Efɛzfuɛ Mun 2:20 - Nyanmien nde Ufle

²⁰ An ti ke sua bo bé fa teke i bô nga bé bo Jésus sunmaan bé'n, bé nin Nyanmien nuan idyofue'm bé wleli i asé'n i su'n sa, ye Jésus-Christ bobo ye o ti yebue kpa b'o tra sua'n i tyondyo'n i asé nion.

NYANMIƐN NDƐ'N 1998

²⁰ An ti kɛ sua bɔ be fa tɛkɛ i bo nga be bɔ Jésus sunmannin be'n be nin Nyanmiɛn nuan ijɔfuɛ'm be wlɛli i ase'n i su'n sa, yɛ Jésus-Krist bɔbɔ yɛ ɔ ti yɛbuɛ kpa b'ɔ tra sua sɔ'n i cɔnjɔ'n i ase nin-ɔn.

Efɛzfuɛ Mun 2:20 ပူးပေါင်းရင်းမြစ်များ

Matthieu 16:18

N kusu, nh kanh klé o ke, bé fle o Pierre (bo i bô yele yebue). Yebue tanda'n su ye m ma kplan min asonun nion, ye wié'n su kwla satyimen.

Matthieu 21:42

Jésus usa bé ke: ?Nde nga bé klelii ke: «Yebue nga sua kplanfue'm bé yii blô'n, I ye wa katyi yebue kpa b'o tra sua'n i tyondyo'n i asé'n, I so'n fin é Min Nyanmien ye ke é wuin'n, o bô é nuan'n.» an nian kennge'en lé?

1 Korɛntfuɛ Mun 12:28

Ke Nyanmien siéé swran'm bé so asonun'n nuon. Bé nun klikli'n yele bé b'o sunman bé'n, i nnyon su'n yele bé nga bé idyo i nuan'n, i nsan su'n, yele bé nga bé klé ninngé'n. Bé sin lie'n yele bé nga bé yô sa kéklééklé'n, bé nga bé yô tukpatyefue'm bé dyuédyué'n, bé nga bé yô swran yé'n, bé nga bé di kpen'n, bé nga bé kan anien wafawafa'n.

Galasifuɛ Mun 2:9

Ke Jacques nin Céphas nin Jean bo bé tra Asonun'n nun'n bé wuun ke Nyanmien bu n swran o fa min siéé dyunman so'n su'n, bé sunmaan min nin Barnabas é nun, o man é wuun ke é nen see su ke é o bé nga bé ti'a Juif'n bé sin, ye bé kusu béh koh bé nga bé wla klen'n bé sin.

Efɛzfuɛ Mun 3:5

Lalafue nun sa so'n Nyanmien yi'e nglô klé'a swran mun ke nde o man i Wawe'n yi i nglô klé i swran'm bo Jésus sunmaan bé'n nin i nuan idyofue mun'n sa.

Kolɔsfuɛ Mun 2:7

o man i ti an dyran kéklé ke sua bo bé wle i bô asé kpa'n sa. Anh lafi i su kpa ke bé kléli amun'n sa, anh le i asé tititi.

1 Piɛr 2:6

Afin bé klee Nyanmien Nde'n nun ke: «Anh nian, n faa yebue kpa kun bo nh siéh Sion (*f14*) lo ke yebue kpa b'o tra sua'n i tyondyo'n i asé'n sa, Swran ng'o lafi i su'n, i nyin su gua'a asé.»

Sa nglô yile 21:14

I wun nga bé sili'n, bé wlee i bô asé nin yebue blu-nin-nnyon. Bé klee swran blu-nin-nnyon bo Bua Gbanflen'n sunmaan bé'n, bé dunman'n bé su.