Efɛzfuɛ Mun 4:5 - Nyanmien nde Ufle

⁵ É Min'n ti kun, sulafile wafa nga é lafi Christ su'n ti kun, baptême'n ti kun,

NYANMIƐN NDƐ'N 1998

⁵ E Min'n ti kun, sulafilɛ wafa nga e lafi Krist su'n ti kun, batɛm'n ti kun,

Efɛzfuɛ Mun 4:5 ပူးပေါင်းရင်းမြစ်များ

Matthieu 28:19

I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

Sa nga bé yôli'n 10:36

O fe i nde'n blee Israël mma mun, ye o kan aladyé bo bé wa nyen Jésus-Christ b'o ti swran'n kwlaa bé Min'n i ti'n i nde kléé bé.

Sa nga bé yôli'n 2:36

I so'n ti man Israël ôsufue'n kwlaa bé si kpa ke Jésus so'n bo an bôbôlii waka'n su'n, i ye Nyanmien siéé ke o ti é Min nin Christ nion.

Rɔmfuɛ Mun 3:30

afin Nyanmien kunngba'n ye o bu bé nga bé lafi i su'n bé swran kpaa, se bé wlaa bé klen ô, se ba wla'a bé klen ô.

1 Korɛntfuɛ Mun 1:13

?Bé kpekpee Christ nun? ?Paul ye bé bôbôé waka'n su amun tio? ?Ye Paul dunman nun ye bé yôô amun baptêmeon?

1 Korɛntfuɛ Mun 1:2

éh kleh fluwa nga ble amun bo an ti Nyanmien i asonunfue Corinthe lo b'o flee amun ke an katyi i lie mlonmlon'n, swran wunmuan bo amun nin Jésus-Christ amuan yô'n ti, o nin bé kwlaa nga bé bô Jésus-Christ b'o ti é kwlaa é Min'n i dunman'n.

1 Korɛntfuɛ Mun 12:13

Afin Nyanmien fe i Wawe'n yôô é baptême, se Juif ô, Grec ô, kanga ô, diéwa ô, o man é kwlaa ya katyi swran wunmuan, ye i Wawe'n ti é kwlaa é lie.

1 Korɛntfuɛ Mun 12:5

dyunman'n ti fanunfanun, sannge é Min'n ti kunngba,

1 Korɛntfuɛ Mun 8:6

sannge é lie'n, é Si Nyanmien Kpli'n ti kunngba tye. I ye o yii liké'n kwlaaa, i ti ye é ô leo. Ye é Min'n ti kunngba, yele Jésus-Christ, i ye Nyanmien man o yii liké'n kwlaa, i fanngan nun ye man é ô leo.

2 Korɛntfuɛ Mun 11:4

Afin swran wié'm bé ba amun wun lo bé kan Jésus ufle b'o nin nga é ken i nde'n ti'a kun'n i nde, o man an su fa akunndan ufle nin dyasin fe ufle b'o nin nga an faa su laa'n ti'a kun'n su. N wun ke an sié amun su bé nde'n su kpa.

Galasifuɛ Mun 5:6

Ke é nin Christ-Jésus ya katyi swran wunmuan'n, se é wla klen ô, ya wla'a klen ô, nenh i li ye bé niaan, sannge klôle bo é fa klô swran nin Nyanmien'n i su bo é lafi'n ti'n, i li ye bé niaan.

Efɛzfuɛ Mun 4:13

O man éh yôh swran lélé é kwlaa éh yôh kun Nyanmien Wa'n i su bo é lafi'n nin i sile bo é sii kpa'n ti, ye éh yôh swran lélé béh kwlah fa é sunnzun wafa kwlaa nga Christ ti'n.

Filipfuɛ Mun 2:11

ye o fité bé kwlaa bé nuan ke Jésus-Christ ti bé Min, nan é Si Nyanmien'n nyan nyrun.

Filipfuɛ Mun 3:8

Nanwle, ke m bu min Min Christ-Jésus i sile bo n sii'n liké kpa sakpa'n ti, o man m bu'a liké'n wié fi liké. I ti man yatyi liké'n kwlaa, ke o yô nan Christ a yô n liké kpa nan min nin i ya katyi swran wunmuan'n ti, m bu liké'n kwlaa ke wla sa. Swran kpa bo n ti'n, o fi'an m bobo min nzuen'n nun mmla'n i sufale'n ti, sannge o fin Christ su bo n lafi'n. Swran kpa yôle so'n fin Nyanmien, i su bo bé lafi'n ti.

Tite 1:1

M Paul n ti Nyanmien i swran bo Jésus-Christ sunmaan min ke n wuka bé nga Nyanmien kpaa bé'n man bé lafi i su kpa, ye bé wun nde nanwle nga bé bo bé srô Nyanmien'n bé sii'n i wle kpa,

Tite 1:4

O man nh kleh fluwa nga ble o Tite bo a ti n wa sakpa'n, yele ke é nnyon'n Nyanmien kunngba'n su ye é lafio. Man é Si Nyanmien nin é Défue Christ-Jésus be man a nyan yé, ye man o wun dyo o fouun!

Hébreu 13:7

Anh bu amun kpenngben bo laa bé kan Nyanmien nde kléé amun'n bé akunndan. Anh nian bé nzuen'n nin bé agualie'n, anh nian ke bé fa lafi Nyanmien su'n, anh lafi i su so wié.

Hébreu 6:6

o nin i so'n ngba, se o yatyi atin'n, bé kwla yôman mon o se'e i sin katyi'e i nzuen'n kun. Afin se o yô so'n, wuun i kusu su bôbô Nyanmien Wa'n waka'n su ékun, o gue i nyin asé nzra nun.

Jacques 2:18

Wiénuon swran wié wa sé n ke: O lie'n, a lafi Nyanmien su, ye n kusu, n yô be'n m ma fa klé o ke n lafi Nyanmien su.

1 Piɛr 3:21

Nzué so'n ti baptême b'o man amuan nyan amun ti nde'n i nzolie. Nanh ke o wunnzin bé wunnen su fieon, sannge o man é sre Nyanmien ke nanh man é klun titi é kun. Jésus-Christ i tyenle'n ti ye é nyaan é tio.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

Jude 1:20

Sannge n swran kpa mun, amun lie'n, Nyanmien su bo an lafi kpa'n ti, anh dyran kéklé ke sua bo bé wlee i bô kpa'n sa. Amunh nin Nyanmien kôkô yale titi i Wawe'n i fanngan nun.

Jude 1:3

N swran kpa mun, ke n waan nh kleh ti nyanle bo é nin amun é nyenniin'n i nde ble amun'n, n wuun ke, se n kle amun fluwa nan n wla amun fanngan ke an dyran Christ sulafile nde'n su'n, o ti kpa. Nyanmien man bé kan nde so'n kléé i swran mun kpe kunngba tye.