Kolɔsfuɛ Mun 4:12 - Nyanmien nde Ufle

¹² Épaphras b'o ti amun nun kun'n i waan oh yôh amun liké. Christ-Jésus i dyunman difue so'n o mien i nyin sre Nyanmien ke an yô swran an wun sa ng'o ti klun sa'n i wle kpa, nan an dyran kéklé.

NYANMIƐN NDƐ'N 1998

¹² Epafras b'ɔ ti amun nun kun'n, i waan ɔ ´yo amun like. Krist-Jésus i junman difuɛ sɔ'n ɔ miɛn i nyin srɛ Nyanmiɛn kɛ an yo sran, ɔ srɛ kɛ an wun sa ng'ɔ ti Nyanmiɛn i klun sa'n i wlɛ kpa nan an jran kekle.

Kolɔsfuɛ Mun 4:12 ပူးပေါင်းရင်းမြစ်များ

Matthieu 5:48

I so'n ti, anh yô swran kpa ke amun Si b'o ô nyanmien su lo'n ti kpa'n sa.

JÉSUS-CHRIST I DYASIN FE'N BO LUC KLELI'N 1:1

Théophile n swran kpa, swran sunman bé bô manndren bé klee sa ng'o yôli é nyrun wa'n.

JÉSUS-CHRIST I DYASIN FE'N BO LUC KLELI'N 22:44

Ke i awlabôe'n yôh dan'n, o mien i nyin kan nde klé Nyanmien tyinndyin kpa, nvufle kpa'n tui pataa, o katyi ke mmôdya sa, o gua srôsrôsrôsrô.]

Jean 12:26

Swran nga i waan oh suh min'n, mon o su n su, ye lika nga n wô nun'n, n swran so'n oh tranh lo wié. N Si buh swran ng'o su min'n i swran.

Rɔmfuɛ Mun 15:14

N niaan mun, m bobo n lafi amun su kpa ke an ti klunufuéfue kpa, an wun sa'n kwlaa wle, ye an kwla tu amun wiéngu fo.

Rɔmfuɛ Mun 15:30

[Aniaan mun,] nh sreh amun, anh nian é Min Jésus-Christ nin klôle nga Nyanmien Wawe'n man é klô é wun'n ti,

1 Korɛntfuɛ Mun 14:20

Aniaan mun, nanh an bu akunndan ke bakan sa, anh bu kpenngben akunndan, sannge anh yô ke ba nonman b'o si'a gble kpe'n sa.

1 Korɛntfuɛ Mun 2:6

Sannge ngwlele nde ye é kan klé swran bo bé nyin a ti muon. Ngwlele so'n fi'an é ble su, nin é wléngbi mun bo bé ble lie'n o wa wié'n.

2 Korɛntfuɛ Mun 13:11

Aniaan mun, min nde'n i atabô'n ye: Nyanmien man amun klun dyo. Anh katyi anh yô swran kpa, anh fa min nde'n su, man amun bô yô kun, anh di anuanse. Ye Nyanmien b'o klô swran'n b'o man é di aladyé'n, o nin amunh tranh.

Galasifuɛ Mun 1:10

?Nde nga n ken ye'n, swran'm bé nyrun annze Nyanmien nyrun dunman ye n kunndeo? ?N waan n yô so nan swran'm bé klô n sa? Se n waan n yô so nan swran'm bé klô n sa'n, wuun n su yô'a Christ swran.

Galasifuɛ Mun 4:19

M mma mun, amun ti n su wun nyrennen kpa ékun ke bla bo wa kôtô awulie sa, lélé béh wunh Christ nzuen'n kwlakwlakwla amun nun.

Kolɔsfuɛ Mun 1:22

sien'n bo i Wa'n katyi swran b'o wuli'n ti, wa siésié i nin amun afien, nan ke amunh beh i wun le'n, oh wunh ke an ti i lie mlonmlon, sa te fi nu'an amun wun, ye bé kwla ka'an amun wun nde te fi.

Kolɔsfuɛ Mun 1:28

Christ so'n i nde ye é kan klé swran'n kwlaa nion, é tu bé kwlakwla bé fo, é fa ngwlele kwlaa nga é sii'n é fa klé bé liké. É yô so nan swran'n kwlaa yô swran Nyanmien nyrun, swran wunmuan bo bé nin Christ ti'n ti.

Kolɔsfuɛ Mun 1:29

I so'n ti ye n fa wunmien ng'o maan min, bo i ti ye n le fanngan'n m mian min nyin fa di dyunman kpa nion.

Kolɔsfuɛ Mun 1:7

É swran kpa Épaphras b'o ti é wiéngu dyunman difue'n ye o kléé amuon. O dyran é dya nun di Christ dyunman'n kpa.

Kolɔsfuɛ Mun 1:9

I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

Kolɔsfuɛ Mun 4:9

N sunmen nin é niaan Onésime b'o ti amun nun kun, b'o ti é swran kpa bo é kwla fa é wla gue i su'n. Bé wa kan sa kwlaa ng'o ô wa'n klé amun.

1 Tɛsalonikfuɛ Mun 5:23

Man Nyanmien b'o man swran di aladyé'n, o yô man an katyi i lie mlonmlon, man o nian amun wunmuan'n su, amun klun akunndan'n, nin amun wawe'n, nin amun wunnen'n, nan tyen nga é Min Jésus-Christ bah'n, ba kputu'a amun!

Filemɔn 1:23

Épaphras b'o ti n wiéngu bisuafue Christ ti'n, oh yôh o liké.

Hébreu 5:14

Sannge alie'n ti bé nga ba yô swran bo bé kunnde sa ng'o ti kpa'n nin te'n bé ngbatyie lélé ba si i kpa'n bé lie.

Hébreu 5:7

Ke Christ so'n wô asie'n su wa'n, o kpannin, i nyinmuen guali, nan wa sre Nyanmien b'o kwla déé wié'n nun'n ke o nien i su, o dyran su kpa. Srôle b'o srô Nyanmien'n ti o tili.

Jacques 1:1

N Jacques bo n ti Nyanmien nin é Min Jésus-Christ bé swran'n, nh yôh nvlé blu-nin-nnyon bo ba sanndi men wunmuan'n nun'n bé liké.

Jacques 1:4

Anh tra amun awlen lélé gue i ti nin i bô nan amuan yô swran, ye liké fi su mia'an amun.

Jacques 5:16

I so'n ti, ke o yô nan amuan yô dyuédyué'n, anh kan sa nga an yôli'n klé amun wiéngu, anh sre Nyanmien man amun wun ke o man amun dyasô. Se swran kpa kun sre liké Nyanmien sa nun b'o dyran su kpa'n, i srele so'n yô sa yé dan.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

Jude 1:24

Nyanmien b'o kwla nian amun su b'o man an fonman'n, bo ke o man amunh koh i wun lo'n, sa kaan sa bo'an amun wun, amun klun dyo'n,