Efɛzfuɛ Mun 5:2 - Nyanmien nde Ufle

² Sa kwlaa nga amunh yôh'n, anh yôé swran klôle'n ti, ke Christ kusu klôli é b'o fe i wun maan Nyanmien é ti ke te nnen bo bé yre'n (*f41*) b'o bon fannin Nyanmien bué nun'n sa.

NYANMIƐN NDƐ'N 1998

² Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

Efɛzfuɛ Mun 5:2 ပူးပေါင်းရင်းမြစ်များ

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Jean 13:34

Mh manh amun mmla kun ékun, anh klô amun wiéngu. Klôle nga n fa klôli amun'n, amun kusu anh fa klô amun wiéngu so.

Jean 6:51

M bobo n ti kpaun b'o man nguan, n fin nyanmien su lo ye m balio. Swran ng'o di kpaun so'n wié'n, o su wu'a mlonmlon, min nnen'n ye o ti kpaun so'n bo nh fah man nion. Nh fah man so nan menmenfue'm béh nyanh nguan.

Rɔmfuɛ Mun 15:16

b'o sié min ke n di Christ-Jésus i dyunman bé nga bé ti'a Juif'n bé afien'n ti ye n kleli i soo. Ke mh bôh Nyanmien i dyasin fe'n, n yô i nyrun dyranfue nan nh fah bé nga bé ti'a Juif'n men, i Wawe'n man bé katyi i lie, o man i klun dyo bé wun.

Rɔmfuɛ Mun 4:25

Nyanmien yii i ke o wa wu sa nga é yôli'n ti, ye é swran kpa bule ti ye o tyennin io.

Rɔmfuɛ Mun 8:3

Liké nga Moïse mmla'n kwle'e i yô'n klo swran i nzuen'n ti'n, Nyanmien bobo yôli. Ke o man i bobo Wa'n katyi ke klo swran b'o yô sa te'n sa, b'o sunmenniin ke o yô te nnen'n, o klé ke sa te b'o ti klo swran nzuen'n ti te, o man se o wié'n, o ti su.

Rɔmfuɛ Mun 8:37

Kannze sa so'n kwlaa to é su'n, Jésus b'o klôô yé'n ti, é tra safunyren.

1 Korɛntfuɛ Mun 16:14

Liké kwlaa nga amunh yôh'n, anh bu amun wiéngu akunndan.

1 Korɛntfuɛ Mun 5:7

Anh gua kpaun ayré laa'n i asé, nan an yô kpaun ufle. Afin an ti ke kpaun bo ba gua'a nun ayré sa, ye ba kun Christ b'o ti ke é Pâque (*f17*) bua sa'n.

2 Korɛntfuɛ Mun 2:14

Nyanmien Kpli kwla ô! Afin ke é nin Christ ya katyi swran wunmuan'n ti, o fa é yi i kwlale'n nglô tititi. Ye o fa é ke é yô man bé si Christ lika'n kwlaa ke liké b'o bon fannin kpa'n sa.

2 Korɛntfuɛ Mun 2:15

Afin é ti ke blofue nzué bo Christ fa man Nyanmien sa, é ti so bé nga bé su fité nun'n nin bé nga bé su mlin'n bé nyrun.

2 Korɛntfuɛ Mun 8:9

Afin an si yé dan nga é Min Jésus-Christ yôli yé'n. I b'o ti anyanbéunfue'n o katyii i wun yalefue amun ti, nan i yale so'n nun an katyi anyanbéunfue.

Galasifuɛ Mun 1:4

Ke o kô yô nan Christ wa dé é ti men te kain nga nun'n ti, o fe i bobo wun mannin é sa te'n ti. I so'n ti é Si Nyanmien klun su.

Galasifuɛ Mun 2:20

o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.

Efɛzfuɛ Mun 1:4

O dun mmua faa é ke é nin Christ é katyi swran wunmuan, é yô i lie, ke nanh mon o wun sa kaan sa é wun, nan wa bô men'n i bô.

Efɛzfuɛ Mun 3:17

nan Christ su bo an lafi'n ti, o tran amun awlen'n nun. Ye nh sreh i ke o man an wun klôle b'o fa klô amun b'o man an dyran kéklé'n, i wle wéiin,

Efɛzfuɛ Mun 3:19

Kannze swran fi kwla wu'an klôle bo Christ fa klô yé'n i wle kpa'n, nh sreh i ke an wun i wle, nan an fa Nyanmien Kpli'n sa'n kwlaa nun.

Efɛzfuɛ Mun 4:15

Sannge se é klô swran bo é di nanwle'n, éh nyinh, éh yôh swran, éh fah Christ sa'n kwlaa nun. I ye o ti Asonun'n b'o ti i wunnen'n i ti nion,

Efɛzfuɛ Mun 4:2

Nanh an tu amun wun mlonmlon, anh yô weteefue, anh blu sa'm bé su, sa nga amun wiéngu yô bo an wuin'n, mon o son amun nun i klôle bo an klôé'n ti.

Efɛzfuɛ Mun 5:15

I so'n ti, anh nian amun dyaôsu'n su kpa. Nanh an yô ke swran b'o wu'an sa wle sa, sannge anh yô ngwlelefue.

Efɛzfuɛ Mun 5:25

Yasua mun, ke Christ klôli Asonun'n, amun kusu anh klô amun yi mun so.

Filipfuɛ Mun 4:18

Liké kwlaa nga an fa blee min'n, n nyenniin, o dyu min tra su. Ke Épaphrodite fa liké so'n bo an fa menniin ke o fa ble min'n blee min'n, o man liké'n kwlaa ti a sin a yia min. Liké so'm bé ti ke liké b'o bon fannin bo bé fa man Nyanmien, o so nun, o dyo i klun'n sa.

Kolɔsfuɛ Mun 3:14

Ye sa ng'o ti tyinndyin tre i ngba b'o man i kwlaa so'n kwla yô yé'n yele ke an klô amun wiéngu.

1 Tɛsalonikfuɛ Mun 4:9

Amun niaan klôle nde lie'n, é bô'a ye kle'a amun i su fluwa, afin Nyanmien bobo kléé amun ke an klô amun wun.

1 Timote 2:6

O fe i wun maan ke oh kpoh swran'n kwlaa bé ti. Ke o yôô so ble nga Nyanmien siéli'n su'n, ye o klé ke Nyanmien klô ke oh déh swran'n kwlaa nion.

1 Timote 4:12

Ke bo a ti gbanflen kaan'n ti, nanh yô man swran fi yô o finfin, sannge yô sa ng'o ti kpa'n, man bé nga bé lafi Christ su'n bé nian su yô, o idyole nun ô, o nzuen'n nun ô, o swran klôle nun ô, o Nyanmien sulafile nun ô, o nin sa te bo a yôman nin ô.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Hébreu 8:3

Nyanmien nyrun dyranfue dan kwlaa nga bé sié bé'n, bé sié bé ke bé fa liké nga swran'm bé waan béh fah man Nyanmien'n nin nnen nga béh fah soe'n bé fa men. O man é lie'n, kusu o fata ke o nyan liké wié fa men.

Hébreu 9:14

Se o ti so'n, Christ kwla fe i mmôdya lie'n kusu yô liké b'o tra wun asô bôle'n fatifati! Ke o ti aôlia nun swran b'o ti anannganman'n ti'n, o fe i bobo bo fien kaan nu'en i wun'n maan Nyanmien. O man liké nga bé yô'a liké fi yé bo é yô bé man é klun titi yé'n, oh wiéh nan é kwla su Anannganman Nyanmien'n!

Hébreu 9:23

I so'n ti, se bé bô ninngé nga bé ti nyanmien su lo lie'n bé sonnzon su'n bé wun asô so'n, o ti su. Sannge nyanmien su lo lie'n b'o ti i kpafue'n, san béh nyanh nnen bo i kpa tra nga'n, nan ba bô bé wun asô.

Hébreu 9:26

afin se o ti ke o yôli so'n, wuun ke o fin men'n i bôbôle nun'n oh wunh nyrennen tititi. Sannge sien'n bo ya dyu men'n i bué nuan'n, o yii i wun nglô kpe kunngba nan sa te'n wié, i wun b'o fa soo Nyanmien'n ti.

1 Piɛr 4:8

Sa ng'o ti dan tre i ngba'n yele ke an klô amun wun, afin swran ng'o klô swran'n, o wu'an sa tete kpanngban nga bé yô'n.

1 Jean 3:16

Anh nian sa nga b'o man é si liké nga bé flee swran klôle'n, yele ke é ti, Christ fe i wun mannin. É kusu é niaan'm bé ti, man é fa é wun man.

1 Jean 3:23

Anh nian nde nga o kan kléé yé'n, i waan, é lafi Wa Jésus-Christ su, ye é klô é wun ke Christ kan kléé é ke é klô é wun'n sa.

Sa nglô yile 5:9

Bé tô dyué ufle kun, bé sé ke: Wo ye a ti fluwa'n i fafueo, bo a kwla kpekpe liké nga bé fa tyityili nuon. Afin bé kuun o, a fo o wun tô swran'm bo bé fin nvlénvlé'n kwlaa nun, nin bé bo bé anien'n ti wafawafa'n kwlaa, nin swran wafawafa'n kwlaa, nin bé nga bé fin menmen'n kwlaa nun'n, maan Nyanmien.