Efɛzfuɛ Mun 5:3 - Nyanmien nde Ufle

³ An ti Nyanmien i swran, i so'n ti, nanh man bé ti bla nin bian kunndele, nin sa tete yôle, nin bé nyin b'o yi'a liké'n, bé nde fi amun nuan nun.

NYANMIƐN NDƐ'N 1998

³ An ti Nyanmiɛn i sran, i sɔ'n ti'n, nán man be ti bla nin bian kunndɛlɛ, nin sa tɛtɛ yolɛ, nin bé nyin b'ɔ yi-man like'n be ndɛ fi amún nuan nun.

Efɛzfuɛ Mun 5:3 ပူးပေါင်းရင်းမြစ်များ

Matthieu 15:19

Afin akunndan te'n, swran kunle'n, bla nin bian bé yi annze bé wun i bô kunndele'n, bla nin bian kunndele'n, awié'n, bé wiéngu suen tonle'n, swran wun nde kanle'n, i kwlaa so'n wô swran i awlen'n nun.

JÉSUS-CHRIST I DYASIN FE'N BO LUC KLELI'N 12:15

I sin o sé bé ke: Anh nian amun wun kpa kônvi kpli yôle'n i lika, afin man swran nyen i wun, o nyen i wun see… nanh ninngé so mun ye bé men i nguaan.

JÉSUS-CHRIST I DYASIN FE'N BO LUC KLELI'N 16:14

Pharisifue mun (*f4*) bo bé klô sika'n bé tii nde so'n, nan ba sri Jésus.

Sa nga bé yôli'n 15:20

Sannge man é kle bé fluwa ke nanh man bé di amuen su, nanh man bé kunnde bla b'o ti'a bé yi annze bian b'o ti'a bé wun'n, ye nanh man bé di nnen b'o wu i sa su'n, o nin nnen mmôdya.

Sa nga bé yôli'n 20:33

Min nyin a blô'a swran fi i dyete ufué, nin i sika okwle, nin i trale'm bé wun.

Rɔmfuɛ Mun 1:29

Sa tete yôle'n kwlaa kun bé kpô, bé ti swran te, bé kônvi ti kpli, bé klun yô wi, bé nyin tyi swran nin liké, bé kun swran, bé klô utré, bé ti gble, bé bu swran wun akunndan te, bé bla,

Rɔmfuɛ Mun 16:2

O man anh so i nun kpa é Min'n ti, ke Nyanmien i swran'm bé so bé wiéngu nun'n sa. Liké kwlaa ng'o mien i sa'n, anh yô men, afin nanwle, o tii swran kpanngban bé wun nyaan nun, ye o nian n kusu n lika kpa.

Rɔmfuɛ Mun 6:13

Nanh an fa amun wunnen'n i bué kaan sa mon o yô sa te'n i dyunman liké, sannge amun bo an ti ke swran bo ba wu ba tyen sa'n, anh fa amun wun man Nyanmien, man amun wunmuan'n yô i dyunman liké b'o fa yô sa kpa.

1 Korɛntfuɛ Mun 10:8

Nanh man é kunnde bla ke bé nun wié'm bé yôli b'o man bé nun akpiakpi ablaon-nin-nsan bé wuu lé kunngba'n sa.

1 Korɛntfuɛ Mun 5:1

Bé tii lika'n kwlaa ke amuan fa bla nin bian kunndele'n amuan tyityi amun ti, lélé o man amun nun kun a dé i si yi'n. Bla kunndele wafa so'n, bé bo bé ti'a Christfue'n bobo bé yôman.

1 Korɛntfuɛ Mun 6:13

Alie'n ti bé klun ôwié, ye bé klun'n kusu te alie'n i di guawle, sannge Nyanmien o wa satyi liké nnyon so'n. Bé wunnen'n kusu ti'a liké bo bé fa katyi bla kunndele nin bian kunndele likéo, sannge o ti é Min'n i lie, ye é Min'n kusu ti bé wunnen so'n i lie.

1 Korɛntfuɛ Mun 6:18

Anh wla bla nin bian kunndele'n i asé. Sa te kwlaa bo swran yô'n o ti'a bé kplô nun nde, sannge swran ng'o kunnde bla annze bian'n, o yô i so sa lie'n gue i bobo kplô'n nun.

2 Korɛntfuɛ Mun 12:21

Sre kun min ke, ke n dyu amun wun lo ékun'n, nh wunh swran kpanngban bo bé yôô sa tete laa bo lélé nde bé nian katyi'a bé nzuen'n bé te yô ninngé tete, bé te kunnde bla nin bian, bé bô wlaka. Bé ti nh sunh nan min Nyanmien man min nyin a gua'a asé amun nyrun.

Efɛzfuɛ Mun 5:12

Afin sa nga swran so'm bé fia yô'n, i kanle'n yô nyannzuen.

Efɛzfuɛ Mun 5:5

Afin nanwle, swran kwlaa nga bé ti bla nin bian kunndefue'n, nin sa tete yôfue'n, nin bé nga bé nyin yi'a liké bo bé ti ke amuen sofue sa'n, bé nun wié fi su nya'an liké fi men nga Christ nin Nyanmien bé siéé'n nun lo.

Filipfuɛ Mun 1:27

Sa'n kwlaa nun, anh yô sa ng'o nin Christ dyasin fe'n ti kun'n, nan se mh bah amun wun wunle ô, se m baman ô, man ti amun ngan ke amun kwlaa amun bô ti kun kpa amun dyran kéklé, ye amun akunndan'n ti kun, an mian amun nyin dyasin fe'n bo an lafi su'n ti.

Kolɔsfuɛ Mun 3:5

I so'n ti, anh wla amun asie'n su wa nzuen'n bé asé, bla nin bian kunndele, sa tete yôle, bé kônvi b'o so nyannzuen sa mun'n, bé nyin b'o blô liké'm bé su'n, bé nyin b'o yi'a liké'n b'o nin amuen sole'n ti kun'n.

1 Tɛsalonikfuɛ Mun 4:3

Sa ng'o yô Nyanmien fe'n yele ke an katyi i lie mlonmlon ye nanh an kunnde bla nin bian.

1 Tɛsalonikfuɛ Mun 4:7

Afin Nyanmien a fle'a é ke é yô sa tete, o flee é ke é yô i lie mlonmlon.

1 Timote 2:10

sannge man bé yô swran yé, afin bla nga bé srô Nyanmien'n, se bé yô soo o ti kpa.

1 Timote 3:3

Nanh mon o yô nzanbôefue nin utré klôfue, sannge mon o yô weteefue b'o kunnde'a ndengan, nanh mon o yô swran bo i nyin yi'a liké.

1 Timote 6:10

Afin sika klôle'n ye o ti sa tete'n kwlaa i bo nion. Swran wié'm bé fa bé nyin blôô nun lélé bé lafi'a Nyanmien su kun, o man awlabôe'n wa kun bé kpô.

2 Timote 3:2

Afin swran'm béh buh bé bobo bé wun akunndan, béh yôh sika klôfue, béh dih bé nuan, béh tuh bé wun, béh satyih Nyanmien wun, bé nyin su yi'a bé si nin bé nin mun bé su si'a yé, bé nyin su yi'a Nyanmien,

Tite 1:11

Sé i sofue mun ke bé yatyi bé nde so'm bé kanle. Bé klé liké ng'o ti'e i su'n, bé fa kunnde sika ng'o ti'e i kunndewle'n, o man bé bô awlô'n wié sékésékéséké.

Tite 1:7

Man asonun sunianfue'n yô swran bo bé kwla satyi'e i wun kaan sa, afin o nian Nyanmien ninngé'm bé su. Nanh mon o yô swran b'o yô i bobo i klun sa, nin ya fafue, nin nzanbôefue, nin utré klôfue, nin swran b'o kunnde sika i wafa ng'o ti'e i su'n.

Tite 2:3

Kan klé bla kpenngben mun ke bé kusu bé yô sa nga Nyanmien swran yôo o ti su'n. Nanh man bé di abla, nanh man bé yô nzanbôefue. Man bé yô sa ng'o ti kpa'n

Hébreu 12:16

Anh nian amun wun kpa nan swran fi a kunnde'a bla nin bian, swran fi a bu'a Nyanmien liké'n ke o ti'a liké fi, ke Ésaü bo alie talié kun ti o yôô i kpenngben'n i ate'n sa.

1 Piɛr 5:2

anh nian Nyanmien i bua fa b'o fa bé maan amun'n bé lika. Nanh an yôé mianle su, anh yôé ke Nyanmien klô ke an yô'n sa. Nanh an yôé ke amun wa nyan liké ti, sannge anh tu amun klun yô.

2 Piɛr 2:10

Bé nga bé lie'n yôh te tra su'n, yele bé nga bé kônvi so sa tete'm bé yôle, bo bé bu'a Nyanmien liké fi'n. Bé yô sa nyin kéklé su, bé yô bé bobo bé klun sa. Bé srô'a nyanmien su lo swran nga bé le nyrun'n bé nzôwa kpele.

2 Piɛr 2:14

Ke bé wun bla mun'n, bé kunndele akunndan ye bé buo, bé kônvi tu'a sa tete yôle'n su. Bé laka bé bo bé le'a awlen kpa'n. Bé nyin yi'a liké mlonmlon. Nyanmien man bé wun su dyo'a bé lé!

2 Piɛr 2:3

Bé nyin b'o blô ninngé'm bé su'n ti, béh kpeh bé ti nun kan nde mun, béh fah amun kunnde bé sika. Bé buu bé fo wa tye, san béh mlinh.

Sa nglô yile 2:14

Sannge amun wun sa wié ô n klun, yele ke swran wié'm bé ô amun nun lo bé fa liké nga Balaam kléli'n su. I ye o klé Balak ye man o laka Israël mun ye bé yô sa te, bé di amuen su, bé fa bé wun wle téklé bôle'n nun nion.

Sa nglô yile 2:21

N yatyii i le kaan ke o katyi i nzuen'n, sannge o yatyi'e i téklé bôle'n.

Sa nglô yile 21:8

Sannge srefue, nin bé nga bé lafi'a n su'n, nin bé nga bé yô tété sa'n, nin swran kunfue, nin bian nin bla kunndefue, nin baéfue, nin amuen sofue, nin bé kwlaa nga bé bua atô'n, bé lika lie'n yele sin dan'n bo soufre (*26*) ô nun, b'o dyué'n nun. I ye o ti wié'n i nnyon su nion.

Sa nglô yile 22:15

Bé nga bé ti ke aluwa sa'n, bé nin baéfue, nin bian nin bla kunndefue, nin swran kunfue, nin amuen sofue, nin bé kwlaa nga bé bua atô, bé yô gblegble sa mun'n, bé lika lie'n yele klo'n sin lo.

Sa nglô yile 9:21

Ba yatyi'a swran kunle'n, nin baé dile'n, nin bla nin bian kunndele'n, nin awié'n.