Kolɔsfuɛ Mun 2:18 - Nyanmien nde Ufle

¹⁸ Nanh man swran b'o klô ke bé bu i aénvuefue'n, b'o kôtô ange'm bé bô, b'o fe i aôlia nun ninngé b'o wunnin bé'n di i nuan'n, o dé amun liké kpa nga an nyenniin'n. Swran so'n ke o bu liké nga o si'n i akunndan'n o tu i wun, i wun tule so'n ti ngben.

NYANMIƐN NDƐ'N 1998

¹⁸ Sran b'ɔ klo kɛ be bu i aenvuɛfuɛ'n, b'ɔ koto anz'm be bo'n, b'ɔ fɛ i aolia nun ninnge b'ɔ wun be'n di i nuan'n, nan man ɔ de amun like kpa nga an nyɛnnin i'n. Sran sɔ'n, kɛ ɔ bu like nga ɔ si i'n i akunndan'n ɔ tu i wun, i wun tulɛ sɔ'n ti ngbɛn.

Kolɔsfuɛ Mun 2:18 ပူးပေါင်းရင်းမြစ်များ

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Rɔmfuɛ Mun 1:25

Bé fa atô'n fa katyi Nyanmien nde b'o ti nanwle'n, bé fa bé wun man ninngé bo Nyanmien yii bé'n, bé so bé, bé yatyi i bobo le. I ye bé bô i dunman tititi nion. Mon o yô so!

Rɔmfuɛ Mun 16:18

Afin swran wafa so mun, nanh Christ b'o ti é Min'n i dyunman ye bé dio. Bé bobo bé klun sa lie'n ye bé yôo. Bé kan nde fe, bé fa bé nuan laka bé nga bé nian wu'an sa wle'n.

1 Korɛntfuɛ Mun 13:4

Swran b'o klô swran'n o tre i awlen swran wun, swran b'o klô swran'n, o yô aklunyé, i nyin blô'a swran liké su, swran b'o klô swran'n, o di'a tutré, o tu'e i wun,

1 Korɛntfuɛ Mun 3:3

afin an te yô ke swran b'o ti'a Christfue sa. ?Ke amun nyin tyi amun wiéngu bo utré ô amun afien'n, an ti'a ke swran b'o ti'a Christfue sa? ?Ye nanh sa nga klo swran yô'n ye an yôo?

1 Korɛntfuɛ Mun 4:18

Amun nun wié mun an wunndunwunndun amun wun ke n su ba'a amun wun lo kun sa.

1 Korɛntfuɛ Mun 4:6

Aniaan mun, ke nh kanh nde so'n, m bô min nin Apollos é dunman n fa klé amun sa nzolie, ke an nian é lie'n su an yô, ye nde nga bé kleli'n, an fa su. Nanh an fa swran kun bo an bui swran kpa tra kun'n fa di amun nuan.

1 Korɛntfuɛ Mun 8:1

Amuen nnen'n lie'n, é si ke é kwlaa é sii. Sannge sa sile so'n man swran tu i wun, sannge swran klôle'n o man swran yô swran.

1 Korɛntfuɛ Mun 9:24

?An si'a ke bé nga bé wanndi si akplôwa'n bé kwlaa bé wanndi, sannge bé nun kun ye o nyen io? Amun kusu ke o yô nan amuan nyen'n, an wanndi so.

2 Korɛntfuɛ Mun 11:3

Sre kun min ke bé wa satyi amun ti nun, o man an su fa'a amun wla'n kwlaa gue'e Christ su kun, ke wuô i gble'n ti o laka Ève b'o nyenniin'n sa.

2 Korɛntfuɛ Mun 12:20

Sre kun min ke, ke n kô dyu amun wun lo'n, n su wu'an amun ke nga m bu i akunndan ke nh wunh amun su'n sa, ye n kusu an su wu'an min ke nga an bu i akunndan ke amunh wunh min su'n sa. Sre kun min ékun ke, ke n dyu lo'n, nh wunh ke amun wié'm bé di utré, wié nyin tyi i wiéngu, wié fa ya, wié si akplôwa, wié kan swran wun nde, wié bla, wié tu i wun, wié kpe sae.

Efɛzfuɛ Mun 4:17

I so'n ti, é Min'n dunman nun n sé amun ke yiô, nanh amun nzuen'n fa bé bo bé ti'a Juif'n bé lie'n kun. Bé le'a akunndan,

Efɛzfuɛ Mun 5:6

Nanh man swran fi fa nde ngben wié laka amun, afin sa so'm bé ti ye Nyanmien i ya'n o wa dyaô bé bo bé nyin yimen'n bé su nion.

Filipfuɛ Mun 3:14

O man m mian min nyin dyu dyuwle nga bé siéli'n nun, nan nh nyanh liké nga Nyanmien fle é ke é nyen nyanmien su lo'n, swran wunmuan bo é nin Christ-Jésus ya yô'n ti.

Kolɔsfuɛ Mun 2:23

Nanwle, ke bé su liké nga bé klô bé'n, bo bé yô bé wun ke bé ti aénvue sa'n, ye bé klé bé wun nyrennen'n, swran'm bé nyrun bé nde so'n ti sa b'o ti ngwlele liké kpa. Sannge sa so'm bé yôle'n ti ngben, o man swran'm bé kwla yatyi'a kônvi yôle'n.

Kolɔsfuɛ Mun 2:4

N ken i so nan swran fi a fe'e i nuan nun fe a laka'a amun.

Kolɔsfuɛ Mun 2:8

Anh sasa amun wun, nanh man swran fi fe i sa ng'o si'n nin sa ngben wié fa laka amun, o nyan amun. Sa so'm bé fin lalafue'm bé nzuen'n, nin ninngé nga é nannan'm bé klé'n, bé fi'an Christ.

1 Timote 1:7

Bé klô ke béh yôh mmla'n i kléfue, sannge bé wu'an nde nga bé bobo bé kan'n nin liké nga bé dyran su ke o ti nanwle sakpa'n bé wle.

1 Timote 4:1

Nyanmien Wawe'n ken i wéiin ke, tyen wié lélé ke men'n koh i bué nuan'n, swran wié'm bé su lafi'a Nyanmien su kun, béh fah liké nga mmusu bo bé laka swran'n bé klé'n su.

2 Piɛr 2:14

Ke bé wun bla mun'n, bé kunndele akunndan ye bé buo, bé kônvi tu'a sa tete yôle'n su. Bé laka bé bo bé le'a awlen kpa'n. Bé nyin yi'a liké mlonmlon. Nyanmien man bé wun su dyo'a bé lé!

1 Jean 2:26

Bé nga bé klô ke béh lakah amun'n bé wun nde ye n kle blee amuon.

Sa nglô yile 12:9

Bé kaan dragon srôésrôé dan so'n nin i ange'm bé bô gua bé asie'n su wa. I ye bé flee wuô lalaa, nin mmusu'm bé si, nin Satan nion, i ye o laka men wunmuan nunfue'm bé kwlaa nion.

Sa nglô yile 13:14

O fa ayre nga bé man o yi bé nnen klikli lie'n i nyrun le'n, laka asie'n sufue mun. O sé bé ke bé yô nnen bo bé bô i kaka b'o dyasôli'n, i wunsu.

Sa nglô yile 13:8

Bé kwlaa nga bé ô men'n nun, bo ke bé bô men'n i bô'n, ba kle'a bé dunman Bua Gbanflen bo bé kunniin'n i nguan fluwa'n nun'n, béh kôtôh i bô.

Sa nglô yile 19:10

Ye n wutuu min nyin asé i bô le ke mh menmenh, sannge o sé n ke: Nanh yô so! N ti wo nin o niaan kwlaa nga bé fa nde nanwle nga Jésus yii nglô'n su'n, amun wiéngu dyunman difue. Kôtô Nyanmien bô menmen! Nde nanwle nga Jésus yii nglô'n ye man Nyanmien nuan idyofue'm bé ken i nde nion.

Sa nglô yile 3:11

Mh bah ityra'n. Liké ng'o ô amun sa nun'n anh tre kéklé, nan swran wié a fa'a liké nga nh fah yô amun mô'n.