Kolɔsfuɛ Mun 3:13 - Nyanmien nde Ufle

¹³ Sa nga amun wiéngu yô bo an wuin'n, mon o son amun nun, se swran kun yô i wiéngu sa'n, mon o yatyi tyee. Christ yatyi sa nga an yôli'n tyeli amun, o man amun kusu, sa nga bé yô amun'n, anh yatyi tye.

NYANMIƐN NDƐ'N 1998

¹³ Sa nga amun wiengu yo bɔ an wun i'n, man ɔ sɔn amun nun, sɛ sran kun yo i wiengu sa'n, man ɔ yaci cɛ i. Krist yacili sa nga an yoli i'n cɛli amun, ɔ man amun kusu, sa nga be yo amun'n, an `yaci cɛ.

Kolɔsfuɛ Mun 3:13 ပူးပေါင်းရင်းမြစ်များ

Matthieu 5:44

Sannge n lie'n, nh kanh klé amun ke, anh klô amun kpofue mun, ye [bé nga bé wua amun amuen'n, anh yra bé nguan. Bé nga bé kpo amun'n, anh yô bé kpa,] ye [bé nga bé yô amun tete] bo bé klé amun yale'n, anh sre Nyanmien ke o nian bé su.

Matthieu 6:12

Yatyi sa nga é yô wo'n tye é, ke é yatyi, bé o bé yô é te'n, bé lie'n tye bé'n sa.

Marc 11:25

Ke an dyaô bo amunh kôkôh yale klé Nyanmien'n, se swran wié wun nde ô amun klun'n, anh yatyi tyee, nan amun Si b'o ô nyanmien su lo'n wa yatyi sa nga an yôlii'n wa tye amun.

JÉSUS-CHRIST I DYASIN FE'N BO LUC KLELI'N 11:4

Yatyi sa nga é yô wo'n tye é, afin é kusu, swran kwlaa nga bé yô é sa'n, é yatyi tye bé. Nanh yatyi é le man bé laka é.

JÉSUS-CHRIST I DYASIN FE'N BO LUC KLELI'N 23:34

Ye Jésus séé ke: N Si, yatyi bé wun sa'n tye bé, afin sa nga bé yôé le'n, bé wu'en i wle. Bé tuu i trale'm bé wun foto, bé fali.

Rɔmfuɛ Mun 15:7

Anh fa amun wiéngu bu amun niaan ke Christ kusu fa amun buu i niaan'n sa, i so'n ba Nyanmien nyrunnyan.

2 Korɛntfuɛ Mun 2:10

Swran nga an yatyi i wun sa'n tye'n, n kusu nh yatyih tye i wié, afin se n katyii swran wié wun sa tyelii'n, amun ti ye n yatyi tyeli io, o yôô Christ nyrun.

2 Korɛntfuɛ Mun 6:6

Sa ng'o klé ke é ti Nyanmien dyunman difue'n bé ye, é yô'a sa sukusuku, é wun sa wle, é blu sa'm bé su, é klun ti ufué, Nyanmien Wawe'n sié é, é klô'a Nyanmien nin swran é nuan bui su,

Galasifuɛ Mun 6:2

Se an wun amun niaan kun bo i tro'n su tii'n, anh wuke. Se an yôé so'n, wuun amuan wié Christ mmla'n su fa.

Efɛzfuɛ Mun 4:2

Nanh an tu amun wun mlonmlon, anh yô weteefue, anh blu sa'm bé su, sa nga amun wiéngu yô bo an wuin'n, mon o son amun nun i klôle bo an klôé'n ti.

Efɛzfuɛ Mun 4:32

Anh yô amun wun yé, anh si amun wun aunnvue, sa nga amun wiéngu yô amun'n, anh yatyi tyee, ke Nyanmien kusu yatyi sa nga an yôlii'n tyee amun Christ ti'n sa.

Efɛzfuɛ Mun 5:2

Sa kwlaa nga amunh yôh'n, anh yôé swran klôle'n ti, ke Christ kusu klôli é b'o fe i wun maan Nyanmien é ti ke te nnen bo bé yre'n (*f41*) b'o bon fannin Nyanmien bué nun'n sa.

Kolɔsfuɛ Mun 3:12

An ti Nyanmien i swran, o klô amun, o faa amun. I so'n ti, man swran'm bé yô amun annvo, anh yô bé kpa, anh yô amun wun aénvue, anh yô weteefue, anh blu sa'm bé su. Anh fa liké so mun fa tyityi amun ti.

Jacques 2:13

Afin ke Nyanmien dih bé nga bé si'a swran aunnvue'n bé dyole'n, o su si'a bé aunnvue. Se aunnvue sile'n nin fo bule'n bé ti swran'n, wuun aunnvue sile'n kwla fo bule'n.

1 Piɛr 2:21

I so yôle ti ye Nyanmien flee amuon, afin amun ti, Christ bobo wuun nyrennen. O yôli so ke an nian su nan an nanti i adyale lie'n su.