Kolɔsfuɛ Mun 2:8 - Nyanmien nde Ufle

⁸ Anh sasa amun wun, nanh man swran fi fe i sa ng'o si'n nin sa ngben wié fa laka amun, o nyan amun. Sa so'm bé fin lalafue'm bé nzuen'n, nin ninngé nga é nannan'm bé klé'n, bé fi'an Christ.

NYANMIƐN NDƐ'N 1998

⁸ An `sasa amun wun, nán man sran fi fɛ i sa ng'ɔ si i'n nin sa ngbɛn wie fa laka amun nan ɔ `nyan amun. Sa sɔ'm be fin lalafuɛ'm be nzuɛn'n, nin ninnge nga e nannan'm be kle'n, be fin-man Krist.

Kolɔsfuɛ Mun 2:8 ပူးပေါင်းရင်းမြစ်များ

Matthieu 10:17

Anh sasa amun wun swran'm bé lika, afin bé wa fa amun ko dyole difue'm bé dyasu, béh bôh amun nin ngblé bé Nyanmien sua'm bé nun.

Matthieu 16:6

Jésus sé bé ke: Anh nian amun wun kpa Pharisifue nin Sadducéfue'm bé kpaun ayré'n i lika.

Matthieu 7:15

Anh sasa amun wun bé nga bé ton bé wun suen ke bé ti Nyanmien nuan idyofue'n bé lika. Bé fa bua kplô wla bé wun, bé ba amun wun, sannge bé ti gbôklô bé satyi nnen mun.

Sa nga bé yôli'n 17:18

Fluwa sifue dandan wié'm bo bé fle bé épicurefue nin stoïquefue'n bé nin Paul kaan nde. Bé wié'm bé sé ke: ?Fiaifue nga i wannze? Ye wié'm bé sé ke: O su kan nvlé wié'm bé amuen nde. Sa ti bo bé ken i so'n yele ke o kan Jésus nde nin swran'm bé tyenle nde.

Sa nga bé yôli'n 17:32

Ke bé tii ke o su kan swran nga bé wuli'n bé tyenle nde'n, wié'm bé yôé finfin, ye wié'm bé sé ke: É wa tié o nde so'n tyen ufle ékun.

Rɔmfuɛ Mun 16:17

Aniaan mun, nh sreh amun kpa, anh nian amun wun bé nga bé fa'a nde nga an faa su'n su, bo bé fa afien satyie'n wla amun afien, bo bé satyi swran ti nun'n bé lika. Nanh an fa amun wun mantan bé.

1 Korɛntfuɛ Mun 10:12

I so'n ti, swran ng'o bu ke wa dyran kpa'n, mon o nien i wun kpa nan wa toman!

1 Korɛntfuɛ Mun 8:9

Sannge kusu anh nian amun wun kpa, nanh man liké nga an wun i wle ke sa an yôo o ti'a sa fi'n, o satyi bé bo bé wu'en i wle kpa'n.

2 Korɛntfuɛ Mun 10:5

ye liké kwlaa nga b'o man swran'm bé si'a Nyanmien'n é satyi bé, é yô man swran'n kwlaa, se bé akunndan'n ti se ti se ô bé yatyi bé akunndan so'n bé nyin yi Christ.

Galasifuɛ Mun 1:14

N ti Juif'm bé nun Nyanmien sufue dan kpa tra n wiéngu'm bé nun kpanngban kpa, ye é nannan'm bé nzuen'n lô n kpa.

Galasifuɛ Mun 4:3

É kusu, se é kwla sé ke ninngé nga é nannan'm bé klé'n ti swran'n, wuun éh séh ke, ke é te yô ke bakan sa'n, é ti i akua.

Galasifuɛ Mun 4:9

?Sannge sien'n, ke amuan si Nyanmien'n, annze bo Nyanmien bobo a si amun'n, nzu ti ye an klô ke amunh sah amun sin ko ninngé ngbenngben bo bé kwla yô'a liké fi'n bé sin ékun ke amunh kôh yô bé akuaa?

Galasifuɛ Mun 5:15

Sannge se an kaka amun wun bo an titi amun wiéngu sa bui'n, anh nian amun wun kpa, nanh amun wiéngu satyi amun.

Efɛzfuɛ Mun 2:2

ye amun nzuen'n fa bé nga bé ô ye'n bé lie'n, amun nyin yili nglô lo mmusu'm bé si'n, i ye nde o wlawla swran nga bé nyin yi'a Nyanmien nion.

Efɛzfuɛ Mun 4:20

Sannge amun lie'n, nenh i so ye an sueen Christ nde'n nuon.

Efɛzfuɛ Mun 5:6

Nanh man swran fi fa nde ngben wié laka amun, afin sa so'm bé ti ye Nyanmien i ya'n o wa dyaô bé bo bé nyin yimen'n bé su nion.

Filipfuɛ Mun 3:2

Anh sasa amun wun bé bo bé ti ke alua sa, bo bé yô sa tete, bo bé wla klen bé kplô'n su ngben'n bé lika.

Kolɔsfuɛ Mun 2:18

Nanh man swran b'o klô ke bé bu i aénvuefue'n, b'o kôtô ange'm bé bô, b'o fe i aôlia nun ninngé b'o wunnin bé'n di i nuan'n, o dé amun liké kpa nga an nyenniin'n. Swran so'n ke o bu liké nga o si'n i akunndan'n o tu i wun, i wun tule so'n ti ngben.

Kolɔsfuɛ Mun 2:20

?Se amun nin Christ ye an wuli'n, bo amun nin asie'n su ninngé'm ba bu'n, nzu ti ye an te yô amun wun ke an ti asie'n sufue sa bo an di bé mmla'n suo?

Kolɔsfuɛ Mun 2:22

Liké so'n kwlaa ke bé kô fa kô yô liké nga bé fa yô'n, wuun wa wié. Bé ti swran'm bé mmla nin bé nde bé kan.

Kolɔsfuɛ Mun 2:23

Nanwle, ke bé su liké nga bé klô bé'n, bo bé yô bé wun ke bé ti aénvue sa'n, ye bé klé bé wun nyrennen'n, swran'm bé nyrun bé nde so'n ti sa b'o ti ngwlele liké kpa. Sannge sa so'm bé yôle'n ti ngben, o man swran'm bé kwla yatyi'a kônvi yôle'n.

1 Timote 6:20

Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

2 Timote 3:13

Sannge swran nga bé klun yô wi bo bé ti gblefue'n, bé sa te nga bé yô'n i te'n oh trah laa lie'n, béh lakah swran mun ye béh lakah bé bobo bé wun.

Hébreu 13:9

Nanh an fa liké wafawafa nga bé klé amun b'o nin é lie'n ti'a kun'n su man an yatyi atin kpafue'n. Se é tra é awlen kpa yé bo Nyanmien yôô yé'n ti'n, o ti kpa. Nanh man é bu ke alie dile mmla'n bo é fa su'n o kwla yô é kpa, afin bé nga bé faa su'n, wa yô'a sa fi yé a ma'an bé.

Hébreu 3:12

Aniaan mun, i so'n ti anh nian amun wun, nanh man amun nun wié i awlen'n yô te, ye o yô ke o lafi'a Nyanmien su, b'o man o yatyi Anannganman Nyanmien nion.

1 Piɛr 1:18

Afin an si liké nga bé fa tôô mun, b'o man an nyan amun ti sa ngbenngben nga amun nannan'm bé fa kléé amun'n bé nun'n. Nanh liké b'o satyio, nanh dyete ufuéo, nanh sika okwleo.

2 Piɛr 3:17

Sannge amun bo an ti n swran kpa, bo an si so laa'n, anh nian amun wun, nan amuan su'a swran tete bo bé yô sa b'o ti'e i su'n bé su, nan amun ta a kpoman.

2 Jean 1:8

I so'n ti, anh nian amun wun kpa, nan amun dyunman'n i nuan liké'n wa tô'a fua'an amun, sannge amuan nyan nun liké kpan ti.