Efɛzfuɛ Mun 3:10 - Nyanmien nde Ufle

¹⁰ nan ke o fin nde'n, nyanmien su lo mmusu nin ngbenngben'm bé wun Nyanmien i ngwlele'n, ninngé kwlaa ng'o yô bé Asonun'n nun'n, bé nun.

NYANMIƐN NDƐ'N 1998

¹⁰ Ɔ man kɛ ɔ fin ndɛ'n, nyanmiɛn su lɔ mmusu nin ngbɛn-ngbɛn'm be `wun Nyanmiɛn i ngwlɛlɛ'n ninnge ng'ɔ yo be Asɔnun'n nun'n be kwlaa, be nun.

Efɛzfuɛ Mun 3:10 ပူးပေါင်းရင်းမြစ်များ

Rɔmfuɛ Mun 11:33

Iii, Nyanmien ti anyanbéunfue ô! O si ngwlele ô! O si sa'n kwlakwla kpa! ?Wan ye o si i klun lo akunndaan? ?Wan ye o wun sa ng'o yô bé'n bé wleo? Afin,

Rɔmfuɛ Mun 8:38

Afin n si kpa ke klôle nga Nyanmien fa klô é b'o man Jésus-Christ yi i nglô klé yé'n, liké fi man i nyin kwla tu'a é su. Se wié ô, nguan ô, ange mun ô, mmusu mun ô, baé ô, ble nga nun ninngé mun ô, tyen wié ninngé mun ô, nglô lo nin asie'n su wa ninngé mun ô, liké fi nu'an le b'o man i nyin kwla tu é suo.

1 Korɛntfuɛ Mun 1:24

Sannge é nga Nyanmien flee yé'n, se Juif ô, se Grec ô, Christ ti é si ke Nyanmien ti kpli, ye o si sa'n kwlaa.

1 Korɛntfuɛ Mun 2:7

Nyanmien i ngwlele b'o yi'e i nglô b'o fiee swran'm bé nyrun, b'o dun mmua sié maan é ke o ba é nyrun nyan ka nan wa yi men'n, i nde ye é kaan.

Efɛzfuɛ Mun 1:21

O sié liké'n kwlaa, mmusu mun ô, kpenngben mun ô, baé ô, bé kwlaa nga bé sié swran mun ô, o nin swran kwlaa nga bé bô bé dunman'n, se ble nga é ô nun ye nin ô, se ble ng'o ba lo nun ô.

Efɛzfuɛ Mun 1:23

Asonunfue'n kwlaa bé ti i wunnen, i bobo ye o ti i ti nion. I b'o ô lika'n kwlaa'n, o ô Asonun'n nun.

Efɛzfuɛ Mun 1:3

É Min Jésus-Christ i Si Nyanmien Kpli i kwla ô! Ke é nin Jésus-Christ é katyii swran wunmuan'n, o fa nyanmien su lo ninngé kpakpa'n kwlaa b'o kwla yô é wun sa yé'n maan é.

Efɛzfuɛ Mun 1:8

i klun-ufué'n ti'n. I ngwlele b'o si'n nin i sa kwlaa wle wunle'n ti,

Efɛzfuɛ Mun 6:12

Afin nanh é nin klo swran ye é kuon, sannge é nin mmusu mun, nin aôsin tuun nga é ô nun ye'n i min'n i kpenngben mun, ye mmusu tete'm bo bé ô nglô lo'n ye é kuon.

Kolɔsfuɛ Mun 1:16

Afin i ye Nyanmien man o yii ninngé'n kwlaa bo bé ô nyanmien su lo nin asie'n su wa muon, liké nga bé wun bé'n nin nga bé wu'an bé'n, bé nga bé ô bia su ô, bé nga bé sié swran mun ô, mmusu mun ô, kpenngben mun ô. Nyanmien man o yii ninngé'n kwlaa, i bobo ti ye o man o yii béo.

Kolɔsfuɛ Mun 2:10

O man swran wunmuan bo amun nin Christ b'o ti mmusu nin kpenngben'n kwlaa bé sukpen'n, amun ti'n ti, liké'n kwlaa ti a sin a yia amun.

Kolɔsfuɛ Mun 2:15

Christ i waka so'n ti, o bu mmusu nin kpenngben'm bé kwlale'n i bué, ke o fa bé yii kwlale'n nglô'n, o man bé wun bé wafa nga bé ti'n.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

1 Piɛr 1:12

Nyanmien kan kléé bé ke i nde ng'o fa wla bé nuan ke bé kan'n o ti'a bé bobo bé lie, sannge amun lieo. Bé nga bé kan dyasin fe'n Nyanmien Wawe'n b'o sunmenniin'n i fanngan nun'n, nde so'n ye bé kan kléé amun ye'n. Ange'm bé bobo bé klô ke béh wunh sa so'm bé wle.

1 Piɛr 3:22

O oo nyanmien su lo, o ô Nyanmien i sa fama su, o sié ange, nin lo kpenngben, nin bé ngbléwangbléwa mun.