Efɛzfuɛ Mun 3:9 - Nyanmien nde Ufle

⁹ Ye kusu o man n klé bé sa nga bé yô nan wa yô i klun su'n, wéiin. Nyanmien b'o yii ninngé'n kwlaa'n, lalafue nun o fiee i klun sa so'n swran'm bé nyrun,

NYANMIƐN NDƐ'N 1998

⁹ Yɛ sa nga be yo nan ɔ'a yo i klun su'n weiin, ɔ yo man n kle be. Nyanmiɛn b'ɔ yili ninnge'n kwlaa'n, lalafuɛ nun ɔ fiɛli i klun sa sɔ'n sran'm be nyrun.

Efɛzfuɛ Mun 3:9 ပူးပေါင်းရင်းမြစ်များ

Matthieu 10:27

Nde nga n kan klé amun aôsin nun'n, anh ken wia nun, ye nde nga bé tu i aswré klé amun'n, anh kô bô i ndôlô.

Matthieu 13:35

nan nde nga Nyanmien nuan idyofue'n kannin'n o kpen su. O sé ke: «Nh wukéh min nuan'n, mh buh nyanndra, Ye ninngé nga bé fia su ke o fin men'n i bôbôle nun'n, nh kenh i nde klé amun.»

Matthieu 25:34

Ye m bo n ti famien'n nh séh bé nga bé gua n fama su'n ke: Amun bo n Si yôli amun yé'n, anh bla'a di famien bo ke b'éh bôh men'n i bô'n, bé sié maan amun'n.

Matthieu 28:19

I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

JÉSUS-CHRIST I DYASIN FE'N BO LUC KLELI'N 24:47

Ye i dunman nun béh kanh klé nvlénvlé'n kwlaa ke bé katyi bé nzuen'n, nan Nyanmien yatyi sa nga bé yôlii'n tye bé. Béh bôh i kanle'n bô Jérusalem wa.

Jean 10:30

Man nin n Si é ti kun.

Jean 5:17

Sannge Jésus sé bé ke: Tyen kwlakwlakwla n Si di dyunman, n kusu n di dyunman.

Jean 5:19

O man Jésus keen i bobo nde, o sé bé ke: Nanwle, liké nga Ba'n wun ke i Si yô'n, ye o nian su yôo. Ba'n bobo kwla kpe'e i ti nun yô'a liké fi. Liké kwlaa nga i Si'n yô'n, ye i kusu yôo.

Rɔmfuɛ Mun 11:25

Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

1 Korɛntfuɛ Mun 2:7

Nyanmien i ngwlele b'o yi'e i nglô b'o fiee swran'm bé nyrun, b'o dun mmua sié maan é ke o ba é nyrun nyan ka nan wa yi men'n, i nde ye é kaan.

Efɛzfuɛ Mun 1:4

O dun mmua faa é ke é nin Christ é katyi swran wunmuan, é yô i lie, ke nanh mon o wun sa kaan sa é wun, nan wa bô men'n i bô.

Efɛzfuɛ Mun 3:2

Sa nga Nyanmien i klun-ufué'n ti o man n yô man amun'n, n lafi su kpa ke an tili.

Efɛzfuɛ Mun 6:19

Ye anh sre i ékun ke, ke n wuké n nuan'n, o klé min nde nga n kaan o ti su'n, nan n yi dyasin fe'n b'o fiee swran'm bé nyrun'n i nglô klé bé wéiin yakpa su,

Kolɔsfuɛ Mun 1:23

Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

Kolɔsfuɛ Mun 1:26

i nde so'n ke o fin lalafue nun'n o fie swran'n kwlaa bé nyrun, sannge sien'n wa yii nglô a klé i swran mun.

Kolɔsfuɛ Mun 3:3

afin an wuli, o man ôle nga an wô le nde'n, an wô Nyanmien sa nun, afin wa fa amun nin Christ a fie i wun lo.

Kolɔsfuɛ Mun 4:3

Ke amunh yôh so'n, anh sre Nyanmien ke o man é kusu é atin man é ken i nde'n, nan é kwla kan Christ nde bo Nyanmien fiee swran'm bé nyrun'n, afin i ti ye man bé wlaa m bisua nion.

2 Tɛsalonikfuɛ Mun 2:13

Aniaan mun, amun bo an ti é Min'n i swran kpa'n, amun ti o fata ke é la Nyanmien asé tititi. Afin ke o fin i bôbôle nun'n, o faa amun ke i Wawe'n man an katyi i lie ye an lafi nanwle'n su, nan an nyan amun ti.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

2 Timote 1:9

O déé é, o flee é ke é yô i swran, nanh ke é yô sa kpa ti ye o flee yéo, sannge é wun akunndan bo i bobo buli'n, nin yé bo i waan Christ-Jésus ti oh yôh yé'n tio.

2 Timote 4:17

Sannge é Min'n ye o dyran n sin wlaa n fanngan ye man n kwla ken i nde'n kwlaa, ye man bé kwla nga bé ti'a Juif'n bé tilio. O déé min dyra'n i nuan nun.

Tite 1:2

nan bé fa bé wla gua anannganman nguan'n su. Nyanmien b'o bua'a atô'n, ke o nian yi'a men'n o séé ke nh nyanh nguan so'n.

1 Piɛr 1:20

Nyanmien dun mmua fe siéli i sin nan wa yi men'n, ye amun ti, ke ya dyu men'n i bué nuan'n, wa yii nglô.

Sa nglô yile 13:8

Bé kwlaa nga bé ô men'n nun, bo ke bé bô men'n i bô'n, ba kle'a bé dunman Bua Gbanflen bo bé kunniin'n i nguan fluwa'n nun'n, béh kôtôh i bô.

Sa nglô yile 14:6

N wuun ange kun ékun o tu sin nyanmien blé kpa nun lo, o le dyasin fe kun b'o ti anannganman, b'o wa kan klé swran nga bé ô asie'n su bo bé fin menmen nin nvlénvlé'n kwlaa nun, o nin bé kwlaa nga bé anien'n ti wafawafa'n, nin swran wafawafa'n kwlaa.

Sa nglô yile 17:8

Nnen'n bo a wunniin'n, o ô le laa, sannge o nu'an le kun. O wa fin kunman dan bo bé si'e i bô'n nun fité, oh koh lika nga i agualie'n gueh i te'n nun. Asie'n sufue'm bo ke béh bôh men'n i bô'n, ba kle'a bé dunman nguan fluwa'n nun'n, ke bé wun nnen so'n, oh bôh bé nuan. Afin o ô le laa, sien'n o nu'an le kun, ye o wa ba ékun.

Sa nglô yile 4:11

É Min Nyanmien, ke bé yi o aye, bé manman o, bé sé ke a ti kpli'n, o ti i su, afin wo ye a yii liké'n kwlaaa, a klô ke ah yih bé ti ye a yii béo, ye o ti ye bé ô leo.