Kolɔsfuɛ Mun 3:16 - Nyanmien nde Ufle

¹⁶ Man Christ nde b'o ti amun liké kpa'n tran amun klun. Anh kan klé amun wiéngu, ngwlele kwlaa nga an sii'n anh fa tu amun wun fo. Anh tu amun klun tô psaume nin Nyanmien manmanle dyué nin asonun dyué'n menmen, anh le i asé.

NYANMIƐN NDƐ'N 1998

¹⁶ Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

Kolɔsfuɛ Mun 3:16 ပူးပေါင်းရင်းမြစ်များ

Matthieu 26:30

Ke bé tôô Nyanmien manmanle dyué'n, bé oo Olive Ôka'n su lo.

JÉSUS-CHRIST I DYASIN FE'N BO LUC KLELI'N 2:51

Ke o yôô so'n, o nin bé oo Nazareth, i nyin yi bé. I nin fa sa so'n siéé i klun.

Jean 15:7

Se amun nin min yô swran wunmuan bo é tran titi'n, bo an fa min nde'n su'n, liké nga an klôé'n, anh sé Nyanmien, oh fah man amun.

Rɔmfuɛ Mun 10:17

I so'n ti, nde nga swran ti'n ye man o lafi Nyanmien suo, ye nde nga bé ti'n yele Christ nde bo bé kan'n.

Rɔmfuɛ Mun 15:14

N niaan mun, m bobo n lafi amun su kpa ke an ti klunufuéfue kpa, an wun sa'n kwlaa wle, ye an kwla tu amun wiéngu fo.

1 Korɛntfuɛ Mun 14:15

?Ke o ti ke nga sa'n, nh yôéh se Se o ti so'n, ke nh kanh nde klé Nyanmien'n, nde ng'o fa wla n nuan ke n kan'n, ye nh kaanh, sannge kusu nh wunh i wle ye nh kaanh. Dyué nga Nyanmien fa wla n nuan ke n tô'n, ye n tôo, sannge kusu nh wunh i wle ye nh tôoh.

1 Korɛntfuɛ Mun 14:26

?Aniaan mun, se o ti so'n, ke amun yia'n bo amun kwlaa an le liké bo an yô'n, bo kun tô dyué, kun kusu klé liké wié, kun kan nde bo Nyanmien kan klélii'n, kun idyo anien wié'n, kun kusu katyi anien wié, é yôé se? Anh yô i kwlaa so'n man asonun'n yô kpa.

Efɛzfuɛ Mun 1:17

Ye n sre é Min Jésus-Christ i Nyanmien b'o ti é Si b'o le nyrun'n, ke o fe i Wawe'n man amun man an si ngwlele, ye o yi i wun nglô nan an sii kpa.

Efɛzfuɛ Mun 5:17

I so'n ti, nanh an yô sinnglinfue, sannge anh mian amun nyin ke amunh sih liké nga é Min'n klô ke an yô'n.

Efɛzfuɛ Mun 5:19

Ke amunh kôkôh yale'n, anh kan psaume, anh tô Nyanmien manmanle dyué nin asonun dyué. Anh tu amun klun tô dyué manman é Min'n, anh kan psaume ng'o menmen'n.

Efɛzfuɛ Mun 5:26

Afin Asonun'n ti, o fe i wun mannin nan ke o wunnziin b'o yô yeiin i nde'n ti'n, o katyi Nyanmien lie mlonmlon.

Kolɔsfuɛ Mun 1:28

Christ so'n i nde ye é kan klé swran'n kwlaa nion, é tu bé kwlakwla bé fo, é fa ngwlele kwlaa nga é sii'n é fa klé bé liké. É yô so nan swran'n kwlaa yô swran Nyanmien nyrun, swran wunmuan bo bé nin Christ ti'n ti.

Kolɔsfuɛ Mun 1:9

I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

Kolɔsfuɛ Mun 4:6

Man amun idyole wafa'n yô swran'm bé fe, man amun nuan nun nde'n yô fe ke ndyin sa, nan swran ng'o usa amun sa'n, amuan te i su klaan.

1 Tɛsalonikfuɛ Mun 1:8

Ke Nyanmien nde'n fin amun wun lo b'o dyuu Macédoine nin Achaïe lo'n, wa ka'a le ngunmin, sannge o nin amun Nyanmien sulafile nde'n wa tru lika'n kwlaa, o man é bô'a ye é ke'en kun.

1 Tɛsalonikfuɛ Mun 4:18

I so'n ti, anh fa nde nga tyityi amun wiéngu wla.

2 Tɛsalonikfuɛ Mun 3:15

Sannge nanh amun kpoe, anh fe bu amun niaan, anh tu i fo.

1 Timote 6:17

Kan klé ble nga é ô nun ye'n i nun anyanbéunfue'm bé ke, nanh man bé di tutré, nanh man bé fa bé wla gue bé anyanbéun b'o su ka'a le'n su, sannge bé fa gue Nyanmien b'o man é liké kwlaa b'o man é klun dyo'n i su.

2 Timote 3:15

Ke o fin o ba kaan nun'n, a si Nyanmien Nde nga bé kleli'n, ye man a si ngwlele b'o man se bé lafi Christ su'n bé nyan bé ti nion.

Tite 3:6

Afin é Défue Christ-Jésus ti Nyanmien fe i Wawe'n maan é i klun-ufué su

Jacques 1:5

Se ngwlele'n wa ti'a amun nun wié kpa'n, mon o kan klé Nyanmien bo i sa ti'a tankaan'n, b'o fa liké man swran'n kwlaa, o idyo'e i sin'n. O man swran so'n oh wunh sa wle.

Jacques 3:17

Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

Jacques 5:13

Se nyrennen ô amun nun wié su'n, mon o kôkô klé Nyanmien. Se amun nun wié klun ti dyowa'n, mon o tô dyué manman Nyanmien.

1 Jean 2:14

Ba kanngan mun, nh kleh fluwa nga ble amun, yele ke an si é Si'n. N si mun, nh kleh fluwa so'n ble amun, yele ke an si swran ng'o ô le i bôbôle nun'n. Gbanflen mun, nh kle fluwa so'n ble amun, yele ke an dyran kéklé, an fa Nyanmien nde'n su, ye an kwlali Klunwifue'n.

1 Jean 2:24

I so'n ti, nde nga ke o fin i bôbôle nun'n an tili'n, anh fa sié amun klun kpa. Se o tran amun klun kpa'n, wuun amun nin é Si'n nin i Wa'n an ti kun tititi.

1 Jean 2:27

Amun lie'n, Christ fe i Wawe'n maan amun. Ke i Wawe so'n nin amun te ô le'n, an bô'a ye kunnde'a swran ke o klé amun liké. Afin o klé amun liké'n kwlaa, liké ng'o klé amun'n ti nanwle, o ti'a atô. I so'n ti, amunh nin i tran titi ke o kan kléé amun'n sa.

2 Jean 1:2

Afin é fa nde nanwle'n su, ye éh fah su tititi.

Sa nglô yile 14:3

Bé tô dyué ufle kun bia'n, nin liké nnan bo bé ti ke nnen sa'n, nin kpenngben'm bé nyrun le. Swran fi kwla'a dyué so'n suan, san swran akpiakpi-ya-abla-nan-nin-nnan bo bé kpoo bé ti asie'n su'n bé ngunmin tye.

Sa nglô yile 15:3

Bé tô Moïse b'o ti Nyanmien i swran'n nin Bua Gbanflen'n bé dyué'n, bé sé ke: É Min Nyanmien Kpli, sa dandan nga a yô bé'n, bé ti abônuan! Nvlénvlé'm bé Famien, a ti nanwlefue ye a yô sa i nuan su!

Sa nglô yile 19:10

Ye n wutuu min nyin asé i bô le ke mh menmenh, sannge o sé n ke: Nanh yô so! N ti wo nin o niaan kwlaa nga bé fa nde nanwle nga Jésus yii nglô'n su'n, amun wiéngu dyunman difue. Kôtô Nyanmien bô menmen! Nde nanwle nga Jésus yii nglô'n ye man Nyanmien nuan idyofue'm bé ken i nde nion.

Sa nglô yile 5:9

Bé tô dyué ufle kun, bé sé ke: Wo ye a ti fluwa'n i fafueo, bo a kwla kpekpe liké nga bé fa tyityili nuon. Afin bé kuun o, a fo o wun tô swran'm bo bé fin nvlénvlé'n kwlaa nun, nin bé bo bé anien'n ti wafawafa'n kwlaa, nin swran wafawafa'n kwlaa, nin bé nga bé fin menmen'n kwlaa nun'n, maan Nyanmien.