Kolɔsfuɛ Mun 2:4 - Nyanmien nde Ufle

⁴ N ken i so nan swran fi a fe'e i nuan nun fe a laka'a amun.

NYANMIƐN NDƐ'N 1998

⁴ N ´kɛn i sɔ nan sran fi a fɛ-mɛn i nuan nun fɛ a laka-man amun.

Kolɔsfuɛ Mun 2:4 ပူးပေါင်းရင်းမြစ်များ

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Matthieu 24:4

Jésus sé bé ke: Anh sasa amun wun kpa, nanh man bé laka amun.

Marc 13:22

Afin bé bo bé ton bé wun suen ke bé ti Christ'n (*f1*), o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n, se béh kwlah nyan bé ô.

Sa nga bé yôli'n 20:30

Ye amun nun swran wié'm bé wa dyaô, béh kanh nde b'o ti'e i nuan su'n, bé fa laka Christfue mun nan bé su bé su.

1 Korɛntfuɛ Mun 2:4

N idyole'n nin Nyanmien nde bo n ken i lo'n, o ti'a ngwlele nde bo se swran tio o fa suo, sannge o ti nde b'o yi Nyanmien Wawe'n nin i kwlale'n nglô.

2 Korɛntfuɛ Mun 11:3

Sre kun min ke bé wa satyi amun ti nun, o man an su fa'a amun wla'n kwlaa gue'e Christ su kun, ke wuô i gble'n ti o laka Ève b'o nyenniin'n sa.

Galasifuɛ Mun 2:4

San bé nga bé ton bé wun suen ke bé ti é niaan'n, bé ye bé klô ke o yô soo. Bé wluu é nun blelelele ke béh kplah é nian é ti bo é bo é nin Christ-Jésus ya katyi swran wunmuan'n ya nyen'n ti, nan béh fah é wla kanga'n nun.

Efɛzfuɛ Mun 4:14

Ke o kô yô so'n, é ti'a ba kaan kun bo é fa atô nde kwlaa nga swran'm bé gble'n ti bé ken ke bé fa lakalaka swran mun'n su, b'o man é ko wa ko wa ke mméli bo aunngban'n fe ko wa ko wa'n sa.

Efɛzfuɛ Mun 4:17

I so'n ti, é Min'n dunman nun n sé amun ke yiô, nanh amun nzuen'n fa bé bo bé ti'a Juif'n bé lie'n kun. Bé le'a akunndan,

Efɛzfuɛ Mun 5:6

Nanh man swran fi fa nde ngben wié laka amun, afin sa so'm bé ti ye Nyanmien i ya'n o wa dyaô bé bo bé nyin yimen'n bé su nion.

Kolɔsfuɛ Mun 2:18

Nanh man swran b'o klô ke bé bu i aénvuefue'n, b'o kôtô ange'm bé bô, b'o fe i aôlia nun ninngé b'o wunnin bé'n di i nuan'n, o dé amun liké kpa nga an nyenniin'n. Swran so'n ke o bu liké nga o si'n i akunndan'n o tu i wun, i wun tule so'n ti ngben.

Kolɔsfuɛ Mun 2:8

Anh sasa amun wun, nanh man swran fi fe i sa ng'o si'n nin sa ngben wié fa laka amun, o nyan amun. Sa so'm bé fin lalafue'm bé nzuen'n, nin ninngé nga é nannan'm bé klé'n, bé fi'an Christ.

2 Timote 2:16

Nanh fo o wun wla nde ngbenngben b'o nin Nyanmien nde'n ti'a kun'n bé nun, afin bé nga bé yô so'n, bé fa'a bé wun manta'an Nyanmien lélé bé nin i bu.

2 Timote 3:13

Sannge swran nga bé klun yô wi bo bé ti gblefue'n, bé sa te nga bé yô'n i te'n oh trah laa lie'n, béh lakah swran mun ye béh lakah bé bobo bé wun.

1 Jean 2:18

Ba kanngan mun, ya dyu men'n i bué nuan. An tii i ke Christ Kpofue'n oh bah. Christ kpofue kpanngban ba ba, o man é si ke ya dyu men'n i bué nuan.

1 Jean 2:26

Bé nga bé klô ke béh lakah amun'n bé wun nde ye n kle blee amuon.

1 Jean 4:1

N swran kpa mun, nanh an lafi bé nga bé sé ke bé idyo Nyanmien Wawe'n nuan'n, bé ngba su, anh sa bé nian, se bé idyo Nyanmien nuan sakpa ô, annze se liké wié ye bé idyo i nuan ô. Afin bé nga bé ton bé wun suen ke bé ti Nyanmien nuan idyofue'n, bé kpanngban kpa ba ba men'n nun.

2 Jean 1:7

Afin swran kpanngban ba sanndi men'n nun, bé laka swran mun, bé waan, Jésus-Christ a katyi'a swran. Swran ng'o sé so'n ye o ti swran lakafue nin Christ kpofue nion.

Sa nglô yile 12:9

Bé kaan dragon srôésrôé dan so'n nin i ange'm bé bô gua bé asie'n su wa. I ye bé flee wuô lalaa, nin mmusu'm bé si, nin Satan nion, i ye o laka men wunmuan nunfue'm bé kwlaa nion.

Sa nglô yile 13:8

Bé kwlaa nga bé ô men'n nun, bo ke bé bô men'n i bô'n, ba kle'a bé dunman Bua Gbanflen bo bé kunniin'n i nguan fluwa'n nun'n, béh kôtôh i bô.

Sa nglô yile 20:3

O fe yii kunman dan so'n nun, o tô nun, nan wa ta su. O yô i so nan wa laka'a nvlénvlé mun kun, lélé san afue akpi'n wa dyu. I sin béh yatyih i nun kan.

Sa nglô yile 20:8

Oh kôh lakalaka nvlénvlé'n kwlaa, oh yiayiah bé kwlaa ke bé wa kun ale. Bé fle bé Gog nin Magog, bé soon ke dyénvié aunnyan'n sa.