Efɛzfuɛ Mun 1:18 - Nyanmien nde Ufle

¹⁸ N sre i ékun ke o man an wun sa wle wéiin kpa nan an si liké nga é nyin ô i sin'n, flele b'o flee yé'n ti. Ye an si ke i swran'm bé anyanbéun'n oh yôh dan, afin liké nga i waan oh fah man bé'n o ti liké kpa sakpa.

NYANMIƐN NDƐ'N 1998

¹⁸ N srɛ i ekun kɛ ɔ `yo nan an wun sa wlɛ weiin kpa nan kɛ ɔ flɛli amun'n, an si like nga i sran'm be nyin o i sin'n. Yɛ n srɛ i kɛ an si kɛ i sran'm be anyanbeun'n ɔ ´yo dan, afin like nga i waan ɔ ´fa man be'n ɔ ti like kpa sakpa.

Efɛzfuɛ Mun 1:18 ပူးပေါင်းရင်းမြစ်များ

Matthieu 13:15

Afin swran so'm ba tri, Ba bu bé su nun waka, ba muanmuan bé nyin Nan bé nyinma a wunmen, bé su a timan, Ba wunmen i wle, Ye ba sa'a bé sin min wun nan man yô'a bé dyuédyué.»

Marc 10:17

Ke Jésus faa atin'n su b'oh koh'n, swran kun wanndi wa kôtôô i bô, o use i ke: ?Ndya, o bo a ti liké kléfue kpa'n, nzu ye n yô nan man nyan anannganman nguan nion?

JÉSUS-CHRIST I DYASIN FE'N BO LUC KLELI'N 24:45

Ye o man bé wuun Nyanmien Nde nga bé kleli'n i wleo.

Sa nga bé yôli'n 16:14

Bla kun b'o srô Nyanmien'n o ô le, bé flee Lydie, o fin klo'n bo bé flee Thyatire'n su, o yô tannin kpakpa bo i nyin ti ke bé wle kôndrô bui nun sa'n i ate. O sié i su é nde'n su, é Min'n man i akunndan tran nde bo Paul kan'n su, nan o fa su.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

Rɔmfuɛ Mun 11:29

Afin ke Nyanmien fa liké man swran'n, ye ke o fle swran'n, o kôkô'e i sin.

Rɔmfuɛ Mun 2:4

Nyanmien ti aklunyéfue dan kpa, o kpli'a sa wun, o kpli'a sa wun, o blu sa su. ?O nin i so'n ngba, an bu'e liké fi? ?An si'a ke Nyanmien yô kpa nan an katyi amun nzuen'n?

2 Korɛntfuɛ Mun 4:4

Bé lie'n bé lafi'a su yele ke men nga i min'n o satyii bé akunndan'n, nan ba wu'an Christ b'o fa Nyanmien Kpli'n i wafa kwlaa ng'o ti'n i dyasin fe'n i wle.

2 Korɛntfuɛ Mun 4:6

Nyanmien b'o séé ke: Man lika'n kpadya'n, i kunngba'n ye man é wun sa wle wéiion. O man ke é nian Christ'n é wun wafa kwlaa nga Nyanmien Kpli'n ti'n, afin i ye man é sii io.

Galasifuɛ Mun 5:5

É lie'n, é wla ô Nyanmien su kpa ke oh buh é swran kpa i su bo i Wawe'n man é lafi'n ti, é minnde ke o yô é so.

Efɛzfuɛ Mun 1:11

Liké kwlaa nga Nyanmien klô ke oh yôh'n, o yô, o man ke é nin Christ é katyii swran wunmuan'n o fa é katyi i lie, afin i bobo ye o siéé i soo.

Efɛzfuɛ Mun 1:7

Ke Christ wuli bo i mmôdya'n guali'n ti, Nyanmien déli é ti, o yatyi sa nga é yôlii'n tyee é. I so'n nun é wun yé dan nga o yôô é

Efɛzfuɛ Mun 2:12

I nun so'n nun, amun nin Christ di'a mlonmlon, an ti Israël nvlé'n nun aôfue, liké nga Nyanmien séé ke oh yôh men i swran mun nde ng'o kan kléé Abraham'n ti'n, amun lie nu'an nun, ke an wô le'n, an le'a liké bo an fa amun wla gue i suo, an si'a Nyanmien.

Efɛzfuɛ Mun 3:16

Ke i aunndie ninngé'm bé sonnin dan kpa'n ti, nh sreh i ke i Wawe'n wla amun fanngan nan an tra amun awlen ye an dyran kéklé,

Efɛzfuɛ Mun 3:8

Nyanmien yôô m bo n ti i swran'n kwlaa bé nun kaan'n n yé, o man n kan klé bé nga bé ti'a Juif'm bé ke Christ i anyanbéun'n tyennin, bé kwla ke'en bé nuan nun.

Efɛzfuɛ Mun 4:1

I so'n ti, m bo é Min'n ti ye n ti bisuafue'n, n sre i kpa ke an bu flele nga Nyanmien flee amun'n i akunndan, nan an yô sa ng'o ti i nuan su'n.

Efɛzfuɛ Mun 4:4

Ke Nyanmien fle amun bo liké nga an fa amun wla gua su'n ti kun'n, i kunngba'n, wunnen'n ti kun, ye Nyanmien Wawe'n kusu ti kun.

Efɛzfuɛ Mun 5:8

Laa an wô aôsin nun, sannge swran wunmuan bo amun nin é Min'n amuan katyi'n ti, amuan fité wéiin nun sien'n. I so'n ti, anh yô sa ng'o klé ke an wô wia klénglé kpa'n nun'n.

Filipfuɛ Mun 3:14

O man m mian min nyin dyu dyuwle nga bé siéli'n nun, nan nh nyanh liké nga Nyanmien fle é ke é nyen nyanmien su lo'n, swran wunmuan bo é nin Christ-Jésus ya yô'n ti.

Kolɔsfuɛ Mun 1:12

Anh la é Si'n i asé, afin i ye man amun dunman'n te liké ng'o sié men i swran mun lika b'o kpadya nun lo'n, i nun wiéo.

Kolɔsfuɛ Mun 1:23

Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 1:5

Ke an tii dyasin fe'n b'o ti nanwle'n klikli'n, bé kan liké nga bé siéé nyanmien su lo sié amun'n i nde kléé amun. Amun wla b'o ô su'n ti ye an lafi su, ye an klô Nyanmien swran muon.

Kolɔsfuɛ Mun 2:2

M mian min nyin nan an tra amun awlen, ye klôle bo an klô amun wun'n ti amun bô yô kun, ye an si ngwlele kpa b'o man amunh wunh sa wle wéiin nan an si liké nga Nyanmien fiee swran'm bé nyrun'n, liké so'n yele Christ!

Kolɔsfuɛ Mun 3:15

Se é wun nga Christ man o dyo yé'n ti swran'n, wuun éh séh ke, mon o sié amun nin amun klun akunndan'n kwlaa, afin i so'n ti ye o fleli amun ke an yô swran wunmuan nion. Ye liké kwlaa nga Nyanmien yô man amun'n, nanh amun wla fi.

1 Tɛsalonikfuɛ Mun 2:12

afin é man amun afotue, é wla amun fanngan, é kan klé amun ke an yô sa ng'o ti Nyanmien b'o fle amun ke an di i famien'n wié nan an nyan nyrun ke i lie'n sa'n, i klun sa.

1 Tɛsalonikfuɛ Mun 5:8

Sannge é bo é ô wia'n nun'n, man é nian é wun su. Man Christ su bo é lafi'n nin é swran nin Nyanmien klôle'n o yô ke liké kôklôkô bo é fa kata é wué'n su'n sa. Man é ti bo é wla ô su ke éh nyenh'n o yô ke kpôngbô klé sa.

2 Tɛsalonikfuɛ Mun 1:11

I so'n ti, é sre é Nyanmien'n titi ke o dyran amun sin, nan ke o wun amun'n, oh wunh ke flele ng'o flee amun'n o ti kpa. Man Nyanmien Kpli'n man sa kpa kwlaa nga an klô ke amunh yôh'n, nin sa kwlaa nga an lafi su ke oh yôh'n o yô yé.

2 Tɛsalonikfuɛ Mun 2:16

Man é Min Jésus-Christ bobo nin é Si Nyanmien b'o klô é, bo yé b'o yô yé'n ti, o gua é awlen su nzué tititi, b'o man é liké kpa bo é fa é wla gua su'n,

1 Timote 6:12

Mion o nyin man swran'm bé lafi Nyanmien su kpa, afin se a mion o nyin so'n, o ti kpa. Anannganman nguan bo i ti ye Nyanmien flee wo, bo a kaan Nyanmien su bo a lafi'n i nde fefe swran kpanngban bé nyrun'n tre kéklé.

Tite 2:13

É yô so nan é minnde tyen kpa nga é wla ô su ke é Nyanmien Kpli'n nin é Défue Christ-Jésus bé wa yi bé wun nglô'n.

Tite 3:7

nan yé nga o yô yé'n ti, o bu é swran kpa, o man éh nyanh anannganman nguan nga i waan oh manh yé'n bo é wla ô su'n.

Hébreu 10:32

Anh bu laa bo ke Nyanmien man an wuun asé'n, nyrennen dan kpa nga an wunniin'n bo an dyran kéklé'n i akunndan.

Hébreu 6:4

Afin se Nyanmien man swran kun wun asé, b'o wun nyanmien su lo liké b'o bé fa men'n i fe'n, bo Nyanmien Wawe'n yô i lie wié'n,

1 Piɛr 1:3

É Min Jésus-Christ i Si Nyanmien Kpli, i kwla ô! I aunnvue sile dan'n ti, o wuu é ékun, o man é wla ô liké bo é si wéiin kpa ke o ô lo'n su, Jésus-Christ i tyenle'n ti.

1 Piɛr 3:9

Se swran yô amun te'n, nanh an yôé wié, se bé kpe amun nzôwa'n, nanh an yi man bé, anh yra bé nguan, afin ke Nyanmien flee amun'n, o sé ke oh yrah amun nguan. Bé klee Nyanmien Nde'n nun ke:

1 Piɛr 5:10

Ke an wun nyrennen lé nnyon kun'n, Nyanmien Aklunyéfue Kpli'n b'o flee amun ke an nyan nyrun titi, swran wunmuan bo amun nin Christ a katyi'n ti'n, i bobo man amunh yôh swran kpa mlonmlon. Oh yôh man amunh dyranh kéklé, oh wlah amun fanngan, o man amun wun su usu'a amun.