Efɛzfuɛ Mun 4:9 - Nyanmien nde Ufle

⁹ ?Ke bé sé ke: «o fuu nglô lo'n,» i bô ti se? I bô klé ke o dun mmua oo asie'n i bô mmuamua kpa lo.

NYANMIƐN NDƐ'N 1998

⁹ ?Kɛ be se kɛ: «Ɔ fuli nglo lɔ'n,» i bo ti sɛ? I bo kle kɛ ɔ dun mmua ɔli asiɛ'n i bo mmua-mmua kpa lɔ.

Efɛzfuɛ Mun 4:9 ပူးပေါင်းရင်းမြစ်များ

Matthieu 12:40

Afin ke Jonas dii lé nsan dyué dan'n i klun'n, i kunngba nion, m bo n katyii Swran'n n kusu nh dih lé nsan asie'n bô.

Jean 20:17

Ye Jésus sé i ke: Nanh kan min, afin n nian fu'a n Si wun lo ka. Sannge ko n niaan'm bé sin kô sé bé ke, nh fuh ko min nin amun é Si'n b'o ti min nin amun é Nyanmien'n i wun lo.

Jean 3:13

Swran fi nian wo'a nyanmien su lo lé, san m bo n katyii Swran'n bo n fin lo bali'n.

Jean 6:33

Afin Nyanmien kpaun'n yele swran ng'o fin nyanmien su lo b'o man menfue'm bé nyan nguan'n.

Jean 6:38

afin n fin nyanmien su lo bali, man ba'a m bobo n klun sa yôle, sannge swran ng'o sunmaan min'n, i klun sa ye n yôo.

Jean 6:41

Ke o sé bé ke o ti kpaun b'o fin nyanmien su lo dyrali'n ti, Juif'm bé keen i wun nde

Jean 6:51

M bobo n ti kpaun b'o man nguan, n fin nyanmien su lo ye m balio. Swran ng'o di kpaun so'n wié'n, o su wu'a mlonmlon, min nnen'n ye o ti kpaun so'n bo nh fah man nion. Nh fah man so nan menmenfue'm béh nyanh nguan.

Jean 6:58

Kpaun ng'o fin nyanmien su lo'n ye, o ti'a ke nga amun nannan'm bé dili bo bé wuli'n sa. Swran ng'o di kpaun so'n, o su wu'a mlonmlon.

Jean 6:62

?Se an wun ke m bo n katyii Swran'n n su fu kan n wô lo laa'n, amunh yôh amun wun se?

Jean 8:14

Jésus sé bé ke: O ti nanwle ke n kan m bobo min wun nde, kannze n ken i so'n, o ti nanwle, afin n si n finwle nin n kowle. Sannge an si'a n finwle nin n kowle.

Hébreu 2:7

A yôli man ange'm bé kpa'n trelii lé nnyon kun, A siéé famien man o nyan nyrun, bé menmen,

Hébreu 2:9

Sannge é wun Jésus bo Nyanmien yôli man ange'm bé kpa'n trelii lé nnyon kun'n, ke bé siéli i famien, o man bé menmen, nyrennen wié'n b'o wuli'n ti. Ke o yôô so'n, é wun ke Nyanmien i aklunyé'n ti ye o wuu swran'n kwlaa bé tio.