Kolɔsfuɛ Mun 3:9 - Nyanmien nde Ufle

⁹ Nanh an bua atô klé amun wiéngu, afin amuan wla amun nzuen laa b'o man an yô sa tete'n i asé,

NYANMIƐN NDƐ'N 1998

⁹ Nán an bua ato kle amun wiengu, afin amu'an wla amun nzuɛn laa b'ɔ man an yo sa tɛtɛ'n i ase,

Kolɔsfuɛ Mun 3:9 ပူးပေါင်းရင်းမြစ်များ

Jean 8:44

Amun si'n yele mmusu'm bé si Satan'n, ye an klô ke amunh yôh amun si so'n i klun sa. Ke o fin i bôbôle nun'n, o ti swran kunfue, o di'a nanwle mlonmlon, afin o si'a nanwle'n. O bua atô, afin atô'n ti i nzuen, atô'n ti i dyunman, i ye o ti atô buafue'm bé si nion.

Rɔmfuɛ Mun 6:6

É si kpa ke bé bôbôli é wafa nga é ti laa'n nin i waka'n su, o yô so nan é nzuen tete'n o wié, nan nanh man sa tete'n yô é nzuen kun.

Efɛzfuɛ Mun 4:22

I so'n ti, anh wla amun nzuen laa b'o man an yô sa ng'o fataman'n i asé. I ti ye amun nyin blô ninngé'm bé su, an laka amun wun lélé an satyi nion.

Efɛzfuɛ Mun 4:25

I so'n ti, anh yatyi atô buale'n, anh di nanwle klé amun wiéngu, afin é kwlaa é ti swran wunmuan.

Kolɔsfuɛ Mun 3:8

Sannge sien'n, anh yatyi sa so'n kwlaa, ya fale, awlen fufu, klunwi, swran wun satyile, nin nde tete b'o fin amun nuan fité'n.

1 Timote 1:10

nin bla nin bian kunndefue, nin yasua nga bé kunnde bé wiéngu yasua'n, nin bé nga bé tra swran suen'n, nin bé nga bé yô sa kwlaa nga b'o nin sa nga bé klé bé ke bé yô'n o ti'a kun'n.

Sa nglô yile 21:27

Liké fien fi nin swran ng'o fe i wun man tété sa yôle, b'o bua atô'n, bé su dyu'a lo. San bé nga bé klee bé dunman Bua Gbanflen'n i nguan fluwa'n nun, bé tye ye béh dyuh loo.

Sa nglô yile 21:8

Sannge srefue, nin bé nga bé lafi'a n su'n, nin bé nga bé yô tété sa'n, nin swran kunfue, nin bian nin bla kunndefue, nin baéfue, nin amuen sofue, nin bé kwlaa nga bé bua atô'n, bé lika lie'n yele sin dan'n bo soufre (*26*) ô nun, b'o dyué'n nun. I ye o ti wié'n i nnyon su nion.

Sa nglô yile 22:15

Bé nga bé ti ke aluwa sa'n, bé nin baéfue, nin bian nin bla kunndefue, nin swran kunfue, nin amuen sofue, nin bé kwlaa nga bé bua atô, bé yô gblegble sa mun'n, bé lika lie'n yele klo'n sin lo.