Efɛzfuɛ Mun 6:9 - Nyanmien nde Ufle

⁹ Amun bo an le kanga'n, amun kusu, akunndan kunngba nga amun kanga'm bé bu amun wun'n, anh bu bé wié. Nanh an kpankpan bé su, afin an si ke amun kwlaa amun Min'n ti kun, o ô nyanmien su lo, i lie'n o kpa'a swran nun.

NYANMIƐN NDƐ'N 1998

⁹ Amun bɔ an lɛ kanga'n, amun kusu, akunndan kunngba nga amun kanga'm be bu i amun wun'n, an `bu bé wun wie. Nán an kpankpan bé su, afin an si kɛ amun kwlaa amun Min'n ti kun, ɔ o nyanmiɛn su lɔ, i liɛ'n ɔ kpa-man sran nun .

Efɛzfuɛ Mun 6:9 ပူးပေါင်းရင်းမြစ်များ

Matthieu 22:10

Ye i swran so'm bé faa atin'm bé suo, swran kwlaa nga nga bé wun bé'n, swran te ô, swran kpa ô, bé fle bé, nan swran'm ba yi sua nga bé fa atonvle nun'n.

Matthieu 22:8

Ye o sé i swran'm bé ke: Man wié atonvle fale ninngé'n yô, alie'n wa bé, sannge bé bo n yiaa bé'n ba baman.

Matthieu 24:48

Sannge se o ti dyunman difue b'o ti'a nanwlefue b'o bu akunndan ke

Matthieu 24:51

Oh kpekpeh i nun, oh feh wle dunman klôfue'm bé nun, kan bé sun bé di bé dyé lo'n.

Matthieu 7:12

Liké kwlaa nga an klô ke swran yô man amun'n, anh yô i kunngba so'n man bé, i ye o ti Moïse mmla nin Nyanmien nuan idyofue'm bé nde nion.

JÉSUS-CHRIST I DYASIN FE'N BO LUC KLELI'N 6:31

Liké nga an klô ke swran yô man amun'n, anh yô i wunsu man bé.

Jean 13:13

An sé ke n ti amun liké kléfue nin amun min. Ke an sé so'n, o ti nanwle, afin ke n ti soo.

Sa nga bé yôli'n 10:34

Ye Pierre kusu séé ke: Nanwle, man wun i wle ke Nyanmien lie'n, o kpa'a swran nun,

Rɔmfuɛ Mun 2:11

Afin Nyanmien lie'n, o kpa'a swran nun.

1 Korɛntfuɛ Mun 1:2

éh kleh fluwa nga ble amun bo an ti Nyanmien i asonunfue Corinthe lo b'o flee amun ke an katyi i lie mlonmlon'n, swran wunmuan bo amun nin Jésus-Christ amuan yô'n ti, o nin bé kwlaa nga bé bô Jésus-Christ b'o ti é kwlaa é Min'n i dunman'n.

1 Korɛntfuɛ Mun 7:22

Swran kun nga ke Nyanmien fleh'n o ti kanga'n, o katyi diéwa ba Min'n sa nun, i kunngba'n swran nga ke Nyanmien fleh'n o ti diéwa'n, o katyi Christ i kanga.

Kolɔsfuɛ Mun 3:25

Afin swran ng'o yô sa ng'o ti'a kpa'n, oh nyenh i nuan liké, yele ke Nyanmien kpa'a swran nun.

Kolɔsfuɛ Mun 4:1

Amun bo an le kanga'n, anh yô bé kpa, anh yô liké ng'o ti su'n man bé, afin an si ke amun kusu, amun Min lie'n wô nyanmien su lo.

Jacques 2:13

Afin ke Nyanmien dih bé nga bé si'a swran aunnvue'n bé dyole'n, o su si'a bé aunnvue. Se aunnvue sile'n nin fo bule'n bé ti swran'n, wuun aunnvue sile'n kwla fo bule'n.

Jacques 2:8

Nanwle, se an fa mmla nga wié nu'en i sin, bo bé klee Nyanmien Nde'n nun ke: «Klô o wiéngu ke a fa klô o bobo wun'n sa'n» su'n, o ti kpa.

Jacques 5:4

Bé nga bé di amun fié'n su dyunman, bo amuan tu'a bé kale'n, anh tié bé kpanle'n. Bé nga bé kpe amun awié'n bé kpan lélé bé nen'n tô é Min Anannganman Nyanmien Kpli'n lo.