Efɛzfuɛ Mun 5:4 - Nyanmien nde Ufle

⁴ Ye nanh man bé ti nde tete, nin nde finfin, nin aôwi tete dile'n amun nuan nun. Bé ti liké b'o nin amun fataman, sannge man bé ti Nyanmien asénna nde amun nuan nun.

NYANMIƐN NDƐ'N 1998

⁴ Yɛ nán man be ti ndɛ tɛtɛ, nin ndɛ finfin, nin aɔwi tɛtɛ dilɛ'n amún nuan nun. Be ti like b'ɔ nin amun fata-man, sanngɛ man be ti Nyanmiɛn asenna ndɛ amún nuan nun.

Efɛzfuɛ Mun 5:4 ပူးပေါင်းရင်းမြစ်များ

Marc 7:22

bla nin bian bé yi annze bé wun i bô kunndele, bé nyin b'o yi'a liké'n, klunwi, gble, sa sukusuku yôle, ainblôe, swran wun nde kanle, wun tule nin sinnzin yôle.

Jean 6:23

Sannge alié wié'm bé fin Tibériade bé dyuu kan é Min'n la Nyanmien asé bo bé dii kpaun le'n.

Rɔmfuɛ Mun 1:28

Ke bé nyin kpaa Nyanmien su'n, i kusu yii i sa bé su o man akunndan tete baa bé ti nun, o man bé yô sa b'o ti'e i su'n.

2 Korɛntfuɛ Mun 9:15

Nyanmien b'o man é liké dan b'o le'a wunsu'n, i kwla ô!

Efɛzfuɛ Mun 1:16

o man n la Nyanmien asé, ye m bô amun dunman kléé tititi.

Efɛzfuɛ Mun 4:29

Nanh nde te kun sa fin amun nuan fité, sannge anh kan nde ng'o ti kpa bo swran tio, o yô swran'n, nan o yô bé kwlaa nga bé ti'n bé fe.

Filipfuɛ Mun 4:6

Nanh amun kôkô sa fii su, sannge sa'n kwlaa nun, nin liké kwlaa ng'o mian amun'n, anh kan klé Nyanmien, anh sree, anh dyran su kpa, ye anh le i asé.

Kolɔsfuɛ Mun 3:8

Sannge sien'n, anh yatyi sa so'n kwlaa, ya fale, awlen fufu, klunwi, swran wun satyile, nin nde tete b'o fin amun nuan fité'n.

1 Tɛsalonikfuɛ Mun 3:9

Ke Nyanmien wun ke amun ti é klun dyo dan kpa'n, é wu'an asénna kun nga é fa le io.

1 Tɛsalonikfuɛ Mun 5:18

Sa'n kwlaa nun, anh la Nyanmien asé, afin ke amun nin Christ-Jésus amuan katyi swran wunmuan'n ti, Nyanmien klô ke an yô so.

Filemɔn 1:8

I so'n ti, Christ b'o dyin n sin'n ti, n si ke n kwla sé ke a yô sa ng'o ti su'n

Hébreu 13:15

I so'n ti, man manmanle nga é manman Nyanmien titi'n yô ke asénna liké bo é fa man Jésus ke o fa men'n sa. Ke éh yôh so'n, é bô i dunman.

2 Piɛr 2:18

Bé idyo dandan ngben, bé fa ninngé nga klo swran nyin blô su'n laka bé nga bé nin bé wiéngu bo bé fa'a atin kpafue'n su'n bé su bu'n.

2 Piɛr 2:7

Sannge o déli Lot b'o ti swran kpa'n, bo sa tete nga swran'm bé yô'n yô i ya'n.

Jude 1:10

Sannge bé lie'n, liké nga bé wu'en i wle'n, bé ken i nde ke o ti'a kpa. Ye bé sa wle nga bé wuin'n, o ti ke blô nnen'm bé lie'n bo bé wu i nin bé'n sa. Sa nga bé wun bé wle so'n ye bé satyi béo.

Jude 1:13

Bé ti ke dyénvié'n b'o bô gbuugbuu'n sa, bé nyannzuen sa nga bé yô'n ti ke i nyin su nglô'n sa. Bé ti ke nzraama b'o tu ko'n sa, lika nga Nyanmien fa siéé bé ke bé tran nun tititi'n, yele aôsin tritritri kpa'n.