ke, ke é sé ye'n, amuan katyi amun sin a si i bo yé bo Christ yôli amun'n, ti o fleli amun'n, amuan fa dyasin fe ufle su'n.

Galasifuɛ Mun 2:6

Bé nga bé ti bé nun kpakpa'n, se bé ti se bé ti se laa ô, nanh min ndeo, afin Nyanmien lie'n o nia'an swran nyrun ye o yô i sa lie nion. Bé kpakpa so'm bé lie'n, ba sé'a n ke n yô liké ufle fi.

Galasifuɛ Mun 2:9

Ke Jacques nin Céphas nin Jean bo bé tra Asonun'n nun'n bé wuun ke Nyanmien bu n swran o fa min siéé dyunman so'n su'n, bé sunmaan min nin Barnabas é nun, o man é wuun ke é nen see su ke é o bé nga bé ti'a Juif'n bé sin, ye bé kusu béh koh bé nga bé wla klen'n bé sin.

Galasifuɛ Mun 5:7

Laa an bôô manndren kpa. ?Wan ye man an dyrannin, b'o man an lafi'a nde nanwle'n su kuon?

Filipfuɛ Mun 2:16

ye an fa nde b'o man nguan'n klé bé. Se an yô so'n, Christ bale tyen'n nun nh nyanh komin, ye béh wunh ke n dyunman'n nin min afe'n wa yô'a ngben.

Filipfuɛ Mun 2:29

Anh so i nun amun klun-ufué su é Min'n ti. Ye anh bu swran nga bé ti ke i sa'n bé swran,

1 Tɛsalonikfuɛ Mun 3:5

I so'n ti, ke man kwla tra'a min awlen kun'n, n sunmaan Timothée ke o kô nian, se amun te lafi Christ su ô, se wiénuon Lakafue'n wa laka amun man é dyunman'n wa yô ngben ô.

2 Timote 4:7

Man mian min nyin man wanndi wanndile dan kpa, man dyu n dyuwle, n dyran kéklé lafii Nyanmien su.

Hébreu 12:1

I so'n ti, ke swran kpanngban kpa bo bé kan Nyanmien sulafile nde'n bé sin yia é kukukuku'n, man é kusu é gua liké kwlaa ng'o tanndan é nun'n bé asé, man é wla sa te'n kwlaa asé, afin o fi'an wa dyu'a wa nan wa tanndan é dya nun. Man é mian é nyin sin lika nga bé klé yé'n nun.