Efɛzfuɛ Mun 1:13 - Nyanmien nde Ufle

¹³ Amun kusu, ke an tii dyasin fe'n b'o ti nanwle'n, b'o man amun kwla nyan amun ti'n, an lafii Christ su. Ke amun nin i amuan katyi swran wunmuan'n ti, Nyanmien fe i Wawe'n b'o ken i nde'n maan amun b'o klé ke an ti i lie mlonmlon.

NYANMIƐN NDƐ'N 1998

¹³ Amun kusu, kɛ an tili jasin fɛ'n b'ɔ ti nanwlɛ'n, b'ɔ man amun kwla nyan amún ti'n, an lafili Krist su. Kɛ amun nin i amu'an kaci sran wunmuan'n ti, Nyanmiɛn fɛli i Wawɛ'n b'ɔ kɛn i ndɛ'n mannin amun b'ɔ kle kɛ an ti i liɛ mlɔnmlɔn.

Efɛzfuɛ Mun 1:13 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 11:13

Se amun bo an ti swran te'n, an fa liké kpa tye amun mma mun'n, wuun é Si b'o ô nyanmien su lo'n kusu, oh feh i Wawe'n man bé nga bé sre i'n kpe blu.

JÉSUS-CHRIST I DYASIN FE'N BO LUC KLELI'N 24:49

Anh nian, liké nga n Si sé ke oh bleh amun'n m bobo m man liké so'n oh bah. O man amun kusu anh tran klo'n su wa lélé man Nyanmien tin amun ka.

Jean 1:17

Moïse ye Nyanmien man o fa mmla'n maan yéo, Jésus-Christ kusu ye o fa yé yôle'n nin nanwle'n balio.

Jean 14:26

Sannge swran ng'o wa uka amun'n yele é Si i Wawe'n b'o wa sunmen n dunman nun'n, i ye o wa klé sa'n kwla, ye oh kpenh amun wla nde kwlaa nga n kan kléé amun'n suo.

Jean 15:26

Swran ng'o wa uka amun'n oh bah, yele Nyanmien Wawe'n b'o ti Nanwlefue b'o fin é Si Nyanmien wun lo'n. Nh feh ble amun é Si dunman nun. Ke o kô ba'n, oh kanh min nde klé amun.

Jean 3:33

Swran ng'o fe i nde'n su'n, o si wéiin ke Nyanmien ti nanwlefue,

Jean 6:27

Nanh an di dyunman alie b'o satyi'n ti, sannge anh di dyunman alie ng'o satyiman b'o man swran nyan anannganman nguan'n ti. Alie so'n, m bo n katyii Swran'n min ye nh fah man amuon, afin min ye n ti swran bo é Si Nyanmien klé wéiin ke o dyin n sion.

Sa nga bé yôli'n 1:4

Ke Jésus nin bé béh dih liké'n, o séé bé ke: Nanh an tu amun bô Jérusalem wa, anh minnde liké nga é Si Nyanmien séé ke oh yôh'n, bo ye n ken i nde kléé amun'n.

Sa nga bé yôli'n 13:26

Nnya mun, amun bo an ti Abraham anunman'n, o nin amun nga an srô Nyanmien'n, é ye bé fa ti déle nde nga blee yéo.

Sa nga bé yôli'n 2:33

Ke i si Nyanmien men i su siéé i fama su'n, o fee i Wawe'n b'o séé ke oh fah man'n, o fa menniin, ye o faa liké nga amun wuin bo an ti'n maan swran muon.

Rɔmfuɛ Mun 1:16

Dyasin fe'n ti nyannzuen ku'an min, afin i ye Nyanmien Kpli fa dé swran kwlaa nga bé lafi i su muon, Juif mun ye bé ti kliklio, i sin bé nga mun.

Rɔmfuɛ Mun 4:11

Nyanmien dun mmua bui swran kpa i su b'o lafi'n ti, i sin ye bé wlee i kleon. O fa klen wlale so'n siéé Abraham nzolie b'o ti liké nga wa dun mmua yôé'n i lalôfue, nan Abraham yô bé kwlaa nga, kannze ba wla'a bé klen'n, bé Nyanmien su bo bé lafi'n ti, o bu bé swran kpa kusu wié'n, bé si.

Rɔmfuɛ Mun 6:17

Nh yôh Nyanmien Kpli kwla ô, afin laa sa te'n ti amun nzuen, sannge sien'n amuan fa nde nanwle nga bé kléé amun'n su kpa.

2 Korɛntfuɛ Mun 1:22

o siéé é nzolie, o man i Wawe'n tran é awlen'n nun, o man é si ke wa tra é asé.

2 Korɛntfuɛ Mun 6:7

é kan nde b'o ti nanwle, sa nga é yô'n é yôé Nyanmien fanngan nun. Nanwle dile'n ye o ti é ale liké bo é fa kun ale ye é fa kpli é tio.

Galasifuɛ Mun 3:14

O yô so nan yé nga Nyanmien séé Abraham ke oh yôéh'n, Jésus-Christ ti oh yôh man bé nga bé ti'a Juif'n, nan é kusu, éh nyanh Nyanmien Wawe'n bo i waan oh fah man yé'n, i su bo é lafi'n ti.

Efɛzfuɛ Mun 4:21

Afin nanwle, an tii Jésus nde bo bé kan'n, ye swran wunmuan bo amun nin i katyili'n ti, bé kléé amun nanwle nde ng'o kléli'n.

Efɛzfuɛ Mun 4:30

Nanh an bô Nyanmien Wawe'n i wla, afin i ye Nyanmien fa maan amun b'o klé ke an ti i lie lélé fa dyu tyen nga éh nyanh é ti mlonmlon nion.

1 Tɛsalonikfuɛ Mun 2:13

I so'n ti, é kusu é la Nyanmien asé titi, afin i nde bo é kan kléli amun'n, an tili ye an fa su. Amuan bu'e i ke o ti swran lie, sannge an wun i ke o ti Nyanmien nde sakpa b'o kwla yô amun bo an lafi Christ su'n, amun wun sa yé.

2 Timote 2:15

Mion o nyin di dyunman kpa man Nyanmien yô o mô, yô dyunman difue bo nyannzuen kunmen i dyunman'n ti, b'o kan nde nanwle o kpe'e i wun.

2 Timote 2:19

Sannge Nyanmien i sua'n i bô asé b'o wlali'n o dyran kéklé, bé klee su ke: «É Min'n si bé ti i lie'n,» ye: Swran kwlaa nga i waan o ti é Min'n i lie'n, mon o yatyi sa te yôle'n.

2 Timote 3:15

Ke o fin o ba kaan nun'n, a si Nyanmien Nde nga bé kleli'n, ye man a si ngwlele b'o man se bé lafi Christ su'n bé nyan bé ti nion.

Tite 2:11

Afin Nyanmien a yi yé nga o yô swran b'o man swran'n kwlaa bé kwla nyan bé bé ti'n i nglô.

Hébreu 2:3

wuun se é kpa sa nga é yôo éh nyanh é ti'n su'n, éh yôh se ye éh fitéh nuon? É Min'n bobo dun mmua kan é ti nyanle so'n i nde, ye bé ng'o kannin bo bé tili'n, bé kan kléé é wéiin ke o ti nanwle.

Jacques 1:18

I nde nanwle'n ti o fa é katyi i wa i klun klô su, nan ya yô liké kwlaa ng'o yii bé'n, bé nun klikli.

Jacques 1:21

I so'n ti, anh wla nzuen tete'n nin klunwi'n kwlaa bé asé. Anh yô amun wun aénvue, anh fa nde nga Nyanmien kan klé amun'n su. I ye man amunh nyanh amun tio.

1 Piɛr 2:10

Laa an ti'a Nyanmien swran, sannge sien'n, amuan katyi i swran. Laa Nyanmien a si'a amun aunnvue, sannge sien'n, wa si amun aunnvue.

Sa nglô yile 7:2

Ye n wuun ange kun ékun, o fité wia afilie lo, Anannganman Nyanmien i liké b'o fa sié liké'm bé nzolie'n wô i sa nun. O kpan sé ange nga bé sié bé ke bé satyi asie'n nin dyénvié'n bé ke: