Efɛzfuɛ Mun 1:11 - Nyanmien nde Ufle

¹¹ Liké kwlaa nga Nyanmien klô ke oh yôh'n, o yô, o man ke é nin Christ é katyii swran wunmuan'n o fa é katyi i lie, afin i bobo ye o siéé i soo.

NYANMIƐN NDƐ'N 1998

¹¹ Like kwlaa nga Nyanmiɛn klo kɛ ɔ yo'n, ɔ yo, ɔ man kɛ e nin Krist e kacili sran wunmuan'n ɔ fa e kacili i liɛ, afin i bɔbɔ yɛ ɔ sieli i sɔ-ɔ.

Efɛzfuɛ Mun 1:11 ပူးပေါင်းရင်းမြစ်များ

Sa nga bé yôli'n 13:48

Ke bé bo bé ti'a Juif'n bé tii i so'n bé klun dyoli, bé laa é Min Nyanmien'n i asé i nde'n ti, ye bé kwlaa nga Nyanmien fali bé ke bé nyan anannganman nguan'n, bé faa su.

Sa nga bé yôli'n 2:23

Ke Nyanmien bobo dun mmua buu i akunndan b'o sié i ke bé fa bian so'n man swran mun'n, amun man bé bo bé sro'a Nyanmien'n bé bôbôlii waka'n su, bé kunniin.

Sa nga bé yôli'n 20:27

Afin n kan Nyanmien i klun sa'n kwlaa kléé amun, man fia'a wié fi su amun wun.

Sa nga bé yôli'n 20:32

Sien'n nh fah amun wla é Min'n sa nun, ye nh fah yé dan bo Nyanmien yôô yé'n i nde'n yatyi amun sa nun. O man amunh kwlah dyran tyinndyin, ye kusu o kwla fa liké ng'o sié maan swran kwlaa ng'o ti i lie mlonmlon'n man amun.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

Sa nga bé yôli'n 4:28

ke béh yôh kwlaa nga o bobo Nyanmien Kpli'n a dun mmua buu i akunndan ke bé yô'n.

Rɔmfuɛ Mun 11:34

«?Wan ye o si akunndan nga é Min Nyanmien'n buli nion? ?Wan ye o klélii ngwleleo?

Rɔmfuɛ Mun 8:17

É ti i wa, o man liké ng'o sé ke oh fah men i swran mun'n, éh nyanh wié, ye kusu liké ng'o sé ke oh fah Christ'n, béh bôh é dunman nun wié, sannge san nyrennen kunngba ng'o wunniin'n, éh wunh wié, nan é nin i ya nyan nyrun.

Rɔmfuɛ Mun 8:28

É si ke sa kwlaa nga b'o yô'n, é bo é klô Nyanmien b'o flee é yele ke o bu é akunndan siéé laa'n, é kpa yôle ti ye o man sa so'm bé yôo.

Rɔmfuɛ Mun 8:29

Afin é bo Nyanmien dun mmua si yé'n, o siéé é ke é katyi ke i Wa'n ti'n sa, nan i Wa'n nyan niaan kpanngban, nan o yô bé nyrun kpen.

Rɔmfuɛ Mun 8:30

Bé ng'o siéé bé so'n, o flee bé, ye bé ng'o flee bé'n, o buu bé swran kpa, ye bé nga o buu bé swran kpa'n, o man bé nyaan nyrun ke i lie'n sa.

Rɔmfuɛ Mun 9:11

Ke bé nian wu'a ba so mun bo bé nian si'a liké nga bé flee kpa nin te'n, Nyanmien séé Rébecca ke: «Ba kpenngbenfue'n oh suh i sinma'n.» O yôé so nan bé si ke o fa swran nga i bobo klô'n, o nia'an liké nga swran'm bé yô'n su ye o fa fa béo, sannge bé nga o fle bé'n bé ye o fa béo.

Galasifuɛ Mun 3:18

Se liké nga Nyanmien séé ke béh nyenh'n, bé nyen mmla'n ti'n, wuun nanh sa ng'o séé ke oh yôh man bé'n ti ye bé nyen io. Sannge sa nga o séé Abraham ke oh yôh men'n ti ye o yôli i yéo.

Efɛzfuɛ Mun 1:14

Liké nga Nyanmien séé é ke éh nyenh'n, i Wawe so'n ye o klé ke éh nyenh sakpa nion. O klé é wéiin ke tyen nga o kô dé i swran'm bé ti mlonmlon'n éh nyenh, ye oh nyanh komin.

Efɛzfuɛ Mun 1:18

N sre i ékun ke o man an wun sa wle wéiin kpa nan an si liké nga é nyin ô i sin'n, flele b'o flee yé'n ti. Ye an si ke i swran'm bé anyanbéun'n oh yôh dan, afin liké nga i waan oh fah man bé'n o ti liké kpa sakpa.

Efɛzfuɛ Mun 1:5

Klôle b'o klô yé'n ti, o dun mmua buu é akunndan ke sa nga Jésus-Christ yôli'n ti oh fah é katyi i klun ba. I klun dyo su ke oh yôh i so ti ye o yôli so nion,

Efɛzfuɛ Mun 1:8

i klun-ufué'n ti'n. I ngwlele b'o si'n nin i sa kwlaa wle wunle'n ti,

Efɛzfuɛ Mun 1:9

o man é si i klun sa b'o fiee swran'm bé nyrun'n o nin sa klaan nga i waan Christ yô man yé'n.

Efɛzfuɛ Mun 3:11

Ke o yôé so'n, sa ng'o dun mmua buu i akunndan lalafue nun ke o man é Min Christ-Jésus yô'n, o kpeen su.

Kolɔsfuɛ Mun 1:12

Anh la é Si'n i asé, afin i ye man amun dunman'n te liké ng'o sié men i swran mun lika b'o kpadya nun lo'n, i nun wiéo.

Kolɔsfuɛ Mun 3:24

Man an si ke é Min'n bobo ye oh fah liké nga i waan i swran'm béh nyenh'n tua amun kaleo. Afin amun Min kpafue nga an sui'n, yele Christ.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Tite 3:7

nan yé nga o yô yé'n ti, o bu é swran kpa, o man éh nyanh anannganman nguan nga i waan oh manh yé'n bo é wla ô su'n.

Hébreu 6:17

Nyanmien klô ke bé nga béh nyanh liké nga i waan oh manh bé'n, bé wun i wle kpa ke o su katyi'e i akunndan'n. I so'n ti ye ke o kannin'n, o taa nda nion.

Jacques 2:5

N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?

1 Piɛr 1:4

O wuli é so nan é nyan liké kpa ng'o siéé nyanmien su lo'n. Liké so'n kwla satyiman, o yô'a fien, o mlinman.

1 Piɛr 3:9

Se swran yô amun te'n, nanh an yôé wié, se bé kpe amun nzôwa'n, nanh an yi man bé, anh yra bé nguan, afin ke Nyanmien flee amun'n, o sé ke oh yrah amun nguan. Bé klee Nyanmien Nde'n nun ke: