Kolɔsfuɛ Mun 4:2 - Nyanmien nde Ufle

² Anh kôkô yale klé Nyanmien titi, anh fa amun wla'n kwlaa gua su yô, anh le i asé.

NYANMIƐN NDƐ'N 1998

² An `koko yalɛ kle Nyanmiɛn titi, an `fa amún wla'n kwlaa gua su yo, yɛ an `lɛ i ase.

Kolɔsfuɛ Mun 4:2 ပူးပေါင်းရင်းမြစ်များ

Matthieu 26:41

Man amun nyin tran su, ye amun nin Nyanmien anh kôkô yale nan Lakafue'n wa laka'a amun. Amun awlen'n wô su ke amunh yôh, sannge an le'e i wun fanngan.

Marc 13:33

Anh fa sié amun klun kpa, anh tran minnde, afin an si'a tyen nga sa so'm bé yô'n.

JÉSUS-CHRIST I DYASIN FE'N BO LUC KLELI'N 18:1

Jésus bu nyanndra kun kléé bé ke bé nin Nyanmien bé kôkô yale titi, nanh man bé yatyi.

JÉSUS-CHRIST I DYASIN FE'N BO LUC KLELI'N 21:36

I so'n ti, anh tran minndee tyen kwlaa, anh sre Nyanmien man an kwla fité sa kwlaa b'o wa ba men'n nun'n i nun, nan amuan kwla dyran m bo n katyii Swran'n min nyrun.

Sa nga bé yôli'n 1:14

Bé nin bla mun, nin Marie Jésus nin'n, ye niaan bian mun bé kwlaa bé bô yôô kun, bé nin Nyanmien bé kôkô yale. Yale kôkôle so'n dii bé mlonmlon.

Rɔmfuɛ Mun 12:12

Amun nyin b'o ô é Min'n i sin'n ti, anh gua amun wla asé. Se sa to amun su'n, anh tra amun awlen. Amun nin Nyanmien anh kôkô yale titi, nanh amun kponzo.

Efɛzfuɛ Mun 6:18

Ke an kô yô i kwlaa so'n, anh sre Nyanmien ke o dyran amun sin. Sa'n kwlaa nun amun nin Nyanmien kôkô yale i Wawe'n i fanngan nun tititi. Anh nien i so'n su yôé titi, nanh an kponzo. Anh sre Nyanmien ke o nien i swran'n kwlaa bé su.

Filipfuɛ Mun 4:6

Nanh amun kôkô sa fii su, sannge sa'n kwlaa nun, nin liké kwlaa ng'o mian amun'n, anh kan klé Nyanmien, anh sree, anh dyran su kpa, ye anh le i asé.

Kolɔsfuɛ Mun 1:9

I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

Kolɔsfuɛ Mun 2:7

o man i ti an dyran kéklé ke sua bo bé wle i bô asé kpa'n sa. Anh lafi i su kpa ke bé kléli amun'n sa, anh le i asé tititi.

Kolɔsfuɛ Mun 3:15

Se é wun nga Christ man o dyo yé'n ti swran'n, wuun éh séh ke, mon o sié amun nin amun klun akunndan'n kwlaa, afin i so'n ti ye o fleli amun ke an yô swran wunmuan nion. Ye liké kwlaa nga Nyanmien yô man amun'n, nanh amun wla fi.

Kolɔsfuɛ Mun 3:17

Se amunh yôh liké wié ô, se amunh kanh nde wié ô, liké kwlaa nga amunh yôh'n, anh yôé é Min Jésus dunman nun, ye i ti anh la é Si Nyanmien i asé.

Kolɔsfuɛ Mun 4:12

Épaphras b'o ti amun nun kun'n i waan oh yôh amun liké. Christ-Jésus i dyunman difue so'n o mien i nyin sre Nyanmien ke an yô swran an wun sa ng'o ti klun sa'n i wle kpa, nan an dyran kéklé.

1 Piɛr 4:7

Liké'n kwlaa bé awiélie'n wa mantan. I so'n ti, anh bu akunndan, anh nian amun wun su nan amuan kwla kôkô yale a klé Nyanmien.