Kolɔsfuɛ Mun 3:3 - Nyanmien nde Ufle

³ afin an wuli, o man ôle nga an wô le nde'n, an wô Nyanmien sa nun, afin wa fa amun nin Christ a fie i wun lo.

NYANMIƐN NDƐ'N 1998

³ afin an wuli, ɔ man olɛ nga an wo lɛ ndɛ'n, an wo Nyanmiɛn sa nun, afin ɔ'a fa amun nin Krist a fiɛ i wun lɔ.

Kolɔsfuɛ Mun 3:3 ပူးပေါင်းရင်းမြစ်များ

Matthieu 11:25

I ble so'n nun Jésus séé ke: N Si, o bo a ti nyanmien su lo nin asie'n bé Min'n, kwla ô, yele ke a fa ninngé nga mun fiaa ngwlelefue nin bé bo bé si sa'n bé wun, sannge a yi bé nglô kléé bé bo bé ti ke ba kanngan mun sa'n.

Jean 14:19

O tye kan'n, men nunfue'm bé su wu'an n kun, sannge amun lie'n, amunh wunh min. N wunman, o man amun kusu amunh kah le tititi.

Jean 3:16

Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Jean 5:21

Ke i Si'n tyen swran b'o man bé nyan nguan'n, Ba'n kusu man swran ng'o klô ke o nyan nguan'n, o nyen.

Jean 5:24

Nanwle, swran ng'o tié min nde'n b'o lafi swran ng'o sunmaan min'n su'n, o le anannganman nguan, bé su fe ko'a dyole difue'n i dyasu. Wa nyen i ti wié'n sa nun, wa nyan nguan.

Jean 5:40

O nin i so'n ngba, an klô'a ke an bla n sin nan an nyan nguan!

Rɔmfuɛ Mun 5:10

Afin se laa bo é ti Nyanmien i kpofue'n b'o fe i Wa'n siésié é afien'n, sien'n bo é nin i é afien a se'n, i Wa'n i nyin b'o ô su'n ti, oh déh é ti kpe blu.

Rɔmfuɛ Mun 5:21

O man ke sa tete'n yô swran'm bé nzuen lélé o man bé wu'n, i kunngba'n Nyanmien i aklunyé'n o man sa kpa'n katyi bé nzuen lélé béh nyanh anannganman nguan é Min Jésus-Christ fanngan nun.

Rɔmfuɛ Mun 6:11

I so'n ti, amun nin Christ-Jésus amun swran wunmuan bo amuan katyi'n ti, amun kusu anh bu amun wun ke an wuli, o man amun nin sa te'n amuan bu, ye an wô Nyanmien dunman nun.

Rɔmfuɛ Mun 6:2

É su yô'e i so mlonmlon! ?Sa te'n, ke é wuli bo é nin i a bu'n, o yô se ye éh yôéh ékuon?

Rɔmfuɛ Mun 8:2

Afin Nyanmien Wawe'n klé sa ufle b'o man bé bo bé nin Christ-Jésus ba katyi swran wunmuan'n béh nyanh nguan. O man man nyan n ti sa te'n nin wié'n bé sa nun.

1 Korɛntfuɛ Mun 15:45

I so'n ti ye bé klelii ke: «Adam b'o ti swran klikli'n o nyaan nguan o yô swran.» Adam kasienfue'n yôô aôlia nun'n swran b'o man nguan.

1 Korɛntfuɛ Mun 2:14

Swran ti blé'n b'o ô sa'n o fa'a Nyanmien Wawe ninngé'm bé su, afin bé ti i nyrun sinnzin liké, o kwla wu'an bé wle mlonmlon, afin san Nyanmien Wawe'n ye o klé swran ye man o wun bé wafa'n i wleo.

2 Korɛntfuɛ Mun 5:14

Sa kwlaa nga é yô'n, é yôé klôle bo Christ fa klô swran'n ti. É si ke se swran kun wuu swran'n kwlaa bé ti'n, wuun bé ngba ye bé wulio.

2 Korɛntfuɛ Mun 5:7

É wunmen, sannge i su bo é lafi'n ti, é ko é nyrun.

Galasifuɛ Mun 2:20

o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.

Efɛzfuɛ Mun 3:9

Ye kusu o man n klé bé sa nga bé yô nan wa yô i klun su'n, wéiin. Nyanmien b'o yii ninngé'n kwlaa'n, lalafue nun o fiee i klun sa so'n swran'm bé nyrun,

Filipfuɛ Mun 4:7

Ye Nyanmien man amun wun dyoh amun fouun bo an su wu'en i bô mlonmlon. Aundyue so'n man amun wla su bôman, ye amun akunndan su sannganman, swran wunmuan bo amun nin Christ-Jésus ti'n ti.

Kolɔsfuɛ Mun 1:5

Ke an tii dyasin fe'n b'o ti nanwle'n klikli'n, bé kan liké nga bé siéé nyanmien su lo sié amun'n i nde kléé amun. Amun wla b'o ô su'n ti ye an lafi su, ye an klô Nyanmien swran muon.

Kolɔsfuɛ Mun 2:20

?Se amun nin Christ ye an wuli'n, bo amun nin asie'n su ninngé'm ba bu'n, nzu ti ye an te yô amun wun ke an ti asie'n sufue sa bo an di bé mmla'n suo?

Kolɔsfuɛ Mun 2:3

O ti ke betro sa, i nun ye Nyanmien fe i ngwlele'n nin sa wle wunle'n kwlaa fialio.

Kolɔsfuɛ Mun 3:4

Ke Christ bo amun nguan'n wô i sa nun'n o wa yi i wun nglô'n, oh yih amun nglô wié, ye nyrun ng'oh nyenh'n, amunh nyanh wié.

Hébreu 7:25

I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

1 Piɛr 3:4

Sannge man bé wun amun klaan'n amun nzuen'n, nin amun awlen wetee'n, nin diin bo an ti'n nun. Klaan so'n wiéman, o ti kpa Nyanmien nyrun.

1 Piɛr 4:2

Afin swran ng'o wun nyrennen'n, wuun o nin sa te'n ba bu. O man tyen nga an te di i asie'n su wa'n, anh fa yô Nyanmien klun sa, nanh an yô klo swran klun sa kun.

1 Jean 3:2

N swran kpa mun, sien'n é ti Nyanmien wa, sannge wafa nga éh katyih dyu'n, é nian wu'en ka, sannge é si ke, ke Christ wa yi i wun nglô'n, éh katyih ke i sa, afin éh wunh ke o fa ti'n.

Sa nglô yile 2:17

Swran ng'o si fa sié'n, mon o tié nde nga Nyanmien Wawe'n kan klé asonun mun'n! Swran ng'o kwla'n, nh fah manne (*f29*) bo bé wunmen'n men. Ye nh fah yebue ufué kun bo bé klee dunman ufle kun su'n men. Swran fi si'a dunman so'n, san swran nga bé fa men'n ye o si io.