Efɛzfuɛ Mun 2:12 - Nyanmien nde Ufle

¹² I nun so'n nun, amun nin Christ di'a mlonmlon, an ti Israël nvlé'n nun aôfue, liké nga Nyanmien séé ke oh yôh men i swran mun nde ng'o kan kléé Abraham'n ti'n, amun lie nu'an nun, ke an wô le'n, an le'a liké bo an fa amun wla gue i suo, an si'a Nyanmien.

NYANMIƐN NDƐ'N 1998

¹² I nun sɔ nun'n, amun nin Krist di-man mlɔnmlɔn, yɛ an ti Izraɛl nvle'n nun aofuɛ, like nga Nyanmiɛn seli kɛ ɔ ´yo man i sran mun ndɛ ng'ɔ kan kleli Abraam ti'n, amun liɛ nun-man nun, kɛ an wo lɛ'n, an lɛ-man like bɔ an fa amún wla gua su-ɔ, an si-man Nyanmiɛn.

Efɛzfuɛ Mun 2:12 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 1:72

O si é nannan'm bé aunnvue, ye i wla ô nde b'o kan kléé bé'n su.

Jean 10:16

M bua'm bé wié ô le bo bé nu'an tuin nga nun. San nh fah bé sofue mun ba, béh tih min nen, bé akpasua'n yôh kun ye bé tafue kun.

Jean 15:5

Min ye n ti raisin'n i bô nion, an ti i sama. Swran ng'o nin min a yô swran wunmuan bo é tran titi'n, o ti ke waka sama b'o su kpanngban sa, afin se n nu'an nun'n, an kwla yô'a liké fi.

Jean 4:22

Amun Samariefue mun, an si'a swran nga an kôtô i bô an menmen'n, sannge é lie'n, é si swran nga é kôtô i bô é menmen'n, afin swran'm bé ti nyanle'n fin Juif mun.

Sa nga bé yôli'n 2:39

Afin liké ng'o séé ke oh yôh'n, i waan oh yôh man amun, nin amun mma mun, nin bé kwlaa bo bé ô mmua bo é Min Nyanmien'n o wa fle bé'n.

Sa nga bé yôli'n 28:20

Sa so'n ti ye n waan nh wunh amun wun, nan nh kanh klé amuon, afin liké nga Israël'm bé wla ô su'n i ti ye bé fa dyroko ng'o ô ye'n tyii mion.

Sa nga bé yôli'n 3:25

An ti Nyanmien nuan idyofue'm bé anunman, ye sa nga Nyanmien séé ke oh yôh man é nannan mun'n, bo i ti o séé Abraham ke, «i ôsufue'm bé ti o wa yô asie'n sufue'n kwlaa bé yé'n,» an wô nun wié.

Rɔmfuɛ Mun 9:8

O man, nanh bé nga bé ti Abraham ôsufue bé awulie'n nun'n bé ye bé ti Nyanmien wa kpaa, sannge bé nga Nyanmien dun mmua sé ke bé wu bé'n, bé ye bé bu bé ke bé ti i wa kpaa.

Galasifuɛ Mun 4:8

Laa an si'a Nyanmien, o man an su ninngé nga bé nin sule fataman'n.

Efɛzfuɛ Mun 2:19

I so'n ti, an ti'a aôfue annze nvlé wié nunfue kun, sannge amun nin Nyanmien swran mun, amun nvlé ti kun, ye an ti i mma mun.

Efɛzfuɛ Mun 4:18

bé kwla wu'an sa wle. Nguan nga Nyanmien fa man swran'n, bé dunman te'a nun wié, afin ba kété, o man bé si'a sa fi.

Kolɔsfuɛ Mun 1:21

Amun bo laa an kpo Nyanmien bo amun nin i diman'n, amun akunndan te nin amun nyôlie tete'n ti'n,

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 1:5

Ke an tii dyasin fe'n b'o ti nanwle'n klikli'n, bé kan liké nga bé siéé nyanmien su lo sié amun'n i nde kléé amun. Amun wla b'o ô su'n ti ye an lafi su, ye an klô Nyanmien swran muon.

1 Tɛsalonikfuɛ Mun 4:13

Aniaan mun, é klô ke an si sa ng'o dyu bé nga bé wuli'n bé su'n, nan amun wla a bôman ke bé nga bé le'a liké bo bé fa bé wla gua su'n bé lie'n sa.

1 Tɛsalonikfuɛ Mun 4:5

Nanh man amun nyin tra sa tete'n bé yôle su ke bé nga bé si'a Nyanmien'n bé yô'n sa.

2 Tɛsalonikfuɛ Mun 2:16

Man é Min Jésus-Christ bobo nin é Si Nyanmien b'o klô é, bo yé b'o yô yé'n ti, o gua é awlen su nzué tititi, b'o man é liké kpa bo é fa é wla gua su'n,

1 Timote 1:1

M Paul bo é Défue Nyanmien nin Christ-Jésus bo é fa é wla gue i su'n bé waan béh sunmanh min bo Christ-Jésus so'n sunmaan min'n,

Hébreu 11:34

bé nuan sin srôésrôé, bé flô bé nga bé waan béh fah kaka kun bé'n bé sa nun. Bé nga bé le'a wunmien'n bé nyan fanngan, bé yô yakpa ale nun, bé fuan nvlé wié'm bé sôndya mun.

Hébreu 6:18

O man nde ng'o kannin'n nin nda ng'o tali'n, liké nnyon so'n o katyi'a bé, o bua'a atô. I so'n ti, o wla é bo é talôlii'n é fanngan ke é kplin é nyin nan é nyan liké ng'o sié é nyrun lo siéli é, bo é wla ô su ke éh nyenh'n.

Hébreu 8:6

Sannge sien'n, ba fa Christ a sié Nyanmien nyrun dyranle dyunman b'o ti kpa tra bé nga'm bé lie'n su, afin o ti sa kpa nga Nyanmien waan oh yôh man swran mun'n i nun dyranfue. Sa so'n i kpa tra laa lie'n, afin sa nga Nyanmien waan oh yôh bé sien'n ti kpa tra laa lie'n.

1 Piɛr 1:21

I ti ye amuan lafi Nyanmien b'o tyenniin'n, b'o man o nyaan nyrun'n i suo, o man Nyanmien su ye amuan lafio, i su ye amuan fa amun wla'n ba guaa.

1 Piɛr 1:3

É Min Jésus-Christ i Si Nyanmien Kpli, i kwla ô! I aunnvue sile dan'n ti, o wuu é ékun, o man é wla ô liké bo é si wéiin kpa ke o ô lo'n su, Jésus-Christ i tyenle'n ti.

1 Piɛr 3:15

Sannge anh bu Christ swran, anh bui amun Min. Anh bu sa ti ye amun wla ô Christ su'n i akunndan sié, nan se bé usa amun i su sa'n, amuan kwla te bé su.

1 Jean 3:3

Swran kwlaa nga i wla ô su so'n, o klô'a ke sa kaan sa tren i wun, afin sa fi nu'an Christ wun.