Kolɔsfuɛ Mun 3:4 - Nyanmien nde Ufle

⁴ Ke Christ bo amun nguan'n wô i sa nun'n o wa yi i wun nglô'n, oh yih amun nglô wié, ye nyrun ng'oh nyenh'n, amunh nyanh wié.

NYANMIƐN NDƐ'N 1998

⁴ Kɛ Krist bɔ amun nguan'n wo i sa nun'n ɔ wa yi i wun nglo'n, ɔ ´yi amun nglo wie, yɛ nyrun ng'ɔ ´nyɛn i'n, amun ´nyan wie.

Kolɔsfuɛ Mun 3:4 ပူးပေါင်းရင်းမြစ်များ

Matthieu 13:43

Sannge swran nanwlefue'm bé wa yô ke wia'n sa béh kpadyah bé Si i men'n nun. Man swran ng'o si fa sié'n, o fa sié.

JÉSUS-CHRIST I DYASIN FE'N BO LUC KLELI'N 17:30

Ke m bo n katyii Swran'n min wun nglô yile tyen'n nun o wa yô soo.

Jean 11:25

Jésus sé i ke: Min ye n tyen swran muon, m bobo min ye bé fle min nguan nion. Swran kwlaa ng'o lafi n su'n, se o wu'n, oh nyanh nguan ékun.

Jean 14:3

Se n ko nan n wié i siésié'n, mh bah m ma fa amun nan lika nga n tran lo'n, an tran lo wié.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 17:24

N Si, n klô ke bé nga a fa bé maan min'n lika nga n wô lo'n, bé tran lo wié nan bé wun nyrun nga wo man n le'n, afin a klô min i sin nan w'a yi men'n.

Jean 20:31

Sannge ke o yô nan amuan lafi su ke Jésus ti Christ Nyanmien Wa'n, i ti ye bé kleli ngaa, ye se an lafi su'n, i ti amunh nyanh nguan.

Sa nga bé yôli'n 3:15

An man bé kuun swran ng'o man nguan'n, sannge Nyanmien tyenniin. Sa so'n yôô é bobo é nyrun.

Rɔmfuɛ Mun 8:18

Ke m bu anyrunnyan liké nga Nyanmien wa yi i nglô klé yé'n i akunndan'n, m bu'a nyrennen nga é wuin nde'n, i liké fi.

Rɔmfuɛ Mun 8:19

Liké kwlaa nga Nyanmien yii bé'n, bé wun blibli bé, bé minnde tyen nga Nyanmien wa yi i mma'm bé nglô'n.

1 Korɛntfuɛ Mun 1:7

I so'n ti, ke amunh minndeh é Min Jésus-Christ i wun nglô yile tyen'n, Nyanmien i ninngé b'o fa man swran mun'n i wié fi su mia'an amun.

1 Korɛntfuɛ Mun 15:43

Ke béh wleh i asé'n, o ti fuen, ke o kô tyeen'n, o le nyrun, ke béh wleh i asé'n, o ti fuen, ke o kô tyeen'n o le wunmien.

2 Korɛntfuɛ Mun 4:17

Nyrennen kaan nga é wuin ye'n o man éh nyanh tranwle kpa nyanmien su lo, é su dyaô'a nun le.

Galasifuɛ Mun 2:20

o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.

Filipfuɛ Mun 3:21

O wa fa é wunnen b'o ti'a liké fi'n o yô man oh katyih ke i wunnen b'o fa oo lika ng'o le nyrun lo'n nun'n sa. I kwlale b'o fa sié liké'n kwlaa'n ye oh fah katyi io.

1 Tɛsalonikfuɛ Mun 4:17

i sin ke o kô yô so'n é nga é nyin te ô su'n, Nyanmien wa man é nin bé é su nyanmien blé'n nun, éh kôh kpa é Min'n i atin nglô lo. Ke o kô yô so'n, é nin é Min'n tranh manndimaan.

1 Timote 6:14

Liké nga o séé o ke a yô'n, nian su yôé sese, nan tyen nga é Min Christ-Jésus yih i wun nglô'n, ba kputu'a o.

2 Timote 1:1

M Paul bo Nyanmien waan Christ-Jésus sunman min'n, nh kleh fluwa nga ble o Timothée bo a ti min awlen su ba'n. Christ-Jésus sunmaan min ke n kan nguan nga Nyanmien waan oh fah man bé nga bé nin Christ ba katyi swran wunmuan'n i nde. Man é Si Nyanmien nin é Min Christ-Jésus bé man a nyan yé, man bé si wo aunnvue, ye man o wun dyo o fouun!

2 Timote 4:8

Sien'n ba sié liké nga swran ng'o yô kpa'n bé fa yô i mô'n, lo a sié min. É Min'n b'o di dyole nanwle su'n ye oh fah man min tyen so'n nuon. Nanh min ngunmin ye oh fah man mion, sannge oh fah man bé kwlaa nga bé nyin te i sin'n.

Tite 2:13

É yô so nan é minnde tyen kpa nga é wla ô su ke é Nyanmien Kpli'n nin é Défue Christ-Jésus bé wa yi bé wun nglô'n.

Hébreu 9:28

I kunngba'n, ke o yô nan Christ a fa swran kpanngban bé wun sa'n, i kusu fe i wun soo Nyanmien kpe kun. Bale nga o wa ba ékun'n, nanh sa te'n tio, sannge oh bah bé nga be nyin te i sin'n bé déle.

1 Piɛr 1:13

I so'n ti, anh bu akunndan, anh nian amun wun su, man amun nyin tran liké nga tyen nga Jésus-Christ wa yi i wun nglô'n oh fah man amun'n su kpa.

1 Piɛr 5:4

Ye tyen nga Bua Tafue Dan'n ba'n, oh yôh amun mô, dunman nga amunh nyenh'n, o wié'a mlonmlon.

1 Jean 2:28

M mma mun, amunh nin i tran titi, nan tyen nga oh bah, bo oh yih i wun nglô'n, é wla'n wa gua asé, nan ba ka'an é bô, ya wu'an nyannzuen.

1 Jean 3:2

N swran kpa mun, sien'n é ti Nyanmien wa, sannge wafa nga éh katyih dyu'n, é nian wu'en ka, sannge é si ke, ke Christ wa yi i wun nglô'n, éh katyih ke i sa, afin éh wunh ke o fa ti'n.

1 Jean 5:12

Swran ng'o nin Nyanmien Wa'n ti swran wunmuan'n, o le anannganman nguan, swran ng'o nin i ti'a swran wunmuan'n, o le'a anannganman nguan.

Jude 1:24

Nyanmien b'o kwla nian amun su b'o man an fonman'n, bo ke o man amunh koh i wun lo'n, sa kaan sa bo'an amun wun, amun klun dyo'n,

Sa nglô yile 2:7

Swran ng'o si fa sié'n, mon o tié nde nga Nyanmien Wawe'n kan klé asonun mun'n. Swran ng'o kwla'n, m man oh dih waka b'o man nguan b'o ô Nyanmien fié'n su lo'n i mma.

Sa nglô yile 22:1

O kléé min nzué ba bo i nun nzué'n man nguan'n, o ti nyannyannyan ke la glace sa. O fin Nyanmien nin Bua Gbanflen'n bé bia'n nun ye o fitéo.

Sa nglô yile 22:14

Bé nga bé kpu bé trale'n, b'o man bé kwla di waka ng'o man nguan'n i mma'n, bo bé kwla sin klo'n i anuan'n nun'n, bé lie su ti yé!