Kolɔsfuɛ Mun 2:20 - Nyanmien nde Ufle

²⁰ ?Se amun nin Christ ye an wuli'n, bo amun nin asie'n su ninngé'm ba bu'n, nzu ti ye an te yô amun wun ke an ti asie'n sufue sa bo an di bé mmla'n suo?

NYANMIƐN NDƐ'N 1998

²⁰ ?Sɛ amun nin Krist yɛ an wuli'n, bɔ amun nin asiɛ'n su ninnge'm b'a bu'n, nguɛ ti yɛ an tɛ yo amun wun kɛ an ti asiɛ'n sufuɛ sa bɔ an di wa mmla'n su-ɔ?

Kolɔsfuɛ Mun 2:20 ပူးပေါင်းရင်းမြစ်များ

Jean 15:19

Se an ti men nga nunfue wié'n, wuun bé klô amun yele ke an ti béfue. Sannge n faa amun, n yi amun men nunfue'm bé nun, i ti ye man bé kpo amuon.

2 Korɛntfuɛ Mun 10:3

Kannze é ti swran'n, ale nga é kun'n, é ku'en ke swran'm bé kun'n sa.

Galasifuɛ Mun 4:3

É kusu, se é kwla sé ke ninngé nga é nannan'm bé klé'n ti swran'n, wuun éh séh ke, ke é te yô ke bakan sa'n, é ti i akua.

Galasifuɛ Mun 6:14

N lie'n, n su fa'a liké fi di'a n nuan mlonmlon, san é Min Jésus-Christ i waka'n, i waka so'n ti n ti ke swran bo wa wu b'o nin men'n wa bu'n sa, ye men'n kusu ti ke swran bo wa wu b'o nin min a bu'n sa.

Efɛzfuɛ Mun 2:15

tô mmla'n nin i nun nde'n, nan bé nvlé nnyon so'n bé katyi nvlé ufle kun swran wunmuan bo bé nin i ba katyi'n ti, ye bé di anuanse.

Kolɔsfuɛ Mun 2:14

O nunnuun mmla'n i nun nde ng'o ti é wun nde b'o man é di'a aladyé'n. O gueli i asé, afin o ti ke o bôbôlii waka'n su sa.

Kolɔsfuɛ Mun 2:16

I so'n ti, nanh man swran wié kan amun nde liké diwa, nin liké nga amun non'n, nin tyen dile, nin anglô lékun, nin sabbat b'o ti bé tyen te'n ti.

Kolɔsfuɛ Mun 2:21

Bé sé ke: Bé fa'a liké nga! Bé di'a liké nga! Bé ka'an liké nga!

Kolɔsfuɛ Mun 2:8

Anh sasa amun wun, nanh man swran fi fe i sa ng'o si'n nin sa ngben wié fa laka amun, o nyan amun. Sa so'm bé fin lalafue'm bé nzuen'n, nin ninngé nga é nannan'm bé klé'n, bé fi'an Christ.

Kolɔsfuɛ Mun 3:3

afin an wuli, o man ôle nga an wô le nde'n, an wô Nyanmien sa nun, afin wa fa amun nin Christ a fie i wun lo.

Hébreu 13:9

Nanh an fa liké wafawafa nga bé klé amun b'o nin é lie'n ti'a kun'n su man an yatyi atin kpafue'n. Se é tra é awlen kpa yé bo Nyanmien yôô yé'n ti'n, o ti kpa. Nanh man é bu ke alie dile mmla'n bo é fa su'n o kwla yô é kpa, afin bé nga bé faa su'n, wa yô'a sa fi yé a ma'an bé.

Jacques 4:4

An ti ke bla b'o kunnde bian i wun bô sa. ?An si'a ke swran ng'o klô men'n i dile'n, wuun o kpo Nyanmien? O man swran nga i waan oh fah men'n teke i ti su'n, o katyi Nyanmien i kpofue.

1 Jean 5:19

É si ke é ti Nyanmien lie, ye Klunwifue'n sié men wunmuan'n.