Kolɔsfuɛ Mun 2:23 - Nyanmien nde Ufle

²³ Nanwle, ke bé su liké nga bé klô bé'n, bo bé yô bé wun ke bé ti aénvue sa'n, ye bé klé bé wun nyrennen'n, swran'm bé nyrun bé nde so'n ti sa b'o ti ngwlele liké kpa. Sannge sa so'm bé yôle'n ti ngben, o man swran'm bé kwla yatyi'a kônvi yôle'n.

NYANMIƐN NDƐ'N 1998

²³ Nanwlɛ, kɛ be su like nga be klo be'n, bɔ be yo bé wun kɛ be ti aenvuɛ sa'n, yɛ be kle be wun nyrɛnnɛn'n, sran'm be nyrun be ndɛ sɔ'n ti sa b'ɔ ti ngwlɛlɛ like kpa. Sanngɛ sa sɔ'm be yolɛ'n ti ngbɛn, ɔ man sran'm be kwla yaci-man konvi yolɛ'n.

Kolɔsfuɛ Mun 2:23 ပူးပေါင်းရင်းမြစ်များ

Rɔmfuɛ Mun 13:14

Anh fa é Min Jésus-Christ yô ke amun nyren sa. Nanh an bu liké nga klo swran i kônvi soe'n i akunndan ke amunh yôh.

Efɛzfuɛ Mun 5:29

Swran fi kpo'e i bobo wun, sannge o te i wun, o nien i wun su ke Christ kusu nian Asonun'n i lika'n sa,

Kolɔsfuɛ Mun 2:18

Nanh man swran b'o klô ke bé bu i aénvuefue'n, b'o kôtô ange'm bé bô, b'o fe i aôlia nun ninngé b'o wunnin bé'n di i nuan'n, o dé amun liké kpa nga an nyenniin'n. Swran so'n ke o bu liké nga o si'n i akunndan'n o tu i wun, i wun tule so'n ti ngben.

Kolɔsfuɛ Mun 2:22

Liké so'n kwlaa ke bé kô fa kô yô liké nga bé fa yô'n, wuun wa wié. Bé ti swran'm bé mmla nin bé nde bé kan.

Kolɔsfuɛ Mun 2:8

Anh sasa amun wun, nanh man swran fi fe i sa ng'o si'n nin sa ngben wié fa laka amun, o nyan amun. Sa so'm bé fin lalafue'm bé nzuen'n, nin ninngé nga é nannan'm bé klé'n, bé fi'an Christ.

1 Timote 4:3

Bé sé ke, nanh man bé dya bla nin bian, nanh man bé di liké nga Nyanmien yii bé, bo i waan, bé nga bé lafi i su bo bé si nanwle'n, bé le i asé nan bé di'n, bé ngba.

1 Timote 4:8

Afin bé wun kpinngbinle'n o ti kpa, sannge bé wun bo bé fa mantan Nyanmien'n o ti kpa sa'n kwlaa nun tre, o man se bé yô so'n, bé si ke béh nyanh nguan ke é ô ye'n nin ble ng'o ba lo'n nun.