Efɛzfuɛ Mun 6:8 - Nyanmien nde Ufle

⁸ Afin an si ke liké kpa kwlaa nga swran kun yô'n, se kanga ô, se diéwa ô, liké ng'o yô'n, oh nyenh i nuan liké é Min'n sa nun.

NYANMIƐN NDƐ'N 1998

⁸ Afin an si kɛ like kpa kwlaa nga sran kun yo'n, sɛ kanga o, sɛ diewa o, like ng'ɔ yo'n, ɔ ´nyɛn i nuan like e Min'n sa nun.

Efɛzfuɛ Mun 6:8 ပူးပေါင်းရင်းမြစ်များ

Matthieu 16:27

M bo n katyii Swran'n min nin n Si ange mun éh bah i dunman nun béh wunh ke i nyrun ti nyannyan o yô srô, ye ke swran kun i nyôlie'n ti dyu'n mh menh i nuan liké.

Matthieu 20:7

Ye bé waan: Swran fi a fa'a é. Ye o sé bé ke: Amun kusu, anh wo raisin fié'n su lo.

Matthieu 5:12

yele ke amun mô'n o wa yô dan nyanmien su lo. I so'n ti, man amun klun dyo, man amun wun blibli amun. Afin laa ke bé kléé Nyanmien nuan idyofue'm bé yale soo, i sin nan ba wu amun.

Matthieu 6:1

Anh nian amun wun ke nanh an yô amun sa kpa bo Nyanmien sule'n ti ye an yô'n, swran'm bé ti. Se an yô so'n, an su nya'an liké fi amun Si b'o ô nyanmien su lo'n i sa nun.

Matthieu 6:4

nan liké nga a fa man yalefue'n wa yô nvialie nun, nan o Si b'o wun nvialie nun sa'n wa yô o mô.

JÉSUS-CHRIST I DYASIN FE'N BO LUC KLELI'N 14:14

Se a yô so'n, Nyanmien wa yô o lie yé. Bé lie'n bé le'a liké nan ba yô wié a man o, Nyanmien bobo ye, ke swran kpa'm bé tyen'n, oh yôh o lie'n man o.

JÉSUS-CHRIST I DYASIN FE'N BO LUC KLELI'N 6:35

Sannge anh klô amun kpofue mun, anh yô bé yé, anh bô swran bôsia, nanh an fa amun nyin sié su ke bé yi man amun. Se an yô so'n, béh yôh amun mô dan, ye amunh katyih Nyanmien Kpli bo liké fi nu'en i sin'n, i wa, afin o yô bé nga bé si'a yé'n, o nin klunwifue'm bé yé.

1 Korɛntfuɛ Mun 12:13

Afin Nyanmien fe i Wawe'n yôô é baptême, se Juif ô, Grec ô, kanga ô, diéwa ô, o man é kwlaa ya katyi swran wunmuan, ye i Wawe'n ti é kwlaa é lie.

2 Korɛntfuɛ Mun 5:10

Afin wafa kwlaa nga é ti'n, béh fah é ko Christ dyasu, nan swran kun ke o ô wa'n i liké ng'o yôli'n, se o ti kpa ô, se o ti te ô, o nyen i nuan liké.

Galasifuɛ Mun 3:28

O man o le'a Juif nin Grec, o le'a kanga nin diéwa, o le'a yasua nin bla, afin amun kwlaa an ti kun, swran wunmuan bo amun nin Christ-Jésus amuan katyi'n ti.

Kolɔsfuɛ Mun 3:11

I so'n ti, o le'a ke wié ti Grec, wié ti Juif, bé wlaa wié klen, b'a wla'a wié klen, wié'm bé nyin nian timan, wié ti Scythe sinnglinfue, wié ti kanga, wié ti diéwa, sannge Christ ti bé liké kwlaa, ye o tran bé kwlaa bé awlen'n nun.

Kolɔsfuɛ Mun 3:24

Man an si ke é Min'n bobo ye oh fah liké nga i waan i swran'm béh nyenh'n tua amun kaleo. Afin amun Min kpafue nga an sui'n, yele Christ.

Kolɔsfuɛ Mun 3:25

Afin swran ng'o yô sa ng'o ti'a kpa'n, oh nyenh i nuan liké, yele ke Nyanmien kpa'a swran nun.

Hébreu 10:35

Nanh an yi amun nyin liké nga amun wla ô su'n su, afin mô yôle dan kpa ô su!

Hébreu 11:26

O wun i ke, finfin nga Christ (*f1*) ti bé yô i'n ti kpa tra Égypte lo liké kpakpa'n kwlaa, afin i nyin ta liké nga o wa nyen tyen wié'n mmua lo.