Kolɔsfuɛ Mun 4:17 - Nyanmien nde Ufle

¹⁷ Anh sé Archippe ke o nian dyunman nga é Min'n fe sié i su'n su kpa, o nian nun dii kpa.

NYANMIƐN NDƐ'N 1998

¹⁷ An `se Arsip kɛ ɔ nian junman nga e Min'n fɛ i sieli i su'n su kpa, an se i kɛ ɔ `nian nun di i kpa.

Kolɔsfuɛ Mun 4:17 ပူးပေါင်းရင်းမြစ်များ

Matthieu 25:17

I kunngba'n nga bé meen i talent nnyon'n o nyaan nnyon uka su.

Sa nga bé yôli'n 1:17

Judas ti é nun kun, bé felii ke o di dyunman kunngba nga é di ye'n wié.

Sa nga bé yôli'n 14:23

Bé siésié bé asonun'm bé kpenngben. Ke bé kpe sre nun bo bé séé Nyanmien ke o dyran bé sin'n, bé fa bé wlaa é Min'n bo bé lafi i su'n, i sa nun.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Efɛzfuɛ Mun 4:11

Nyanmien siéé swran wié mun ke o sunman bé, o sié wié mun ke bé idyo i nuan, o sié wié mun ke bé bô i dyasin fe'n, o sié wié mun pasteur nin liké kléfue.

1 Timote 4:14

Liké nga ke Nyanmien nuan idyofue'm bé kannin, bo kpenngben'm bé yiali bo bé fa bé sa fuo o su'n, Nyanmien fa moon o ke a yô'n, nanh kpa su.

1 Timote 4:16

Nion o bobo o wun su o nin o ninngé bo a klé'n su kpa, afin se a yô so tititi'n, ah déh o bobo nin bé nga bé ti o nde'n bé ti.

1 Timote 4:6

Se a ken i so klé aniaan mun'n, bo a fa Nyanmien i sulafile nde'n nin liké kpa nga bé kléé wo bo a fali su'n katyi ke wo alie sa'n, ah yôh Christ-Jésus i dyunman difue kpa.

1 Timote 6:20

Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

2 Timote 1:6

I so'n ti, nh sreh o ke liké nga ke n fa n sa fuoo o su, bo Nyanmien fa moon o ke a yô b'o ti ke sin sa'n, tro i nuan nian su.

2 Timote 2:2

Nde nga a ti i ke n keen swran kpanngban bé nyrun'n, kan nde so'n, fa yatyii bé nga a lafi bé su bo bé kusu bé kwla kan klé swran ufle'n bé sa nun.

Filemɔn 1:2

éh kleh fluwa nga ble o Philémon bo a ti é swran kpa nin é wiéngu dyunman difue'n, nin é niaan bla Appia, nin Archippe bo é nin i é fe'n, nin asonunfue nga bé yia o awlô lo'n.