Efɛzfuɛ Mun 2:11 - Nyanmien nde Ufle

¹¹ I so'n ti, anh bu wafa nga an ti laa'n i akunndan. Amun bo amun ôsu'n fi'an Juif'm bo bé fle bé klen wlafue bo swran ye o fe i sa yô bé'n, bé sé amun ke an ti'a klen wlafue.

NYANMIƐN NDƐ'N 1998

¹¹ I sɔ'n ti'n, an `bu wafa nga an ti laa'n i akunndan. Amun bɔ amun osu'n fin-man Zuif'n, Zuif'm bɔ be flɛ be klɛn wlafuɛ'n, bɔ sran yɛ ɔ fɛli i sa wlali be klɛn'n, be se amun kɛ an ti-man klɛn wlafuɛ.

Efɛzfuɛ Mun 2:11 ပူးပေါင်းရင်းမြစ်များ

Matthieu 20:7

Ye bé waan: Swran fi a fa'a é. Ye o sé bé ke: Amun kusu, anh wo raisin fié'n su lo.

Rɔmfuɛ Mun 11:17

Israël'm bé ti ke olive (*f39*) bo bé tali sa, bo bé kpekpe i sama'm bé wié. Amun bo an ti'a Juif'n an ti ke blô olive sa, bé kpe amun ta klo lie nga bé kpeli'n i bô'n su. O man nzué ng'o fin i bô'n nun'n o wlu amun nun wié, ye man an yô kpaa.

Rɔmfuɛ Mun 2:26

?O men i so'n ti, se swran nga ba wle'e i klen'n nan o fa mmla'n su'n, Nyanmien bu'e klen wlafue?

Rɔmfuɛ Mun 2:27

?Ye swran nga ba wle'e i klen sannge o fa mmla'n su'n, o sé'a ke amuan di fo? Afin an si mmla'n kwlaa, bé wlaa amun klen, sannge an ton mmla so'n.

1 Korɛntfuɛ Mun 12:2

An si ke i nun'n bo an te so amuen'n an su amuen'n bo bé idyoman'n bé su.

1 Korɛntfuɛ Mun 6:11

Ke laa amun nun swran wié'm bé ti soo. Sannge sien'n, Nyanmien a wunnzin amun, wa fa amun a katyi i lie mlonmlon, wa bu amun swran kpa é Min Jésus-Christ dunman nun, nin i Wawe'n i fanngan nun.

Galasifuɛ Mun 2:15

É lie'n, Juif ye o wuu yéo, é ti'a ke bé nga bé ti'a Juif bo bé ti sa tete yôfue'n bé sa.

Galasifuɛ Mun 6:12

Bé nga bé klô ke swran'm bé bu bé swran'n, bé ye bé mian amun ke an wla klen nion. Sa ti bo bé yôé so'n, bé waan béh yôéh so nan ba klé'a bé yale Christ i waka'n ti.

Efɛzfuɛ Mun 2:2

ye amun nzuen'n fa bé nga bé ô ye'n bé lie'n, amun nyin yili nglô lo mmusu'm bé si'n, i ye nde o wlawla swran nga bé nyin yi'a Nyanmien nion.

Efɛzfuɛ Mun 5:8

Laa an wô aôsin nun, sannge swran wunmuan bo amun nin é Min'n amuan katyi'n ti, amuan fité wéiin nun sien'n. I so'n ti, anh yô sa ng'o klé ke an wô wia klénglé kpa'n nun'n.

Filipfuɛ Mun 3:3

É ye é wla klen kpa nion, afin é su Nyanmien i Wawe'n i fanngan nun, é fa Christ-Jésus di é nuan, é fa'a é wla gua'a é wafa nga é ti'n su.

Kolɔsfuɛ Mun 1:21

Amun bo laa an kpo Nyanmien bo amun nin i diman'n, amun akunndan te nin amun nyôlie tete'n ti'n,

Kolɔsfuɛ Mun 2:11

Swran wunmuan bo amun nin i a katyi'n ti, ba wla amun klen, amun klen lie so'n, nanh swran ye o wlalio, sannge o fin Christ bobo, i bô klé ke amun nin sa te'n wa bu.

Kolɔsfuɛ Mun 2:13

Amun bo laa amun sa bo an yôli Nyanmien, nin klen bo ba wlaman amun'n ti, an ti ke swran bo wa wu sa'n, ke o yatyii sa kwlaa nga é yôlii'n tye yé'n, o maan amun nin Christ amun nguan.

Kolɔsfuɛ Mun 3:11

I so'n ti, o le'a ke wié ti Grec, wié ti Juif, bé wlaa wié klen, b'a wla'a wié klen, wié'm bé nyin nian timan, wié ti Scythe sinnglinfue, wié ti kanga, wié ti diéwa, sannge Christ ti bé liké kwlaa, ye o tran bé kwlaa bé awlen'n nun.