Efɛzfuɛ Mun 1:7 - Nyanmien nde Ufle

⁷ Ke Christ wuli bo i mmôdya'n guali'n ti, Nyanmien déli é ti, o yatyi sa nga é yôlii'n tyee é. I so'n nun é wun yé dan nga o yôô é

NYANMIƐN NDƐ'N 1998

⁷ Kɛ Krist wuli bɔ i mmoja'n guali'n ti, Nyanmiɛn deli é, ɔ yacili sa nga e yoli i'n cɛli ye. I sɔ'n nun e wun ye dan nga ɔ yoli ye

Efɛzfuɛ Mun 1:7 ပူးပေါင်းရင်းမြစ်များ

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Matthieu 26:28

Amun kwlaa anh non, du vin ng'o ô ye'n o ti min mmôdya b'o man amun nin Nyanmien amunh dih anuanse. Swran sunman bé ti ye béh gueh i aséo, o man Nyanmien yatyih bé sa bo bé yôlii'n tye bé.

Matthieu 6:12

Yatyi sa nga é yô wo'n tye é, ke é yatyi, bé o bé yô é te'n, bé lie'n tye bé'n sa.

Marc 14:24

Ye o sé bé ke: Du vin ng'o ô ye'n o ti min mmôdya b'o man amun nin Nyanmien amunh dih anuanse. Swran kpanngban bé ti ye béh gueh i aséo.

JÉSUS-CHRIST I DYASIN FE'N BO LUC KLELI'N 1:77

Wo ye man Nyanmien swran'm béh sih ke, ke o yatyi bé wun sa'n tye bé'n, ba nyan bé tio.

JÉSUS-CHRIST I DYASIN FE'N BO LUC KLELI'N 24:47

Ye i dunman nun béh kanh klé nvlénvlé'n kwlaa ke bé katyi bé nzuen'n, nan Nyanmien yatyi sa nga bé yôlii'n tye bé. Béh bôh i kanle'n bô Jérusalem wa.

Jean 20:23

Bé nga an yatyi bé wun sa'n tye bé'n, Nyanmien yatyih tye bé, ye bé nga an yatyi'a bé wun sa'n tye'a bé'n, bé wun sa lie'n kah bé wun.

Sa nga bé yôli'n 10:43

Nyanmien nuan idyofue'n kwlaa bé keen i nde ke swran kwlaa ng'o lafi i su'n, i dunman nun Nyanmien yatyih i wun sa'n tyee.

Sa nga bé yôli'n 2:38

Ye Pierre séé bé ke: Anh katyi amun nzuen'n man bé yô amun kwlakwlakwla amun baptême Jésus-Christ dunman nun, man Nyanmien yatyi sa nga an yôlii'n tye amun, ye o fe i Wawe'n man amun.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Sa nga bé yôli'n 3:19

O man anh katyi amun nzuen'n, ye anh sa amun sin Nyanmien wun, man o yatyi sa nga an yôlii'n tye amun mlonmlonmlon, nan ble ng'o ba lo'n é Min Nyanmien'n o man amun wla gua asé,

Rɔmfuɛ Mun 2:4

Nyanmien ti aklunyéfue dan kpa, o kpli'a sa wun, o kpli'a sa wun, o blu sa su. ?O nin i so'n ngba, an bu'e liké fi? ?An si'a ke Nyanmien yô kpa nan an katyi amun nzuen'n?

Rɔmfuɛ Mun 3:24

Sannge Nyanmien i klun-ufué dan'n ti o bu bé swran kpa, wa dé'a bé liké fi, Christ-Jésus b'o déli bé'n ti.

Rɔmfuɛ Mun 3:25

Ke o yô nan ya si ke Nyanmien ti kpa'n, o fa Jésus maan é ke é fa yi é ti te, nan ke bé kô kuin'n, bé bo bé lafi i su'n, sa te nga bé yôli'n, Nyanmien yatyi tye bé i mmôdya'n ti. Afin laa sa nga bé yôlii'n, o blu su.

Rɔmfuɛ Mun 9:23

?Se o yôé so ke o fe i yé dan b'o yô é i klun-ufué su'n klé yé'n, o kwla yô'e so? Afin é b'o wunnin é aunnvue'n é ti ke se klaan sa. O dun mmua siéé é ke é nyan nyrun.

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

2 Korɛntfuɛ Mun 8:9

Afin an si yé dan nga é Min Jésus-Christ yôli yé'n. I b'o ti anyanbéunfue'n o katyii i wun yalefue amun ti, nan i yale so'n nun an katyi anyanbéunfue.

Efɛzfuɛ Mun 1:14

Liké nga Nyanmien séé é ke éh nyenh'n, i Wawe so'n ye o klé ke éh nyenh sakpa nion. O klé é wéiin ke tyen nga o kô dé i swran'm bé ti mlonmlon'n éh nyenh, ye oh nyanh komin.

Efɛzfuɛ Mun 1:18

N sre i ékun ke o man an wun sa wle wéiin kpa nan an si liké nga é nyin ô i sin'n, flele b'o flee yé'n ti. Ye an si ke i swran'm bé anyanbéun'n oh yôh dan, afin liké nga i waan oh fah man bé'n o ti liké kpa sakpa.

Efɛzfuɛ Mun 1:6

nan ya bô i dunman yé dan b'o fe i awlen su Ba'n yôô yé'n ti.

Efɛzfuɛ Mun 1:8

i klun-ufué'n ti'n. I ngwlele b'o si'n nin i sa kwlaa wle wunle'n ti,

Efɛzfuɛ Mun 2:4

Sannge Nyanmien ti aunnvue sifue dan, o man ke é te ti ke swran bo wa wu sa i nyrun'n, klôle b'o fa klô yé'n ti, o maan é nin Christ é nguan. Yé bo Nyanmien yôô amun'n ti o man amuan nyan amun ti.

Efɛzfuɛ Mun 2:7

nan ble ng'o ba lo'n nun, ke oh yih i kpa b'o yôli é Christ-Jésus ti'n, i nglô'n, béh wunh ke i yé b'o yôô yé'n i dan'n le'a wunsu.

Efɛzfuɛ Mun 3:16

Ke i aunndie ninngé'm bé sonnin dan kpa'n ti, nh sreh i ke i Wawe'n wla amun fanngan nan an tra amun awlen ye an dyran kéklé,

Efɛzfuɛ Mun 3:8

Nyanmien yôô m bo n ti i swran'n kwlaa bé nun kaan'n n yé, o man n kan klé bé nga bé ti'a Juif'm bé ke Christ i anyanbéun'n tyennin, bé kwla ke'en bé nuan nun.

Filipfuɛ Mun 4:19

Liké kwlaa ng'o mian amun'n, ke min Nyanmien i anyanbéun b'o ô Christ-Jésus sa nun'n i dan'n ti'n, oh feh i so man amun.

Kolɔsfuɛ Mun 1:14

Ba so'n ti ye o déé é, o yatyi sa nga é yôlii'n tyeli yéo.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 2:13

Amun bo laa amun sa bo an yôli Nyanmien, nin klen bo ba wlaman amun'n ti, an ti ke swran bo wa wu sa'n, ke o yatyii sa kwlaa nga é yôlii'n tye yé'n, o maan amun nin Christ amun nguan.

Kolɔsfuɛ Mun 2:2

M mian min nyin nan an tra amun awlen, ye klôle bo an klô amun wun'n ti amun bô yô kun, ye an si ngwlele kpa b'o man amunh wunh sa wle wéiin nan an si liké nga Nyanmien fiee swran'm bé nyrun'n, liké so'n yele Christ!

1 Timote 2:6

O fe i wun maan ke oh kpoh swran'n kwlaa bé ti. Ke o yôô so ble nga Nyanmien siéli'n su'n, ye o klé ke Nyanmien klô ke oh déh swran'n kwlaa nion.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Tite 3:6

Afin é Défue Christ-Jésus ti Nyanmien fe i Wawe'n maan é i klun-ufué su

Hébreu 9:22

Bé klee mmla'n nun ke, bé fa mmôdya bô ninngé'm bé kpanngban lika kpa bé wun asô, o man se bé ku'an nnen bo i mmôdya guaman'n, Nyanmien yatyi'a bé wun sa'n tye'a bé.

1 Piɛr 2:24

Christ bobo dyraan é sa te'n i nuan bé bôbôé waka'n su, nan é nin sa te'n é bu, ye é yô sa ng'o ti kpa'n. I wunnen sule'n ti ye man ya yô dyuédyuéo.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

1 Jean 2:12

M mma mun, nh kleh fluwa nga ble amun, yele ke Christ ti, Nyanmien a yatyi sa nga an yôlii'n wa tye amun.

1 Jean 2:2

Afin i bobo fe i wun yii é ti te, nan Nyanmien yatyi sa nga é yôlii'n tye é. Nanh é ngunmin é ti te ye o yilio, swran'n kwlaa bé lieo.

1 Jean 4:10

Klôle so'n, nanh é ye é klôô Nyanmieon, i ye o klôli yéo, nan wa sunmen i Wa kunngba'n ke o fe i wun yi é ti te.

Sa nglô yile 14:4

Swran so mun yele bé nga ba fonndo'an bé wun bla kunndele nun'n, afin bé niaan bé wun su kpa. Lika kwlaa nga Bua Gbanflen'n koh'n, bé su i su. Bé kpoo bé ti swran'm bé nun ke bé yô Nyanmien nin Bua Gbanflen'n bé swran'm bé nun klikli.

Sa nglô yile 5:9

Bé tô dyué ufle kun, bé sé ke: Wo ye a ti fluwa'n i fafueo, bo a kwla kpekpe liké nga bé fa tyityili nuon. Afin bé kuun o, a fo o wun tô swran'm bo bé fin nvlénvlé'n kwlaa nun, nin bé bo bé anien'n ti wafawafa'n kwlaa, nin swran wafawafa'n kwlaa, nin bé nga bé fin menmen'n kwlaa nun'n, maan Nyanmien.