Efɛzfuɛ Mun 6:6 - Nyanmien nde Ufle

⁶ Nanh ke ke bé ô le'n i ngunmin ye an yôé so nan bé klun dyo amun wuon, sannge ke an ti Christ i kanga'n, anh tu amun klun yô sa ng'o ti Nyanmien klun su'n.

NYANMIƐN NDƐ'N 1998

⁶ Nán kɛ kɛ be o lɛ'n i ngunmin yɛ an yo i sɔ nan be klun jɔ amun wun-ɔn, sanngɛ kɛ an ti Krist i kanga'n ti'n, an `tu amun klun yo sa ng'ɔ ti Nyanmiɛn klun su'n.

Efɛzfuɛ Mun 6:6 ပူးပေါင်းရင်းမြစ်များ

Matthieu 12:50

Afin swran ng'o yô n Si b'o ô nyanmien su lo'n i klun sa'n, i ye o ti min niaan bian, nin min niaan bla, nin min nin nion.

Matthieu 7:21

Nanh swran kwlaa nga bé fle min bé Min'n bé ngba ye béh yôh men nga Nyanmien sié'n i nunfueo, san swran ng'o yô min Si b'o ô nyanmien su lo'n i klun sa'n, i ye oh yôh men so'n nunfueo.

Marc 3:35

Swran ng'o yô Nyanmien klun sa'n, i ye o ti min niaan bian, nin min niaan bla, nin min nin nion.

Rɔmfuɛ Mun 6:17

Nh yôh Nyanmien Kpli kwla ô, afin laa sa te'n ti amun nzuen, sannge sien'n amuan fa nde nanwle nga bé kléé amun'n su kpa.

1 Korɛntfuɛ Mun 7:22

Swran kun nga ke Nyanmien fleh'n o ti kanga'n, o katyi diéwa ba Min'n sa nun, i kunngba'n swran nga ke Nyanmien fleh'n o ti diéwa'n, o katyi Christ i kanga.

Galasifuɛ Mun 1:10

?Nde nga n ken ye'n, swran'm bé nyrun annze Nyanmien nyrun dunman ye n kunndeo? ?N waan n yô so nan swran'm bé klô n sa? Se n waan n yô so nan swran'm bé klô n sa'n, wuun n su yô'a Christ swran.

Efɛzfuɛ Mun 5:17

I so'n ti, nanh an yô sinnglinfue, sannge anh mian amun nyin ke amunh sih liké nga é Min'n klô ke an yô'n.

Filipfuɛ Mun 2:12

I so'n ti, n swran kpa mun, ke n wô amun wun lo bo amun nyin fa yi min titi'n, sien'n kannze n nu'an lo'n, man amun nyin yi min kpa tra laa'n. Ke o kô yô nan amuan nyan amun ti mlonmlon'n, anh mian amun nyin di dyunman kpa.

Kolɔsfuɛ Mun 1:9

I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

Kolɔsfuɛ Mun 4:12

Épaphras b'o ti amun nun kun'n i waan oh yôh amun liké. Christ-Jésus i dyunman difue so'n o mien i nyin sre Nyanmien ke an yô swran an wun sa ng'o ti klun sa'n i wle kpa, nan an dyran kéklé.

1 Tɛsalonikfuɛ Mun 2:4

É ken i ke Nyanmien kléé é ke é ken i su'n sa, afin o bu é swran fe i dyasin fe'n wlaa é sa nun. Nanh ke é waan éh kenh i so nan swran'm bé klun dyo é wuon, sannge é waan éh kenh i so nan o dyo Nyanmien b'o si é awlen'n nun'n i klun.

1 Tɛsalonikfuɛ Mun 4:3

Sa ng'o yô Nyanmien fe'n yele ke an katyi i lie mlonmlon ye nanh an kunnde bla nin bian.

Hébreu 10:36

Anh tra amun awlen nan amuan yô Nyanmien klun sa, nan amuan nyan liké nga i waan oh fah man mun'n.

Hébreu 13:21

o man amun fanngan sa'n kwlaa nun nan an yô i klun sa. Jésus-Christ ti, mon o fa é yô liké ng'o klô'n. Man é la Christ asé tititi! Mon o yô so!

1 Piɛr 2:15

Sa nga Nyanmien klô'n yele ke an yô sa ng'o ti kpa'n. I so'n nun sinnglinfue'm bo bé wu'an sa wle'n, bé su kwla ka'an nde fi.

1 Piɛr 4:2

Afin swran ng'o wun nyrennen'n, wuun o nin sa te'n ba bu. O man tyen nga an te di i asie'n su wa'n, anh fa yô Nyanmien klun sa, nanh an yô klo swran klun sa kun.

1 Jean 2:17

Men'n nin i nun ninngé kwlaa bo swran nyin blô su'n, béh wiéh, sannge swran ng'o yô Nyanmien klun sa'n, oh kah le tititi.