Efɛzfuɛ Mun 4:16 - Nyanmien nde Ufle

¹⁶ ye man wunnen wunmuan'n kwlaa ô leo, ye wunnen so'n i lika kun dyunman lie nga bé klé i ke o di'n o dio, afin bé kwlaa bé sasa su. O man o nyin o yô kpa klôle bo bé klô bé wun'n ti.

NYANMIƐN NDƐ'N 1998

¹⁶ I yɛ man wunnɛn wunmuan'n kwlaa o lɛ-ɔ, yɛ wunnɛn sɔ'n i lika kun junman liɛ nga be kleli i kɛ ɔ di'n yɛ ɔ di-ɔ, afin be kwlaa be sasa su. Ɔ yo man wunnɛn sɔ'n ɔ nyin, yɛ ɔ yo kpa klolɛ bɔ i lika sɔ'n be klo be wun'n ti.

Efɛzfuɛ Mun 4:16 ပူးပေါင်းရင်းမြစ်များ

Jean 15:5

Min ye n ti raisin'n i bô nion, an ti i sama. Swran ng'o nin min a yô swran wunmuan bo é tran titi'n, o ti ke waka sama b'o su kpanngban sa, afin se n nu'an nun'n, an kwla yô'a liké fi.

Rɔmfuɛ Mun 12:4

Swran ti wunmuan kun, sannge i wun ninngé'm bé sonnin, ye bé liké nga bé yô'n ti ngunminngunmin.

1 Korɛntfuɛ Mun 10:17

Kannze é sonnin'n, kpaun kunngba so'n ti ya katyi swran wunmuan, afin kpaun kunngba so'n ye é ngba é yia su é dio.

1 Korɛntfuɛ Mun 13:13

Sien'n, liké nsan ng'o ka le'n bé ye, Nyanmien su lafile, é wla bo é fa gue Nyanmien su'n, nin klôle bo é fa klô Nyanmien nin swran'n, sannge bé nun dan'n yele Nyanmien nin swran bé klôle.

1 Korɛntfuɛ Mun 8:1

Amuen nnen'n lie'n, é si ke é kwlaa é sii. Sannge sa sile so'n man swran tu i wun, sannge swran klôle'n o man swran yô swran.

Galasifuɛ Mun 5:22

Sannge sa nga Nyanmien Wawe'n man swran yô'n ye: o man bé klô Nyanmien nin swran, bé klun dyo, bé wla gua asé, bé tra bé awlen, bé yô swran yé, bé yô aklunyé, bé di nanwle,

Galasifuɛ Mun 5:6

Ke é nin Christ-Jésus ya katyi swran wunmuan'n, se é wla klen ô, ya wla'a klen ô, nenh i li ye bé niaan, sannge klôle bo é fa klô swran nin Nyanmien'n i su bo é lafi'n ti'n, i li ye bé niaan.

Efɛzfuɛ Mun 1:4

O dun mmua faa é ke é nin Christ é katyi swran wunmuan, é yô i lie, ke nanh mon o wun sa kaan sa é wun, nan wa bô men'n i bô.

Efɛzfuɛ Mun 3:17

nan Christ su bo an lafi'n ti, o tran amun awlen'n nun. Ye nh sreh i ke o man an wun klôle b'o fa klô amun b'o man an dyran kéklé'n, i wle wéiin,

Efɛzfuɛ Mun 3:7

Dyasin fe so'n i dyunman bo Nyanmien man n di i klun-ufué'n ti'n, i fanngan nun ye n dio.

Efɛzfuɛ Mun 4:12

Ke o kô yô nan i swran'm ba yô kpa nan ba di i dyunman'n nan Christ i wunnen'n wa yô kpa'n ti, ye man bé nun kunngun bé dyunman'n ti wafawafa so nion.

Efɛzfuɛ Mun 4:15

Sannge se é klô swran bo é di nanwle'n, éh nyinh, éh yôh swran, éh fah Christ sa'n kwlaa nun. I ye o ti Asonun'n b'o ti i wunnen'n i ti nion,

Filipfuɛ Mun 1:9

Ye n sre i ke an klô i nin swran mun kpa ye an si ngwlele, an wun sa'm bé wle kpa wéiin.

Kolɔsfuɛ Mun 2:19

O fe'e i wun manta'an Christ b'o ti bé ti'n kpa kun. Christ ye man bé akpoleakpole nin bé ndin'm bé sasa su, ye man bé wunnen wunmuan'n yô kpa, ye o nyin ke Nyanmien klô ke o nyin'n saa.

Kolɔsfuɛ Mun 2:2

M mian min nyin nan an tra amun awlen, ye klôle bo an klô amun wun'n ti amun bô yô kun, ye an si ngwlele kpa b'o man amunh wunh sa wle wéiin nan an si liké nga Nyanmien fiee swran'm bé nyrun'n, liké so'n yele Christ!

1 Tɛsalonikfuɛ Mun 1:3

É akunndan ô liké nga Christ su bo an lafi'n ti an yô'n, nin dyunman nga an di klôle bo an fa klô Nyanmien nin swran'n, nin amun wla bo an fa gua é Min Jésus-Christ su kpa'n bé su, ye é kan klé é Si Nyanmien.

1 Tɛsalonikfuɛ Mun 2:13

I so'n ti, é kusu é la Nyanmien asé titi, afin i nde bo é kan kléli amun'n, an tili ye an fa su. Amuan bu'e i ke o ti swran lie, sannge an wun i ke o ti Nyanmien nde sakpa b'o kwla yô amun bo an lafi Christ su'n, amun wun sa yé.

1 Tɛsalonikfuɛ Mun 3:12

Man é Min'n man an klô amun wiéngu nin swran'n kwlaa dan kpa tra laa'n, ke é kusu é fa klô amun'n sa!

2 Tɛsalonikfuɛ Mun 1:3

Aniaan mun, anh lafi Christ su kpa tra laa'n, klôle nga amun kwlaa an fa klô amun wun'n ti dan tra laa'n, o man amun ti o fata ke é la Nyanmien asé titi, se é yôé soo o ti su.

1 Timote 1:5

É waan, bé klô swran kpa ti ye é tu bé fo so nion. Klôle so'n fin swran bo sa te kaan sa nu'en i awlen'n nun, b'o man i klun titimen, b'o lafi Nyanmien su sakpa'n.

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.

1 Jean 4:16

É si ke Nyanmien klô é, o man é lafi i su. Nyanmien ye o ti swran klôfue nion, o man swran ng'o klô swran'n, wuun o nin Nyanmien ba katyi swran wunmuan, o nin i bé tran.