Filipfuɛ Mun 2:3 - Nyanmien nde Ufle

³ Nanh an bu amun bobo amun wun akunndan yô liké fi, nanh an kunnde amun dunman, nanh an tu amun wun, sannge anh bu swran wié'm bé swran tra amun bobo.

NYANMIƐN NDƐ'N 1998

³ Nán an bu amun bɔbɔ amún wun akunndan yo like fi, nán an kunndɛ amun dunman, nán an tu amún wun, sanngɛ an `bu sran wie'm be sran tra amun bɔbɔ.

Filipfuɛ Mun 2:3 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 18:14

Nanwle, ke guabô sika défue so'n koh i awlô'n, Nyanmien nin i bé afien a se, sannge o nin kun'n bé afien a seman. Afin swran kwlaa ng'o yô i wun dandan'n, Nyanmien gueh i nyin asé, sannge swran ng'o tu'e i wun'n, Nyanmien man oh nyanh nyrun.

Rɔmfuɛ Mun 12:10

Anh klô amun wun kpa ke swran nin i niaan sa, anh bu amun wiéngu swran.

Rɔmfuɛ Mun 13:13

Man é yô sa bo bé ti nanwle'n ke é ô wia klénglé kpa'n nun sa. Man é yatyi nzanbôe'n, nin nzanbôe nyôlie'n, ye bé wun wannzô yôle'n, bla nin bian kunndele'n, wlaka bôle'n, utré'n, nin swran nyin tyile'n.

Rɔmfuɛ Mun 2:8

Bé nga kusu bo bé bu bé bobo bé wun akunndan, bo bé bu'a swran ufle akunndan, bo bé fa'a nanwle nde'n su, bo sa te'n ye bé klôé'n, oh fah bé wun ya dan i awlen bo bé fite'n ti.

1 Korɛntfuɛ Mun 15:9

afin min ye n ti bé bo Jésus sunmaan bé'n bé nun kaan. Afin n kléé Nyanmien i asonun'n yale, i ti ke bé sé ke Jésus sunmaan min'n, min nin i so flele'n fataman bobo.

1 Korɛntfuɛ Mun 3:3

afin an te yô ke swran b'o ti'a Christfue sa. ?Ke amun nyin tyi amun wiéngu bo utré ô amun afien'n, an ti'a ke swran b'o ti'a Christfue sa? ?Ye nanh sa nga klo swran yô'n ye an yôo?

2 Korɛntfuɛ Mun 12:20

Sre kun min ke, ke n kô dyu amun wun lo'n, n su wu'an amun ke nga m bu i akunndan ke nh wunh amun su'n sa, ye n kusu an su wu'an min ke nga an bu i akunndan ke amunh wunh min su'n sa. Sre kun min ékun ke, ke n dyu lo'n, nh wunh ke amun wié'm bé di utré, wié nyin tyi i wiéngu, wié fa ya, wié si akplôwa, wié kan swran wun nde, wié bla, wié tu i wun, wié kpe sae.

Galasifuɛ Mun 5:15

Sannge se an kaka amun wun bo an titi amun wiéngu sa bui'n, anh nian amun wun kpa, nanh amun wiéngu satyi amun.

Galasifuɛ Mun 5:26

Nanh man é kunnde dunman, nanh man é yô sa b'o kun é wiéngu ya, nanh man é fa é nyin tyi é wiéngu.

Efɛzfuɛ Mun 4:2

Nanh an tu amun wun mlonmlon, anh yô weteefue, anh blu sa'm bé su, sa nga amun wiéngu yô bo an wuin'n, mon o son amun nun i klôle bo an klôé'n ti.

Efɛzfuɛ Mun 5:21

Ke amun nyin yi Christ'n ti, anh bu amun wiéngu swran.

Filipfuɛ Mun 2:14

Liké kwlaa nga amunh yôh'n, nanh an idyo amun kônviabô, nanh an katyi amun nuan,

Kolɔsfuɛ Mun 3:12

An ti Nyanmien i swran, o klô amun, o faa amun. I so'n ti, man swran'm bé yô amun annvo, anh yô bé kpa, anh yô amun wun aénvue, anh yô weteefue, anh blu sa'm bé su. Anh fa liké so mun fa tyityi amun ti.

Kolɔsfuɛ Mun 3:8

Sannge sien'n, anh yatyi sa so'n kwlaa, ya fale, awlen fufu, klunwi, swran wun satyile, nin nde tete b'o fin amun nuan fité'n.

1 Timote 6:4

o tu i wun, o si'a liké fi. Nde'm bé akplôwa sile'n o nin liké'm bé su utré dile'n o katyi i wun ke tukpatye sa. I kwlaa so'n ye man swran'm bé nyin tyi swran, bé di utré, bé kpe bé wun nzôwa, bé bu swran'n wié sa te yôfue nion.

1 Piɛr 3:8

Min nde'n i atabô'n ye, man amun akunndan'n yô kun, anh wun amun wiéngu aunnvue, anh klôé ke amun niaan sa, anh si i aunnvue, anh yô amun wun aénvue.

1 Piɛr 5:5

Gbanflen mun, amun kusu anh bu kpenngben'm bé swran. Amun kwlaa anh yô amun wun ke kanga sa, anh wuka amun wun, afin bé klee Nyanmien Nde'n nun ke: «Nyanmien nin bé nga bé tu bé wun mun lee, Sannge o yô aénvuefue'm bé yé.»