Efɛzfuɛ Mun 4:31 - Nyanmien nde Ufle

³¹ Anh wla klunwi'n, nin awlen fufu'n, nin ya fale'n, nin ndengan'n, nin swran wun satyile'n, nin swran kpole'n bé kwlaa bé asé.

NYANMIƐN NDƐ'N 1998

³¹ An `wla klunwi'n, nin anwlɛn fufu'n, nin ya falɛ'n, nin ndɛnngan'n, nin sran wun sacilɛ'n, ɔ nin sran kpɔlɛ'n be kwlaa be ase.

Efɛzfuɛ Mun 4:31 ပူးပေါင်းရင်းမြစ်များ

Sa nga bé yôli'n 21:30

Klo wunmuan'n kédyéli, swran'm bé fin wa bé fin wa, bé wa traa Paul bé tyuen Nyanmien sua dan'n nun fitéli, kpekun ye bé nyinnyiin anuan muon.

Rɔmfuɛ Mun 3:14

Amuennwua'n nin nde tete'n wô bé nuan nun.

1 Korɛntfuɛ Mun 14:20

Aniaan mun, nanh an bu akunndan ke bakan sa, anh bu kpenngben akunndan, sannge anh yô ke ba nonman b'o si'a gble kpe'n sa.

1 Korɛntfuɛ Mun 5:8

Man é di tyen so'n, sannge nanh man é fa kpaun bo ayré laa'n wô nun b'o klé klunwi'n nin sa te yôle'n, é fa di. Sannge man é fa kpaun bo ba gua'a nun ayré'n é fa di, i ye o klé kpa yôle nin nanwle dile nion.

2 Korɛntfuɛ Mun 12:20

Sre kun min ke, ke n kô dyu amun wun lo'n, n su wu'an amun ke nga m bu i akunndan ke nh wunh amun su'n sa, ye n kusu an su wu'an min ke nga an bu i akunndan ke amunh wunh min su'n sa. Sre kun min ékun ke, ke n dyu lo'n, nh wunh ke amun wié'm bé di utré, wié nyin tyi i wiéngu, wié fa ya, wié si akplôwa, wié kan swran wun nde, wié bla, wié tu i wun, wié kpe sae.

Galasifuɛ Mun 5:20

amuen sole, baé dile, swran kpole, nin utré. Bé nyin tyi bé wiéngu, bé fa ya, bé bô ti'a kun, bé bubu bé wun nun,

Efɛzfuɛ Mun 4:22

I so'n ti, anh wla amun nzuen laa b'o man an yô sa ng'o fataman'n i asé. I ti ye amun nyin blô ninngé'm bé su, an laka amun wun lélé an satyi nion.

Efɛzfuɛ Mun 4:25

I so'n ti, anh yatyi atô buale'n, anh di nanwle klé amun wiéngu, afin é kwlaa é ti swran wunmuan.

Efɛzfuɛ Mun 4:26

Se an fa ya'n, nanh an yô sa te. Nanh an fa ya so'n lélé man wia'n to su.

Kolɔsfuɛ Mun 3:19

Yasua mun, anh klô amun yi mun, nanh an yô amun nyrun wiwi bé wun.

Kolɔsfuɛ Mun 3:8

Sannge sien'n, anh yatyi sa so'n kwlaa, ya fale, awlen fufu, klunwi, swran wun satyile, nin nde tete b'o fin amun nuan fité'n.

1 Timote 3:11

Man bé yi'm bé kusu bé yô swran nanwlefue, nanh man bé yô abla difue, man be bu akunndan, man bé yô swran bo bé kwla fa bé wla gua bé su sa'n kwlaa nun.

1 Timote 3:3

Nanh mon o yô nzanbôefue nin utré klôfue, sannge mon o yô weteefue b'o kunnde'a ndengan, nanh mon o yô swran bo i nyin yi'a liké.

1 Timote 5:13

Ke o kô yô so'n, bé yô'a liké fi, bé wlanwlan awlô'm bé nun, ye ng'o ti te tra su'n, bé idyo fiaii, nde ng'o ti'a bé nde'n nin nde ng'o fataman'n ye bé kaan.

2 Timote 2:23

Sannge nanh fo o wun wla sinnzin akplôwa sile b'o yô'a sa fi yé'n nun, afin a si ke akplôwa'n i bô agualie yele utré.

2 Timote 3:3

bé su klô'a swran, bé yô bé saa bé su yatyi tyeman, béh dih abla, bé su si'a bé wun su nian, béh yôh wle, béh kpoh swran kpa mun,

Tite 1:7

Man asonun sunianfue'n yô swran bo bé kwla satyi'e i wun kaan sa, afin o nian Nyanmien ninngé'm bé su. Nanh mon o yô swran b'o yô i bobo i klun sa, nin ya fafue, nin nzanbôefue, nin utré klôfue, nin swran b'o kunnde sika i wafa ng'o ti'e i su'n.

Tite 2:3

Kan klé bla kpenngben mun ke bé kusu bé yô sa nga Nyanmien swran yôo o ti su'n. Nanh man bé di abla, nanh man bé yô nzanbôefue. Man bé yô sa ng'o ti kpa'n

Jacques 1:19

N niaan kpa mun, anh bu nde nga akunndan! Man swran'n kwlakwla bé sié bé su bé tié nde nga bé kan'n kpa, nanh man swran fi kan nde ndende, nanh man bé fa ya ndende.

Jacques 3:14

Sannge se amun klunwi'n ti amun nyin tyi swran, an bu amun bobo amun wun akunndan'n, nanh an fa amun ngwlele'n di amun nuan, nanh an fa nanwle katyi atô.

Jacques 4:11

Aniaan mun, nanh an kan amun wiéngu wun nde. Swran ng'o ken i niaan wun nde, annze o bu i fo'n, wuun mmla'n ye o ken i nde ke o ti sa o ti saa. O man se an sé ke mmla'n ti sa ti sa'n, wuun an fa'a su, i nde ye an kaan.

1 Piɛr 2:1

I so'n ti, anh wla klunwi, nin gble'n kwlaa, nin dunman kunndele, nin amun nyin bo an fa tyi swran'n, nin swran wun nde kanle'n kwlaa bé asé.

1 Jean 3:12

Nanh man é yô ke Caïn b'o ti Klunwifue'n i lie'n ti, o kuun i niaan bian'n i lie'n sa. ?Nzu ti ye o kunnin io? Yele ke sa nga i bobo yô bé'n bé ko'a atin su, sannge i niaan bian lie'n ko atin su.

1 Jean 3:15

Swran kwlaa ng'o i niaan'n, wuun o ti swran kunfue, ye an si ke swran kunfue'n o le'a anannganman nguan.

Sa nglô yile 12:10

Ye n tii swran kun nen kéklé kpa nyanmien su lo, o sé ke: Sien'n Nyanmien man swran'm ba nyan bé ti, wa yi i famien'n nin i kwlale'n nglô. I Christ'n (*f1*) ye o sié sien nion. Afin é niaan'm bé sanmanfue b'o sanman bé Nyanmien dyasu wia nun nin kongue'n, ba ken i bô nyanmien su lo.