Kolɔsfuɛ Mun 2:2 - Nyanmien nde Ufle

² M mian min nyin nan an tra amun awlen, ye klôle bo an klô amun wun'n ti amun bô yô kun, ye an si ngwlele kpa b'o man amunh wunh sa wle wéiin nan an si liké nga Nyanmien fiee swran'm bé nyrun'n, liké so'n yele Christ!

NYANMIƐN NDƐ'N 1998

² M mian mín nyin nan an `tra amun anwlɛn yɛ klolɛ bɔ an klo amun wun'n ti amún bo `yo kun, m mian min nyin nan an si ngwlɛlɛ kpa b'ɔ man amun ´wun sa wlɛ weiin nan an si like nga Nyanmiɛn fiɛli i sran'm be nyrun'n, like sɔ'n yɛlɛ Krist!

Kolɔsfuɛ Mun 2:2 ပူးပေါင်းရင်းမြစ်များ

Matthieu 11:25

I ble so'n nun Jésus séé ke: N Si, o bo a ti nyanmien su lo nin asie'n bé Min'n, kwla ô, yele ke a fa ninngé nga mun fiaa ngwlelefue nin bé bo bé si sa'n bé wun, sannge a yi bé nglô kléé bé bo bé ti ke ba kanngan mun sa'n.

Matthieu 11:27

N Si ye o fa liké'n kwlaa maan mion. Swran fi si'a Nyanmien Wa'n san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke oh feh i Si'n kléé'n, bé ye bé si io.

Matthieu 13:11

Jésus sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga'm bé lie'n, ba sié'e so.

JÉSUS-CHRIST I DYASIN FE'N BO LUC KLELI'N 1:1

Théophile n swran kpa, swran sunman bé bô manndren bé klee sa ng'o yôli é nyrun wa'n.

Jean 10:30

Man nin n Si é ti kun.

Jean 10:38

Se n yô bé'n, kannze an lafi'a m bobo n su'n, sannge anh lafi sa so'm bé su nan amuan wun i wle kpa ke min nin n Si é ti swran wunmuan.

Jean 16:15

Liké kwlaa ng'o ti n Si lie'n, o ti n lie, i so'n ti ye n séé ke, min nde'n ye oh kanh klé amun nion.

Jean 17:3

Ke bé sé ke béh nyanh anannganman nguan'n, i bô yele ke béh sih o bo o kunngba tye ye a ti Nyanmien'n nin Jésus-Christ bo a sunmenniin'n.

Jean 5:17

Sannge Jésus sé bé ke: Tyen kwlakwlakwla n Si di dyunman, n kusu n di dyunman.

Jean 5:23

nan swran'n kwlaa bé bui swran ke bé bu i Si swran'n sa. Swran ng'o bu'e i Wa'n swran'n, wuun o bu'e i Si b'o sunmenniin'n, i swran.

Jean 6:69

É lafi su ye é si ke a ti Nyanmien i Swran.

Sa nga bé yôli'n 4:32

Swran kaka nga bé lafii Christ su'n, bé bô yôô kun, bé akunndan'n ti kun. Bé nun wié fi sé'a ke i ninngé'm bé ti i ngunmin lie, sannge liké ng'o ti swran kun lie'n, o ti bé kwlaa bé lie.

Rɔmfuɛ Mun 15:13

Man Nyanmien bo é nyin ô i sin'n o man amun klun dyo, ye an di aladyé i su bo an lafi'n ti, nan Nyanmien Wawe'n i fanngan nun amun nyin tren i sin tititi.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

Rɔmfuɛ Mun 2:4

Nyanmien ti aklunyéfue dan kpa, o kpli'a sa wun, o kpli'a sa wun, o blu sa su. ?O nin i so'n ngba, an bu'e liké fi? ?An si'a ke Nyanmien yô kpa nan an katyi amun nzuen'n?

1 Korɛntfuɛ Mun 14:31

Swran kwlaa b'o klô ke oh kanh nde'n, mon o kan, sannge anh ken kunngun, man swran'n kwlaa bé wun i wle, ye bé dyran kéklé.

1 Korɛntfuɛ Mun 2:12

Afin é lie'n, akunndan nga swran'm bé bu'n, nenh i wié ye Nyanmien man é buo, sannge Nyanmien fe i Wawe'n maan é, ke é si liké kwlaa ng'o maan é i klun-ufué'n ti'n.

Galasifuɛ Mun 3:28

O man o le'a Juif nin Grec, o le'a kanga nin diéwa, o le'a yasua nin bla, afin amun kwlaa an ti kun, swran wunmuan bo amun nin Christ-Jésus amuan katyi'n ti.

Efɛzfuɛ Mun 1:7

Ke Christ wuli bo i mmôdya'n guali'n ti, Nyanmien déli é ti, o yatyi sa nga é yôlii'n tyee é. I so'n nun é wun yé dan nga o yôô é

Efɛzfuɛ Mun 3:16

Ke i aunndie ninngé'm bé sonnin dan kpa'n ti, nh sreh i ke i Wawe'n wla amun fanngan nan an tra amun awlen ye an dyran kéklé,

Efɛzfuɛ Mun 3:3

O man n si i klun sa b'o fiee swran'm bé nyrun'n. Sa so'm bé wié ye m bô su kléé amun n fluwa'n nun ityra nion.

Efɛzfuɛ Mun 6:22

N sunmeen amun wun lo nan an si sa ng'o ô é su'n, ye o gua amun awlen su nzué.

Filipfuɛ Mun 2:1

Swran wunmuan bo amun nin Christ an ti'n ti, o man amun afotue, klôle b'o klô amun'n ti o gua amun awlen su nzué, amun nin Nyanmien Wawe'n amun nuan se, an klô amun wiéngu an wun i aunnvue.

Filipfuɛ Mun 3:8

Nanwle, ke m bu min Min Christ-Jésus i sile bo n sii'n liké kpa sakpa'n ti, o man m bu'a liké'n wié fi liké. I ti man yatyi liké'n kwlaa, ke o yô nan Christ a yô n liké kpa nan min nin i ya katyi swran wunmuan'n ti, m bu liké'n kwlaa ke wla sa. Swran kpa bo n ti'n, o fi'an m bobo min nzuen'n nun mmla'n i sufale'n ti, sannge o fin Christ su bo n lafi'n. Swran kpa yôle so'n fin Nyanmien, i su bo bé lafi'n ti.

Kolɔsfuɛ Mun 1:26

i nde so'n ke o fin lalafue nun'n o fie swran'n kwlaa bé nyrun, sannge sien'n wa yii nglô a klé i swran mun.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 1:9

I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

Kolɔsfuɛ Mun 2:19

O fe'e i wun manta'an Christ b'o ti bé ti'n kpa kun. Christ ye man bé akpoleakpole nin bé ndin'm bé sasa su, ye man bé wunnen wunmuan'n yô kpa, ye o nyin ke Nyanmien klô ke o nyin'n saa.

Kolɔsfuɛ Mun 3:14

Ye sa ng'o ti tyinndyin tre i ngba b'o man i kwlaa so'n kwla yô yé'n yele ke an klô amun wiéngu.

Kolɔsfuɛ Mun 4:3

Ke amunh yôh so'n, anh sre Nyanmien ke o man é kusu é atin man é ken i nde'n, nan é kwla kan Christ nde bo Nyanmien fiee swran'm bé nyrun'n, afin i ti ye man bé wlaa m bisua nion.

Kolɔsfuɛ Mun 4:8

N sunmeen amun wun lo nan an si sa ng'o ô é su'n nan o gua amun awlen su nzué.

1 Tɛsalonikfuɛ Mun 1:5

Afin ke é kan dyasin fe'n i nde kléé amun'n, é kenmen é nuan nun ngben, Nyanmien Wawe'n ye o tin yéo, o man é wun i wle kpa ke nde nga é kan'n ti nanwle. Ke é ô amun wun lo'n, an si é wun wafa nga é yôli'n, amun ti ye é yô é wun soo.

1 Tɛsalonikfuɛ Mun 3:2

Ye é sunmaan é niaan Timothée b'o nin é di Nyanmien dyunman é kan Christ i dyasin fe'n, amun wun lo, nan o wla amun fanngan, o uka amun man an lafi Christ su kpa,

1 Tɛsalonikfuɛ Mun 5:14

Aniaan mun, éh sreh amun ke an tu bé nga bé yô sa sukusuku'n bé fo, anh wla bé nga bé awlen soman'n bé yakpa, anh wuka bé nga bé le'a wunmien'n, anh tra amun awlen swran'n kwlaa bé wun.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

Hébreu 10:22

I so'n ti, man é fa é wun mantan Nyanmien. Ke éh yôh so'n, nanh man akunndan te tran é klun, man é lafi i su kpa, afin o man é wun sa'n b'o man é klun titi yé'n o wiéli, ye o fa nzué klôuun wunnzinnin é.

Hébreu 6:11

Sannge é klô ke amun kwlakwla an mian amun nyin yô ke an yôé laa'n sa gue i ti nin i bô, ye amunh nyanh liké kwlaa nga amun wla ô su ke amunh nyenh nion.

2 Piɛr 1:10

Aniaan mun, i so'n ti, anh bu flele nin fale bo Nyanmien faa amun'n i akunndan kpa, nan anh dyran kéklé. Se an yô so'n, an su fonman mlonmlon.

2 Piɛr 1:3

Ke é si swran ng'o flee é ke é nyan nyrun, ye é yô sa ng'o ti kpa ke i bobo sa'n ti'n, o man é liké kwlaa nga b'o man é kwla fa é wun mantan Nyanmien titi'n i fanngan nun.

2 Piɛr 3:18

Ye bo é Min'n b'o ti é Défue'n yô amun'n ti, man bé wun ke amuan yô swran, amun nin i tran, nan amuan sii kpa. Ke o fin nde'n, man bé yi i aye tititi. Mon o yô so!

1 Jean 3:19

Se é yô so'n ye éh sih ke é ti nanwlefueo, ye é wla'n kwlah gua asé Nyanmien nyruon.

1 Jean 5:7

Lalôfue'm bé ti nsan,