Kolɔsfuɛ Mun 3:10 - Nyanmien nde Ufle

¹⁰ ye amuan fa nzuen ufle b'o man amuan yô ke swran bo Nyanmien yi i ufle sa, o katyi swran so'n titi lélé o sii kpa, ye o fe mlonmlon.

NYANMIƐN NDƐ'N 1998

¹⁰ yɛ amu'an fa nzuɛn uflɛ b'ɔ man amu'an yo kɛ sran bɔ Nyanmiɛn yili i uflɛ'n sa, Nyanmiɛn kaci sran sɔ'n titi lele ɔ si i kpa yɛ ɔ fɛ i mlɔnmlɔn .

Kolɔsfuɛ Mun 3:10 ပူးပေါင်းရင်းမြစ်များ

Jean 17:3

Ke bé sé ke béh nyanh anannganman nguan'n, i bô yele ke béh sih o bo o kunngba tye ye a ti Nyanmien'n nin Jésus-Christ bo a sunmenniin'n.

Rɔmfuɛ Mun 12:2

Nanh an yô ke swran'm bo bé ô le nde'n bé sa, sannge man Nyanmien katyi amun akunndan'n nan an katyi mlonmlon. Ke o kô yô so'n, amunh wunh Nyanmien i klun sa'n i wle, amunh sih sa ng'o ti kpa, b'o dyo i klun, b'o man amun yôh kpa'n.

Rɔmfuɛ Mun 13:12

Lika'n wa o wié, alie'n su wa tyen! I so'n ti, man é wla sa tete nga bé fa kongue kata bé nyin yô'n bé asé, ye man é fa ale ninngé nga bé fa kun ale wia nun'n é tanndan é wun.

Rɔmfuɛ Mun 13:14

Anh fa é Min Jésus-Christ yô ke amun nyren sa. Nanh an bu liké nga klo swran i kônvi soe'n i akunndan ke amunh yôh.

Rɔmfuɛ Mun 6:4

I so'n ti, ke é nin Christ wuli é baptême yôle so'n nun bo bé siéé é nin i'n, o man ke é Si Nyanmien Kpli tyenniin'n, é kusu éh tyenh éh nantih adyale ufle su.

Rɔmfuɛ Mun 8:29

Afin é bo Nyanmien dun mmua si yé'n, o siéé é ke é katyi ke i Wa'n ti'n sa, nan i Wa'n nyan niaan kpanngban, nan o yô bé nyrun kpen.

2 Korɛntfuɛ Mun 3:18

É kwlaa nga Nyanmien a yi é nyrun tannin ng'o kata é nyrun'n, é wun wafa kwlaa nga é Min'n i dan'n ti'n ke niannun nun sa. É katyi ke i wafa nga é fa wuin'n sa tititi lélélé éh feh kpa. É Min'n i Wawe'n ye man é yô soo.

2 Korɛntfuɛ Mun 4:16

I so'n ti, é sa sin bubu'a é. Kannze é wunnen ng'o ô ye'n o satyi'n, liké nga bo man bé fle min swran'n, tyen kwlaa Nyanmien bôé monnen.

2 Korɛntfuɛ Mun 4:6

Nyanmien b'o séé ke: Man lika'n kpadya'n, i kunngba'n ye man é wun sa wle wéiion. O man ke é nian Christ'n é wun wafa kwlaa nga Nyanmien Kpli'n ti'n, afin i ye man é sii io.

2 Korɛntfuɛ Mun 5:17

Se swran kun nin Christ bé katyi swran wunmuan'n wuun Nyanmien wa bôé ufle, i akunndan'n nin i nzuen laa'n wa wié, i akunndan'n nin i nzuen'n kwlaa a katyi.

Galasifuɛ Mun 3:27

Amun kwlaa bo ke an yôô baptême'n amun nin Christ amuan katyi swran wunmuan'n, amun nzuen lie'n wa fe i lie'n.

Galasifuɛ Mun 6:15

Se bé wla klen ô, ba wla'a klen ô, nenh i li ye bé niaan, nga bé nian'n yele ufle bo Nyanmien bô yé'n.

Efɛzfuɛ Mun 2:10

Afin é ti i sa nuan liké, ke é nin Christ-Jésus é yôô swran wunmuan'n, Nyanmien bô é ufle nan é yô nyôlie kpakpa ng'o dun mmua sié é ke é yô'n.

Efɛzfuɛ Mun 2:15

tô mmla'n nin i nun nde'n, nan bé nvlé nnyon so'n bé katyi nvlé ufle kun swran wunmuan bo bé nin i ba katyi'n ti, ye bé di anuanse.

Kolɔsfuɛ Mun 3:12

An ti Nyanmien i swran, o klô amun, o faa amun. I so'n ti, man swran'm bé yô amun annvo, anh yô bé kpa, anh yô amun wun aénvue, anh yô weteefue, anh blu sa'm bé su. Anh fa liké so mun fa tyityi amun ti.

Kolɔsfuɛ Mun 3:14

Ye sa ng'o ti tyinndyin tre i ngba b'o man i kwlaa so'n kwla yô yé'n yele ke an klô amun wiéngu.

Filemɔn 1:6

Nh sreh Nyanmien ke anuanse bo Christ bo é lafii su'n ti é di'n, o man a wun liké kpakpa kwlaa ng'o ti é lie swran wunmuan bo é nin Christ ya katyi'n ti'n i wle kpa wéiin.

Hébreu 6:6

o nin i so'n ngba, se o yatyi atin'n, bé kwla yôman mon o se'e i sin katyi'e i nzuen'n kun. Afin se o yô so'n, wuun i kusu su bôbô Nyanmien Wa'n waka'n su ékun, o gue i nyin asé nzra nun.

1 Jean 2:3

Se é fa Nyanmien nde'n su'n i so'n nun ye éh sih ke é sii sakpaa.

1 Jean 2:5

Sannge swran ng'o fa Nyanmien nde'n su'n, i sofue'n ye o klôé kpa sakpaa. Sa nga é yô nan ya si wéiin ke é nin Nyanmien ya yô kun'n ye:

Sa nglô yile 21:5

Swran ng'o ti bia'n su'n sé ke: Nian, man katyi liké'n kwlaa ufle. Ye o sé ékun ke: Kle nde nga, afin min nde'n ti nanwle, bé kwla fa su.