Efɛzfuɛ Mun 5:5 - Nyanmien nde Ufle

⁵ Afin nanwle, swran kwlaa nga bé ti bla nin bian kunndefue'n, nin sa tete yôfue'n, nin bé nga bé nyin yi'a liké bo bé ti ke amuen sofue sa'n, bé nun wié fi su nya'an liké fi men nga Christ nin Nyanmien bé siéé'n nun lo.

NYANMIƐN NDƐ'N 1998

⁵ Afin nanwlɛ, sran nga be ti bla nin bian kunndɛfuɛ'n, nin sa tɛtɛ yofuɛ'n, nin be nga bé nyin yi-man like'n, bɔ be ti kɛ amuɛn sɔfuɛ sa'n, be su tran-man be nga Krist nin Nyanmiɛn be ´sie be'n be nun wie.

Efɛzfuɛ Mun 5:5 ပူးပေါင်းရင်းမြစ်များ

Sa nga bé yôli'n 20:32

Sien'n nh fah amun wla é Min'n sa nun, ye nh fah yé dan bo Nyanmien yôô yé'n i nde'n yatyi amun sa nun. O man amunh kwlah dyran tyinndyin, ye kusu o kwla fa liké ng'o sié maan swran kwlaa ng'o ti i lie mlonmlon'n man amun.

Sa nga bé yôli'n 8:21

Nde nga, o lie nu'an nun, ye a su nya'an liké fi nun, afin wo akunndan'n ti'a kpa Nyanmien nyrun.

Galasifuɛ Mun 5:19

É si klo swran i nzuen'n kpa, yele bla nin bian kunndele, sa tete yôle, wlaka bôle,

Galasifuɛ Mun 5:21

bé le kônvi, bé non nzan bô, bé yô sa finfin mun, ye bé yô i sin sa wié mun ékun. Nh kanh nde kunngba nga n kan kléé amun laa'n klé amun ékun, bé nga bé yô i so sa'n, bé su yô'a men nga Nyanmien sieé'n i nunfue mlonmlon.

Efɛzfuɛ Mun 5:3

An ti Nyanmien i swran, i so'n ti, nanh man bé ti bla nin bian kunndele, nin sa tete yôle, nin bé nyin b'o yi'a liké'n, bé nde fi amun nuan nun.

Kolɔsfuɛ Mun 1:13

O déé é aôsin tuun'n i min'n sa nun, ye o fa é oo men nga i awlen su Ba'n sié'n nun.

Kolɔsfuɛ Mun 3:5

I so'n ti, anh wla amun asie'n su wa nzuen'n bé asé, bla nin bian kunndele, sa tete yôle, bé kônvi b'o so nyannzuen sa mun'n, bé nyin b'o blô liké'm bé su'n, bé nyin b'o yi'a liké'n b'o nin amuen sole'n ti kun'n.

1 Timote 6:10

Afin sika klôle'n ye o ti sa tete'n kwlaa i bo nion. Swran wié'm bé fa bé nyin blôô nun lélé bé lafi'a Nyanmien su kun, o man awlabôe'n wa kun bé kpô.

1 Timote 6:17

Kan klé ble nga é ô nun ye'n i nun anyanbéunfue'm bé ke, nanh man bé di tutré, nanh man bé fa bé wla gue bé anyanbéun b'o su ka'a le'n su, sannge bé fa gue Nyanmien b'o man é liké kwlaa b'o man é klun dyo'n i su.

Hébreu 13:4

Man swran'n kwlaa bé bu adya'n i liké dan, ye bé bo ba dya bé wun'n, nanh man bé yô sa sukusuku. Afin Nyanmien nin bé nga bé kunnde bla annze bian'n, nin bé nga bé kunnde bla bé yi bô annze bian bé wun bô'n mun lee.

Sa nglô yile 21:8

Sannge srefue, nin bé nga bé lafi'a n su'n, nin bé nga bé yô tété sa'n, nin swran kunfue, nin bian nin bla kunndefue, nin baéfue, nin amuen sofue, nin bé kwlaa nga bé bua atô'n, bé lika lie'n yele sin dan'n bo soufre (*26*) ô nun, b'o dyué'n nun. I ye o ti wié'n i nnyon su nion.

Sa nglô yile 22:15

Bé nga bé ti ke aluwa sa'n, bé nin baéfue, nin bian nin bla kunndefue, nin swran kunfue, nin amuen sofue, nin bé kwlaa nga bé bua atô, bé yô gblegble sa mun'n, bé lika lie'n yele klo'n sin lo.