Kolɔsfuɛ Mun 4:3 - Nyanmien nde Ufle

³ Ke amunh yôh so'n, anh sre Nyanmien ke o man é kusu é atin man é ken i nde'n, nan é kwla kan Christ nde bo Nyanmien fiee swran'm bé nyrun'n, afin i ti ye man bé wlaa m bisua nion.

NYANMIƐN NDƐ'N 1998

³ Kɛ amun ´yo sɔ'n, an `srɛ Nyanmiɛn kɛ ɔ man e kusu ye atin man e kɛn i ndɛ'n yɛ e kwla kan Krist ndɛ'n bɔ Nyanmiɛn fiɛli i sran'm be nyrun'n, afin i ti yɛ man be wlali m bisua nin-ɔn.

Kolɔsfuɛ Mun 4:3 ပူးပေါင်းရင်းမြစ်များ

Matthieu 13:11

Jésus sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga'm bé lie'n, ba sié'e so.

Sa nga bé yôli'n 14:27

Ke bé dyuu lo'n, bé yiaa asonunfue mun, bé kan sa kwlaa nga Nyanmien yô maan bé'n, o nin ke o yôli b'o man bé nga bé ti'a Juif'n bé lafi Jésus su wié'n kléé bé.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

1 Korɛntfuɛ Mun 16:9

afin ba man min atin dan, o man n kwla di dyunman kpa, sannge é kpofue'm bé sonnin.

1 Korɛntfuɛ Mun 4:1

I so'n ti, man swran'm bé si ke é ti Christ i ukafue bo é nian liké nga Nyanmien fiee swran'm bé nyrun'n bé su.

2 Korɛntfuɛ Mun 2:12

Ke n dyuu Troas lo Christ i dyasin fe bôle'n ti'n, é Min Nyanmien'n maan min atin ke n di dyunman'n kpa,

Efɛzfuɛ Mun 3:1

I so'n ti, m Paul n ti Christ-Jésus i bisuafue amun bo an ti'a Juif'n amun ti.

Efɛzfuɛ Mun 3:3

O man n si i klun sa b'o fiee swran'm bé nyrun'n. Sa so'm bé wié ye m bô su kléé amun n fluwa'n nun ityra nion.

Efɛzfuɛ Mun 3:4

Se an kanngan'n, amunh wunh i wle wéiin ke n si Christ i wun nde bo Nyanmien fiee swran'm bé nyrun'n kpa.

Efɛzfuɛ Mun 3:9

Ye kusu o man n klé bé sa nga bé yô nan wa yô i klun su'n, wéiin. Nyanmien b'o yii ninngé'n kwlaa'n, lalafue nun o fiee i klun sa so'n swran'm bé nyrun,

Efɛzfuɛ Mun 4:1

I so'n ti, m bo é Min'n ti ye n ti bisuafue'n, n sre i kpa ke an bu flele nga Nyanmien flee amun'n i akunndan, nan an yô sa ng'o ti i nuan su'n.

Filipfuɛ Mun 1:19

Afin n si ke i kwlaa so'n o man nh nyanh n ti Nyanmien bo an sre i ke o dyran n sin nin Jésus-Christ i Wawe b'o dyin n sin'n ti.

Filipfuɛ Mun 1:7

Ke m bu amun kwlaa amun akunndan ke nga sa'n, o ti kpa, afin amun nde lô n kpa. Ke é sé ye'n bo n wô bisua'n nun'n, nin laa bo n nyan n ti n dyran dyasin fe'n su mon o taka kpa'n, yé nga Nyanmien yôô min'n o yô amun kwlaa amun wié.

Kolɔsfuɛ Mun 1:26

i nde so'n ke o fin lalafue nun'n o fie swran'n kwlaa bé nyrun, sannge sien'n wa yii nglô a klé i swran mun.

Kolɔsfuɛ Mun 4:18

M bobo m Paul ye n klee nde kaan nga n fa yô amun likéo. Nanh amun wla fi ke n te ô bisua nun'n. Nh yrah n nuan ke an nyan yé!

1 Tɛsalonikfuɛ Mun 5:25

Aniaan mun, anh sre Nyanmien ke o nian é su wié.

2 Timote 1:16

Man Nyanmien si Onésiphore nin i awlôfue'm bé aunnvue, afin kpale sunman o gua min awlen su nzué. N wôsu nianle bisua nun lo'n wa yômen nyannzuen.

2 Timote 2:9

Dyasin fe so'n ti ye n wun nyrennen bo bé tyi n ke sa te yôfue sa nion. Sannge Nyanmien ndefue'n, bé kwla tanninmen.

2 Timote 4:2

se a nyan o ti ô, se a nya'an o ti ô, kan Nyanmien nde'n dyran su kpa klé bé man bé wun i wle. Swran ng'o yô sa'n idyoe, wla bé fanngan, tro o awlen kpa klé bé.

Filemɔn 1:22

Ke ah yôh so'n, yô sua ba kun kpa fa sié min, afin Nyanmien bo an sre i ke o dyran n sin man an wun min ékun'n ti, n lafi su ke mh bah.