Efɛzfuɛ Mun 1:14 - Nyanmien nde Ufle

¹⁴ Liké nga Nyanmien séé é ke éh nyenh'n, i Wawe so'n ye o klé ke éh nyenh sakpa nion. O klé é wéiin ke tyen nga o kô dé i swran'm bé ti mlonmlon'n éh nyenh, ye oh nyanh komin.

NYANMIƐN NDƐ'N 1998

¹⁴ Like nga Nyanmiɛn seli e kɛ e ´nyɛn i'n, i Wawɛ sɔ'n yɛ ɔ kle kɛ e ´nyɛn i sakpa nin-ɔn. Ɔ kle e weiin kɛ cɛn nga ɔ ko de i sran'm bé ti mlɔnmlɔn'n e ´nyɛn, yɛ ɔ ´nyan kɔmin.

Efɛzfuɛ Mun 1:14 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 21:28

Ke amunh wunh ke sa so'm bé su yô'n, anh dyaô dyran, anh man amun ti su, ke oh yôh so'n, wuun an su wa nyan amun ti.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Sa nga bé yôli'n 20:32

Sien'n nh fah amun wla é Min'n sa nun, ye nh fah yé dan bo Nyanmien yôô yé'n i nde'n yatyi amun sa nun. O man amunh kwlah dyran tyinndyin, ye kusu o kwla fa liké ng'o sié maan swran kwlaa ng'o ti i lie mlonmlon'n man amun.

Rɔmfuɛ Mun 8:23

Nanh bé ngunmion, sannge é bo Nyanmien fe i Wawe'n b'o ti liké b'o wa fa man yé'n i nun klikli'n, é kusu é ôtô, é minnde tyen nga béh wunh ke é ti Nyanmien wa sakpa, b'o dé é, o katyi é wunnen nga'n.

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

2 Korɛntfuɛ Mun 1:22

o siéé é nzolie, o man i Wawe'n tran é awlen'n nun, o man é si ke wa tra é asé.

2 Korɛntfuɛ Mun 5:5

Nyanmien ye o siéé é ke é agualie'n o gua é soo, ye o fe i Wawe'n maan é b'o klé é ke é agualie'n o wa gua é kpa so.

Galasifuɛ Mun 4:6

Nyanmien wa bo an ti'n ti, o sunmeen i Wa'n i Wawe'n ke o wa tran é awlen'n nun, o kpan fle Nyanmien ke: Baba!

Efɛzfuɛ Mun 1:11

Liké kwlaa nga Nyanmien klô ke oh yôh'n, o yô, o man ke é nin Christ é katyii swran wunmuan'n o fa é katyi i lie, afin i bobo ye o siéé i soo.

Efɛzfuɛ Mun 1:12

O yô é so nan é bo é dun mmua fa é wla guaa Christ su'n, é men i komin su.

Efɛzfuɛ Mun 4:30

Nanh an bô Nyanmien Wawe'n i wla, afin i ye Nyanmien fa maan amun b'o klé ke an ti i lie lélé fa dyu tyen nga éh nyanh é ti mlonmlon nion.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.