Efɛzfuɛ Mun 4:18 - Nyanmien nde Ufle

¹⁸ bé kwla wu'an sa wle. Nguan nga Nyanmien fa man swran'n, bé dunman te'a nun wié, afin ba kété, o man bé si'a sa fi.

NYANMIƐN NDƐ'N 1998

¹⁸ yɛ be kwla wun-man sa wlɛ. Nguan nga Nyanmiɛn fa man sran'n, be dunman tɛ-man nun wie, afin b'a kete, ɔ man be si-man sa fi.

Efɛzfuɛ Mun 4:18 ပူးပေါင်းရင်းမြစ်များ

Matthieu 13:15

Afin swran so'm ba tri, Ba bu bé su nun waka, ba muanmuan bé nyin Nan bé nyinma a wunmen, bé su a timan, Ba wunmen i wle, Ye ba sa'a bé sin min wun nan man yô'a bé dyuédyué.»

Marc 3:5

Bé kétéle bo ba kéké'n yôô i ya lélé o bô i wla, ye o niaan bé ya su, nan wa sé bian'n ke: Tinnge o sa'n nun. O tinngee i sa'n nun nan wa yô kpa ke laa'n sa.

Jean 12:40

«Nyanmien katyii bé anyansifue, O man bé kétéli Nan bé nyinma a wunmen, Ba wu'en i wle, ye ba sa'a bé sin min wun, Nan man yô'a bé dyuédyué.»

Sa nga bé yôli'n 17:30

I nun'n bo swran'm bé wu'an sa wle'n, sa nga bé yôli'n, Nyanmien a fa sié'e i klun, sannge sien'n, o kan klé swran ti blé'n kwlaa ke bé katyi bé nzuen'n.

Sa nga bé yôli'n 3:17

Aniaan mun, n si ke sa nga amun nin amun sukpen mun an yôli'n, an si'a nun ti ye an yôlio.

Rɔmfuɛ Mun 1:28

Ke bé nyin kpaa Nyanmien su'n, i kusu yii i sa bé su o man akunndan tete baa bé ti nun, o man bé yô sa b'o ti'e i su'n.

Rɔmfuɛ Mun 11:25

Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

Rɔmfuɛ Mun 11:7

Se o ti so'n, éh séh ke, liké nga Israëlfue'm bé kunnde'n, ba nyenmen, san bé kaan nga Nyanmien faa bé'n, bé ngunmin ye bé nyennin io. Sannge nde nga bé klee ke bé nga'm bé wa yô swran bo bé wu'an sa wle'n, ye wa kpen su ye'n. Bé klee ke: «Nyanmien man bé katyii ke swran bo bé akunndan nu'an le sa, Ye o man bé wu'an asé, Bé ti'a sa Lélé fa dyu nde.»

Rɔmfuɛ Mun 2:19

an bu amun wun anyansifue'm bé kponman trafue, an yô amun wun ke kannin sa an kpadya bé bo bé ô aôsin'n nun'n bé nyrun,

1 Korɛntfuɛ Mun 1:21

Nyanmien wun ke o ti kpa ke o fa sinnzin nde so'n dé bé nga bé fa su'n, afin Nyanmien b'o si sa'n kwlaa'n, o wun ke swran'm bé nin bé ngwlele bo bé sii'n, ba simen.

1 Korɛntfuɛ Mun 2:8

Men'n nun wléngbi'm bé wié fi ba simen, se o ti ke bé silii'n, wuun ba bôbô'a é Min'n b'o i nyrun yô srô'n waka'n su.

2 Korɛntfuɛ Mun 3:14

Sannge Nyanmien man ba kwla wu'an sa fi wle. O man lélé nde, ke bé kunngan sa laa nga Nyanmien waan oh yôh man swran'n i fluwa'n nun'n, tannin kunngba so'n b'o man bé wu'an sa wle'n o te ô le. Afin san bé nga bé nin Christ ba katyi swran wunmuan'n bé lie'n ye wa yio.

2 Korɛntfuɛ Mun 4:4

Bé lie'n bé lafi'a su yele ke men nga i min'n o satyii bé akunndan'n, nan ba wu'an Christ b'o fa Nyanmien Kpli'n i wafa kwlaa ng'o ti'n i dyasin fe'n i wle.

Galasifuɛ Mun 4:8

Laa an si'a Nyanmien, o man an su ninngé nga bé nin sule fataman'n.

Efɛzfuɛ Mun 2:1

Laa amun fonle'n nin amun sa te yôle'n ti, Nyanmien nyrun an ti ke amuan wu sa,

Efɛzfuɛ Mun 2:12

I nun so'n nun, amun nin Christ di'a mlonmlon, an ti Israël nvlé'n nun aôfue, liké nga Nyanmien séé ke oh yôh men i swran mun nde ng'o kan kléé Abraham'n ti'n, amun lie nu'an nun, ke an wô le'n, an le'a liké bo an fa amun wla gue i suo, an si'a Nyanmien.

Kolɔsfuɛ Mun 1:21

Amun bo laa an kpo Nyanmien bo amun nin i diman'n, amun akunndan te nin amun nyôlie tete'n ti'n,

1 Tɛsalonikfuɛ Mun 4:5

Nanh man amun nyin tra sa tete'n bé yôle su ke bé nga bé si'a Nyanmien'n bé yô'n sa.

Hébreu 5:2

Ke i bobo ti swran b'o kwla'a liké fi yô'n ti, o kwla wun bé nga bé wu'an sa wle'n, nin bé nga bé fon'n bé aunnvue.

Hébreu 9:7

Sannge sua ba i nnyon su'n, Nyanmien nyrun dyranfue dan'n i ngunmin ye o wlu lo afue kun nun kpe kuon. Ke oh wluh lo'n, san oh feh i bobo i ti nnen'n i mmôdya'n nin swran'm bé fonle'n i ti nnen'n i mmôdya'n ye o wlu loo.

Jacques 4:4

An ti ke bla b'o kunnde bian i wun bô sa. ?An si'a ke swran ng'o klô men'n i dile'n, wuun o kpo Nyanmien? O man swran nga i waan oh fah men'n teke i ti su'n, o katyi Nyanmien i kpofue.

1 Piɛr 1:14

Man amun nyin yi Nyanmien, nanh an yô liké nga i nun'n bo an nian wu'an sa wle'n amun nyin blô bé su bo an yôô bé'n, bé kun.

1 Jean 2:11

Sannge swran ng'o kpo i niaan'n, o ô aôsin'n nun, o man ke oh nantih'n o si'a lika ng'o ko'n, afin o ti ke anyansifue sa.