Efɛzfuɛ Mun 3:3 - Nyanmien nde Ufle

³ O man n si i klun sa b'o fiee swran'm bé nyrun'n. Sa so'm bé wié ye m bô su kléé amun n fluwa'n nun ityra nion.

NYANMIƐN NDƐ'N 1998

³ Ɔ yo man n si i klun sa b'ɔ fiɛli i sran'm be nyrun'n. Sa sɔ'm be wie yɛ m bo su kleli amun n fluwa'n nun icra nin-ɔn.

Efɛzfuɛ Mun 3:3 ပူးပေါင်းရင်းမြစ်များ

Sa nga bé yôli'n 22:17

Ke n woo Jérusalem lo ékun bo nh kôkôh yale klé Nyanmien i sua dan'n nun'n, liké too n su ke n su tyen lalie sa,

Sa nga bé yôli'n 22:21

Ye o sé n ke: Ko, m ma sunman o mmua bé bo bé ti'a Juif'n bé sin.

Sa nga bé yôli'n 23:9

O yôô ndengan dan kpa, ye Pharisifue'm bé nun mmla kléfue'm bé dyaôli, bé dyraan nun kéklé kpa, bé sé ke: Bian nga, é wu'an sa fi i wun. Wiénuon liké wié annnze ange wié a kan nde wié a kléé.

Rɔmfuɛ Mun 11:25

Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

2 Korɛntfuɛ Mun 12:1

Kannze bé nuan dile'n ti'a kpa'n, sannge n te yô, ye nh kanh liké nga é Min'n man n wuun bé aôlia nun'n nin sa nga o yi bé nglô kléé min'n bé nde.

Galasifuɛ Mun 1:12

Nanh swran ye o kan kléé mion, ye man sue'en swran fi a nun, sannge Jésus-Christ ye o yii nglô kléé mion.

Efɛzfuɛ Mun 1:17

Ye n sre é Min Jésus-Christ i Nyanmien b'o ti é Si b'o le nyrun'n, ke o fe i Wawe'n man amun man an si ngwlele, ye o yi i wun nglô nan an sii kpa.

Efɛzfuɛ Mun 3:4

Se an kanngan'n, amunh wunh i wle wéiin ke n si Christ i wun nde bo Nyanmien fiee swran'm bé nyrun'n kpa.

Efɛzfuɛ Mun 3:6

Sa so'n yele ke liké nga Nyanmien waan oh fah men i swran mun'n, o nin liké ng'o sé ke oh yôh man bé'n, bé nga bé ti'a Juif'n bé dunman teh nun wié, ye bé nin Juif mun ba yô kun dyasin fe b'o man bé nin Christ-Jésus ba katyi swran wunmuan'n ti.

Efɛzfuɛ Mun 3:9

Ye kusu o man n klé bé sa nga bé yô nan wa yô i klun su'n, wéiin. Nyanmien b'o yii ninngé'n kwlaa'n, lalafue nun o fiee i klun sa so'n swran'm bé nyrun,

Efɛzfuɛ Mun 6:19

Ye anh sre i ékun ke, ke n wuké n nuan'n, o klé min nde nga n kaan o ti su'n, nan n yi dyasin fe'n b'o fiee swran'm bé nyrun'n i nglô klé bé wéiin yakpa su,

Kolɔsfuɛ Mun 2:2

M mian min nyin nan an tra amun awlen, ye klôle bo an klô amun wun'n ti amun bô yô kun, ye an si ngwlele kpa b'o man amunh wunh sa wle wéiin nan an si liké nga Nyanmien fiee swran'm bé nyrun'n, liké so'n yele Christ!

Kolɔsfuɛ Mun 4:3

Ke amunh yôh so'n, anh sre Nyanmien ke o man é kusu é atin man é ken i nde'n, nan é kwla kan Christ nde bo Nyanmien fiee swran'm bé nyrun'n, afin i ti ye man bé wlaa m bisua nion.

Hébreu 13:22

Aniaan mun, nh sreh amun, anh fa afotue nga m maan amun ye'n su, afin o ti'a nde tennden.

1 Piɛr 5:12

É niaan Sylvain bo n wuun ke é kwla fa é wla gue i su'n, i ye o uka min é kle nde kaan nga n kle ble amun ye nion. N waan nh wlah amun fanngan, ye nh kanh klé amun ke yé nga Nyanmien yô yé'n, i ye o ti yé kpafue nion. I ti, anh dyran kéklé.

2 Piɛr 3:15

Anh nian é Min'n i awlen b'o tre amun wun'n, amun ti nyanle tio. Ke é niaan Paul b'o ti é swran kpa'n, bo Nyanmien meen i ngwlele'n, kle i so blee amuon.