Kolɔsfuɛ Mun 2:12 - Nyanmien nde Ufle

¹² Ke bé yôli amun baptême'n, o ti ke bé siéli amun nin Christ, o man amun nin i tyennin, afin an lafi Nyanmien Kpli b'o ti kwlafue b'o tyenniin'n su.

NYANMIƐN NDƐ'N 1998

¹² Kɛ be yoli amun batɛm'n, ɔ ti kɛ be sieli amun nin Krist, ɔ man amun nin i cɛnnin, afin an lafi Nyanmiɛn b'ɔ ti kwlafuɛ b'ɔ cɛnnin i'n i su.

Kolɔsfuɛ Mun 2:12 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 17:5

Lé kun bé bo é Min'n sunmaan bé'n bé sé i ke: Man é awlen, man é lafi o su kpa.

Sa nga bé yôli'n 14:27

Ke bé dyuu lo'n, bé yiaa asonunfue mun, bé kan sa kwlaa nga Nyanmien yô maan bé'n, o nin ke o yôli b'o man bé nga bé ti'a Juif'n bé lafi Jésus su wié'n kléé bé.

Sa nga bé yôli'n 2:24

Wié'n feli, Nyanmien délii i sa nun, o tyenniin, yele ke wié'n kwle'e i sié.

Sa nga bé yôli'n 2:32

Jésus so'n ye Nyanmien tyenniin nion, o yôô é kwlaa é nyrun.

Rɔmfuɛ Mun 4:24

sannge é bo é lafi Nyanmien b'o tyennin é Min Jésus'n b'o su wa bu é swran kpa wié'n i su'n, é lie ô nun wié.

Rɔmfuɛ Mun 7:4

N niaan mun, amun kusu, swran wunmuan bo amun nin Christ amuan katyi'n ti, amuan wu, o man amun nin mmla'n amuan bu, ye amuan yô swran ufle bo Nyanmien tyenniin'n i lie. Sa so'n yô so nan é yô sa kpa man Nyanmien.

1 Korɛntfuɛ Mun 12:13

Afin Nyanmien fe i Wawe'n yôô é baptême, se Juif ô, Grec ô, kanga ô, diéwa ô, o man é kwlaa ya katyi swran wunmuan, ye i Wawe'n ti é kwlaa é lie.

1 Korɛntfuɛ Mun 15:20

O ti'a so mlonmlon, sannge Nyanmien tyennin Christ sakpa, o man o yô bé nga bé wu bé tyen'n bé nun klikli.

Galasifuɛ Mun 3:27

Amun kwlaa bo ke an yôô baptême'n amun nin Christ amuan katyi swran wunmuan'n, amun nzuen lie'n wa fe i lie'n.

Efɛzfuɛ Mun 2:8

Afin Nyanmien i yé b'o yôô amun'n ti o man amuan nyan amun ti i su bo an lafi'n ti. Amun ti nyanle so'n o fi'an amun bobo, Nyanmien ye man an nyaan amun tio.

Efɛzfuɛ Mun 3:17

nan Christ su bo an lafi'n ti, o tran amun awlen'n nun. Ye nh sreh i ke o man an wun klôle b'o fa klô amun b'o man an dyran kéklé'n, i wle wéiin,

Efɛzfuɛ Mun 3:7

Dyasin fe so'n i dyunman bo Nyanmien man n di i klun-ufué'n ti'n, i fanngan nun ye n dio.

Efɛzfuɛ Mun 4:5

É Min'n ti kun, sulafile wafa nga é lafi Christ su'n ti kun, baptême'n ti kun,

Efɛzfuɛ Mun 5:14

afin liké kwlaa nga bé wun bé wafa nga bé ti'n wéiin'n, o man bé wun asé. I so'n ti, bé séé ke: «Lafifue, tinngé, Dyaô fuen'm bé nun Ye Christ man ah wunh asé.»

Filipfuɛ Mun 1:29

Afin nanh Christ sulafile ngunmin ye Nyanmien man amun lafio, sannge o man amunh wunh nyrennen i dunman nun ékun.

Kolɔsfuɛ Mun 1:29

I so'n ti ye n fa wunmien ng'o maan min, bo i ti ye n le fanngan'n m mian min nyin fa di dyunman kpa nion.

Kolɔsfuɛ Mun 2:13

Amun bo laa amun sa bo an yôli Nyanmien, nin klen bo ba wlaman amun'n ti, an ti ke swran bo wa wu sa'n, ke o yatyii sa kwlaa nga é yôlii'n tye yé'n, o maan amun nin Christ amun nguan.

Hébreu 12:2

Man é kpe é nyin nian Jésus, é Nyanmien sulafile'n fiin, i ye man é lafi i su lélé gue i ti nin i bôo. Ke o bu i klun b'o wa dyo'n i akunndan'n, o kplin su man bé kuin waka'n su, wa bu'e i nyin asé guale'n liké fi, nan wa kô tran Nyanmien bia'n i fama su.

Hébreu 6:2

bé yô swran'm bé baptême wafawafa'n, bé sié bé sa swran'm bé su, swran'm bé tyen, ye Nyanmien bu ndeo o katyimen'n.

1 Piɛr 3:21

Nzué so'n ti baptême b'o man amuan nyan amun ti nde'n i nzolie. Nanh ke o wunnzin bé wunnen su fieon, sannge o man é sre Nyanmien ke nanh man é klun titi é kun. Jésus-Christ i tyenle'n ti ye é nyaan é tio.