Efɛzfuɛ Mun 2:16 - Nyanmien nde Ufle

¹⁶ Ke o wuli waka'n su'n, o man sa ng'o ô bé nvlé nnyon'n bé afien'n o wiéli, ba katyi swran wunmuan, ye wa siésié bé nin Nyanmien bé afien.

NYANMIƐN NDƐ'N 1998

¹⁶ Kɛ ɔ wuli waka'n su'n, ɔ man sa ng'ɔ o be nvle nnyɔn'm be afiɛn'n ɔ wieli, b'a kaci sran wunmuan, yɛ ɔ'a siesie be nin Nyanmiɛn be afiɛn.

Efɛzfuɛ Mun 2:16 ပူးပေါင်းရင်းမြစ်များ

Rɔmfuɛ Mun 5:10

Afin se laa bo é ti Nyanmien i kpofue'n b'o fe i Wa'n siésié é afien'n, sien'n bo é nin i é afien a se'n, i Wa'n i nyin b'o ô su'n ti, oh déh é ti kpe blu.

Rɔmfuɛ Mun 6:6

É si kpa ke bé bôbôli é wafa nga é ti laa'n nin i waka'n su, o yô so nan é nzuen tete'n o wié, nan nanh man sa tete'n yô é nzuen kun.

Rɔmfuɛ Mun 8:3

Liké nga Moïse mmla'n kwle'e i yô'n klo swran i nzuen'n ti'n, Nyanmien bobo yôli. Ke o man i bobo Wa'n katyi ke klo swran b'o yô sa te'n sa, b'o sunmenniin ke o yô te nnen'n, o klé ke sa te b'o ti klo swran nzuen'n ti te, o man se o wié'n, o ti su.

Rɔmfuɛ Mun 8:7

Afin bé nga klo swran ninngé'n lô bé'n, bé kpo Nyanmien, bé klô'a ke bé fa Nyanmien mmla'n su, ye kusu bé kwla fa'a su bobo.

1 Korɛntfuɛ Mun 10:17

Kannze é sonnin'n, kpaun kunngba so'n ti ya katyi swran wunmuan, afin kpaun kunngba so'n ye é ngba é yia su é dio.

Galasifuɛ Mun 2:20

o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.

Efɛzfuɛ Mun 2:15

tô mmla'n nin i nun nde'n, nan bé nvlé nnyon so'n bé katyi nvlé ufle kun swran wunmuan bo bé nin i ba katyi'n ti, ye bé di anuanse.

Efɛzfuɛ Mun 3:6

Sa so'n yele ke liké nga Nyanmien waan oh fah men i swran mun'n, o nin liké ng'o sé ke oh yôh man bé'n, bé nga bé ti'a Juif'n bé dunman teh nun wié, ye bé nin Juif mun ba yô kun dyasin fe b'o man bé nin Christ-Jésus ba katyi swran wunmuan'n ti.

Efɛzfuɛ Mun 4:4

Ke Nyanmien fle amun bo liké nga an fa amun wla gua su'n ti kun'n, i kunngba'n, wunnen'n ti kun, ye Nyanmien Wawe'n kusu ti kun.

Kolɔsfuɛ Mun 2:14

O nunnuun mmla'n i nun nde ng'o ti é wun nde b'o man é di'a aladyé'n. O gueli i asé, afin o ti ke o bôbôlii waka'n su sa.

Kolɔsfuɛ Mun 3:15

Se é wun nga Christ man o dyo yé'n ti swran'n, wuun éh séh ke, mon o sié amun nin amun klun akunndan'n kwlaa, afin i so'n ti ye o fleli amun ke an yô swran wunmuan nion. Ye liké kwlaa nga Nyanmien yô man amun'n, nanh amun wla fi.