Efɛzfuɛ Mun 4:12 - Nyanmien nde Ufle

¹² Ke o kô yô nan i swran'm ba yô kpa nan ba di i dyunman'n nan Christ i wunnen'n wa yô kpa'n ti, ye man bé nun kunngun bé dyunman'n ti wafawafa so nion.

NYANMIƐN NDƐ'N 1998

¹² Kɛ ɔ ko yo nan i sran'm b'a yo kpa nan b'a di i junman'n nan Krist i wunnɛn'n ɔ'a yo kpa'n ti yɛ man be nun kunngun be junman'n ti wafa-wafa sɔ nin-ɔn.

Efɛzfuɛ Mun 4:12 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 22:32

Sannge n kan o nde kléé Nyanmien ke n su bo a lafi'n, nanh man a kponzo. O kusu se a katyi'n, wlo o niaan'm bé fanngan.

Sa nga bé yôli'n 1:17

Judas ti é nun kun, bé felii ke o di dyunman kunngba nga é di ye'n wié.

Sa nga bé yôli'n 1:25

mon o fa dyunman nga Judas yatyi oli i bobo lika'n, ye sunmanle nga Jésus fa sunmaan Judas'n, o fa sunmen.

Sa nga bé yôli'n 11:23

O ti swran kpa, Nyanmien Wawe'n siéé, ye o lafi Nyanmien su kpa. Ke o dyuu lo b'o wuun yé dan nga Nyanmien yôô bé'n, i klun dyoli, o tu bé kwlaa bé fo ke bé fa bé wla gua é Mun'n su, ye bé dyran kéklé. Ye swran kpanngban kpa bé fa bé wun maan é Min'n.

Sa nga bé yôli'n 20:24

Sannge m bu'a min wun liké fi, n yô so nan man wanndi a dyu n dyuwle, nan man wié dyunman nga é Min Jésus fa wlaa n sa nun ke n yô'n i yô. Dyunman so'n yele ke n kan yé dan nga Nyanmien yôô yé'n i nde.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Sa nga bé yôli'n 9:31

Asonunfue'm bo bé ô Judée, nin Galilée, nin Samarie men wunmuan'n nun lo'n, bé le aladyé, asonun'n ko i nyrun. Ke bo asonunfue'm bé srô é Min'n bo Nyanmien Wawe'n dyran bé sin'n, bé tre.

Rɔmfuɛ Mun 12:5

I kunngba'n, kannze é sonnin'n, é nin Christ ya katyi swran wunmuan, ye é kwlaa so'n ya yô kun.

Rɔmfuɛ Mun 12:7

Se o man swran kun ékun si swran'm bé lika nian'n, mon o nian bé lika. Swran nga kusu b'o man o si liké klé'n, mon o klé,

Rɔmfuɛ Mun 14:19

I so'n ti, man é yô sa ng'o dyo é wiéngu klun b'o man é kwlaa éh yôh kpa'n.

Rɔmfuɛ Mun 15:14

N niaan mun, m bobo n lafi amun su kpa ke an ti klunufuéfue kpa, an wun sa'n kwlaa wle, ye an kwla tu amun wiéngu fo.

Rɔmfuɛ Mun 15:2

Man é kwlaa é yô liké ng'o dyo é wiéngu klun'n, i so'n nun é uke mon o yô kpa.

Rɔmfuɛ Mun 15:29

N si ke, ke n dyu amun wun lo'n, amunh wunh ke Christ dyin n sin dan.

1 Korɛntfuɛ Mun 12:27

An kwlaa an ti Christ i wunnen, swran kun ti i lika'n kun.

1 Korɛntfuɛ Mun 12:7

Nyanmien Wawe'n i liké b'o fa man swran mun ke bé fa uka bé wu'n, swran kun nin kun lie'n ti'a kun.

1 Korɛntfuɛ Mun 14:12

Amun lie'n kusu, ke amun nyin blô Nyanmien Wawe'n i ninngé b'o fa man swran mun ke bé yô'n bé su'n, anh mian amun nyin anh yô ninngé so'm bé kpa, man asonun'n yô kpa.

1 Korɛntfuɛ Mun 14:14

Afin se n kan nde klé Nyanmien anien wié nun'n, nde bo n kan'n Nyanmien ye o fa wla n nuan ye n kaan, sannge n wu'an sa fi wle nde so'n nun.

1 Korɛntfuɛ Mun 14:26

?Aniaan mun, se o ti so'n, ke amun yia'n bo amun kwlaa an le liké bo an yô'n, bo kun tô dyué, kun kusu klé liké wié, kun kan nde bo Nyanmien kan klélii'n, kun idyo anien wié'n, kun kusu katyi anien wié, é yôé se? Anh yô i kwlaa so'n man asonun'n yô kpa.

2 Korɛntfuɛ Mun 12:19

Amun akunndan nga an bui titi'n yele ke an bu i ke nde fe ye é kunndeo. Nenh i soo, sannge Nyanmien nyrun, sa ng'o dyo Christ klun'n ye é kaan. N swran kpa mun, amun swran yôle ti ye é kan nde so'n kwlaaa.

2 Korɛntfuɛ Mun 13:11

Aniaan mun, min nde'n i atabô'n ye: Nyanmien man amun klun dyo. Anh katyi anh yô swran kpa, anh fa min nde'n su, man amun bô yô kun, anh di anuanse. Ye Nyanmien b'o klô swran'n b'o man é di aladyé'n, o nin amunh tranh.

2 Korɛntfuɛ Mun 13:9

Ke é wun ke é kwla'a liké fi yô, bo é wun ke an dyran kéklé'n, o yô é fe. Éh sreh Nyanmien kusu ke an katyi nan an yô swran kpa.

2 Korɛntfuɛ Mun 3:8

Nyanmien Wawe'n lie'n tre fatifati!

2 Korɛntfuɛ Mun 4:1

Nyanmien i aunnvue b'o si é b'o fa é wlaa dyunman nga nun'n ti, é sa sin bubu'a é.

2 Korɛntfuɛ Mun 5:18

I kwlaa so'n fin Nyanmien b'o fa Christ siésiéé é nin i é afien'n, b'o fa swran nin i bé afien siésiéle dyunman'n maan yé'n.

2 Korɛntfuɛ Mun 6:3

É klô'a ke swran fi kan é dyunman'n i wun nde, i so'n ti, é yô'a sa fi b'o satyi swran ti nuon.

2 Korɛntfuɛ Mun 7:1

N swran kpa mun, sa kwlaa nga Nyanmien séé ke oh yôh bé so'n ti, man é wla sa kwlaa ng'o satyi swran'n nin akunndan tete'n kwlaa bé asé. Se é waan é srô Nyanmien'n, man é nian é wun kpa ke nanh man sa kaan sa tran é nin i é afien.

Efɛzfuɛ Mun 1:23

Asonunfue'n kwlaa bé ti i wunnen, i bobo ye o ti i ti nion. I b'o ô lika'n kwlaa'n, o ô Asonun'n nun.

Efɛzfuɛ Mun 4:16

ye man wunnen wunmuan'n kwlaa ô leo, ye wunnen so'n i lika kun dyunman lie nga bé klé i ke o di'n o dio, afin bé kwlaa bé sasa su. O man o nyin o yô kpa klôle bo bé klô bé wun'n ti.

Efɛzfuɛ Mun 4:29

Nanh nde te kun sa fin amun nuan fité, sannge anh kan nde ng'o ti kpa bo swran tio, o yô swran'n, nan o yô bé kwlaa nga bé ti'n bé fe.

Efɛzfuɛ Mun 4:4

Ke Nyanmien fle amun bo liké nga an fa amun wla gua su'n ti kun'n, i kunngba'n, wunnen'n ti kun, ye Nyanmien Wawe'n kusu ti kun.

Kolɔsfuɛ Mun 1:24

Nyrennen nga amun ti n wuin ye'n, n klun dyo su. Ke n fe n kplô'n nun'n, n su guagua nyrennen nga Christ wunniin Asonun b'o ti i wunnen'n ti'n bô.

Kolɔsfuɛ Mun 1:28

Christ so'n i nde ye é kan klé swran'n kwlaa nion, é tu bé kwlakwla bé fo, é fa ngwlele kwlaa nga é sii'n é fa klé bé liké. É yô so nan swran'n kwlaa yô swran Nyanmien nyrun, swran wunmuan bo bé nin Christ ti'n ti.

Kolɔsfuɛ Mun 4:17

Anh sé Archippe ke o nian dyunman nga é Min'n fe sié i su'n su kpa, o nian nun dii kpa.

1 Timote 1:12

N la é Min Christ-Jésus b'o wlaa n fanngan'n i asé, afin m bo laa n satyi i dunman, n klé i yale, n kpe i nzôwa'n, o buu n swran, o fa min wle i dyunman'n nun. Nyanmien si min aunnvue, afin sa wle bo n wunmen'n nin i su bo n lafiman'n ti ye n yôô soo.

2 Timote 4:11

Luc ngunmin ye o nin min ô waa. A nin Marc anh bla, afin o uka min kpa n dyunman'n nun.

2 Timote 4:5

Sannge o lie'n, nion o wun su sa'n kwlaa nun, yale nga bé klé wo'n, mon o son o nun, dyasin fe i kanle b'o ti o dyunman'n di, dyunman nga Nyanmien fa wlo o sa nun'n guegue i bô.

Hébreu 13:17

Man amun nyin yi amun kpenngben mun, anh bu bé swran. Bé nian amun su titi, afin bé wa kan bé dyunman'n i su nde klé Nyanmien. Anh yô sa nga b'o man bé klun dyo bé dyunman'n su'n. Se amuan yô'e i so bo bé ôtô'n, o man bé su kwla uka'a amun.

Hébreu 6:1

I so'n ti, man é yatyi Christ nde'n i bôbôle nga bé klé yé'n, é mian é nyin é yô swran. Nanh man é wla sua'n i bô asé kun. I bô asé wlale so'n yele nde nga é kan sé ke bé yatyi sa ngbenngben yôle, bé lafi Nyanmien su,