Efɛzfuɛ Mun 3:7 - Nyanmien nde Ufle

⁷ Dyasin fe so'n i dyunman bo Nyanmien man n di i klun-ufué'n ti'n, i fanngan nun ye n dio.

NYANMIƐN NDƐ'N 1998

⁷ Jasin fɛ sɔ'n i junman bɔ Nyanmiɛn man n di i klun-ufue'n ti'n, i fanngan nun yɛ n di-ɔ.

Efɛzfuɛ Mun 3:7 ပူးပေါင်းရင်းမြစ်များ

Sa nga bé yôli'n 9:15

Sannge é Min'n sé i ke: Ko, afin bian so'n, man fe ke o di n dyunman, nan o bô n dunman'n nvlé wié'm bé nun, famien nin Israël mma'm bé nyrun,

Rɔmfuɛ Mun 1:5

I ti ye Nyanmien bu n swraan, o sunmaan min ke n ken i nde'n klé nvlénvlé'n kwlaa i bobo dunmaan nun, nan bé lafi su ye bé nyin yii.

Rɔmfuɛ Mun 12:3

Yé dan nga Nyanmien yôli'n min'n ti, nh séh amun kwlakwla ke, nanh an bu amun wun swran dan tra wafa nga an ti'n su, sannge anh nian wafa nga Nyanmien man an lafi i su'n, se an lafi su kpa ô, ye man amun si wafa nga amun ti'n.

Rɔmfuɛ Mun 15:16

b'o sié min ke n di Christ-Jésus i dyunman bé nga bé ti'a Juif'n bé afien'n ti ye n kleli i soo. Ke mh bôh Nyanmien i dyasin fe'n, n yô i nyrun dyranfue nan nh fah bé nga bé ti'a Juif'n men, i Wawe'n man bé katyi i lie, o man i klun dyo bé wun.

1 Korɛntfuɛ Mun 15:10

Sannge swran nga man yôé ye'n, yé bo Nyanmien yôô min'n ti ye man man yô soo. Yé so'n b'o yô min'n wa yô'a ngben, afin n dii dyunman dan tra bé ngba, nanh ke m bobo min ye n di dyunman so nion, sannge Nyanmien ye o dyran n si ye man n dii dyunman so nion.

1 Korɛntfuɛ Mun 3:5

Anh nian: ?Apollos ti nzu? ?M Paul kusu n ti nzu? É ti dyunman difue bo é nde bo é kannin'n ti ye an lafii Jésus suo.

2 Korɛntfuɛ Mun 3:6

I kunngba'n ye man é kwla di sa ufle nga i waan oh yôh man swran'n i dyunman nion. O ti'a mmla bo bé klelio, sannge o ti Nyanmien Wawe'n lie. Afin mmla nga bé kleli'n o man swran wu, sannge Nyanmien Wawe'n lie'n o man swran nyan nguan.

2 Korɛntfuɛ Mun 4:1

Nyanmien i aunnvue b'o si é b'o fa é wlaa dyunman nga nun'n ti, é sa sin bubu'a é.

Galasifuɛ Mun 2:8

Swran ng'o siéé Pierre ke o sunmen bé nga bé wla klen'n bé sin'n, i kunngba'n ye o sunmaan min bé nga bé ti'a Juif'n bé sion.

Efɛzfuɛ Mun 1:19

Ye an si i kwlale dan b'o le'a wunsu b'o yi i nglô klé é bo é lafi i su'n. I kwlale kunngba so'n

Efɛzfuɛ Mun 3:2

Sa nga Nyanmien i klun-ufué'n ti o man n yô man amun'n, n lafi su kpa ke an tili.

Efɛzfuɛ Mun 3:20

Ke é wun sa nga Nyanmien Kpli'n yô man yé'n, o man é si ke o kwla yô sa dan tra liké kwlaa nga é sre i ke o yô'n, o nin liké kwlaa nga é bu i akunndan'n.

Efɛzfuɛ Mun 3:8

Nyanmien yôô m bo n ti i swran'n kwlaa bé nun kaan'n n yé, o man n kan klé bé nga bé ti'a Juif'm bé ke Christ i anyanbéun'n tyennin, bé kwla ke'en bé nuan nun.

Efɛzfuɛ Mun 4:16

ye man wunnen wunmuan'n kwlaa ô leo, ye wunnen so'n i lika kun dyunman lie nga bé klé i ke o di'n o dio, afin bé kwlaa bé sasa su. O man o nyin o yô kpa klôle bo bé klô bé wun'n ti.

Kolɔsfuɛ Mun 1:29

I so'n ti ye n fa wunmien ng'o maan min, bo i ti ye n le fanngan'n m mian min nyin fa di dyunman kpa nion.

1 Tɛsalonikfuɛ Mun 2:13

I so'n ti, é kusu é la Nyanmien asé titi, afin i nde bo é kan kléli amun'n, an tili ye an fa su. Amuan bu'e i ke o ti swran lie, sannge an wun i ke o ti Nyanmien nde sakpa b'o kwla yô amun bo an lafi Christ su'n, amun wun sa yé.

Hébreu 13:21

o man amun fanngan sa'n kwlaa nun nan an yô i klun sa. Jésus-Christ ti, mon o fa é yô liké ng'o klô'n. Man é la Christ asé tititi! Mon o yô so!