Kolɔsfuɛ Mun 1:9 - Nyanmien nde Ufle

⁹ I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

NYANMIƐN NDƐ'N 1998

⁹ I sɔ'n ti'n, e kusu kɛ ɔ fin cɛn nga e tili amun ndɛ bɔ be kan'n, e srɛ Nyanmiɛn titi kɛ ɔ nian amun su. E srɛ i kɛ ɔ yo man an si ngwlɛlɛ nan an wun sa nga i Wawɛ'n kle amun'n i wlɛ nan an si i klun sa'n kpa.

Kolɔsfuɛ Mun 1:9 ပူးပေါင်းရင်းမြစ်များ

Jean 7:17

Swran ng'o klô ke oh yôh i klun sa'n, oh sih ke liké nga n klé'n o fin i, annze m bobo n kpe n klun ye n kléo.

Sa nga bé yôli'n 12:5

I so'n ti, sôndya'm bé nian Pierre su kpa bisua'n nun, sannge asonunfue'm bé sre Nyanmien titi ke o nien i su.

Rɔmfuɛ Mun 12:2

Nanh an yô ke swran'm bo bé ô le nde'n bé sa, sannge man Nyanmien katyi amun akunndan'n nan an katyi mlonmlon. Ke o kô yô so'n, amunh wunh Nyanmien i klun sa'n i wle, amunh sih sa ng'o ti kpa, b'o dyo i klun, b'o man amun yôh kpa'n.

1 Korɛntfuɛ Mun 1:5

Afin ke amun nin Christ amuan yô swran wunmuan'n, liké kpakpa'n kwlaa ti a sin a yia amun, an si i nde'n kwlaa kan, an wun i ninngé'n kwlaa bé wle.

Efɛzfuɛ Mun 1:8

i klun-ufué'n ti'n. I ngwlele b'o si'n nin i sa kwlaa wle wunle'n ti,

Efɛzfuɛ Mun 5:10

Anh mian amun nyin anh yôh sa ng'o yô é Min'n i fe'n.

Efɛzfuɛ Mun 5:17

I so'n ti, nanh an yô sinnglinfue, sannge anh mian amun nyin ke amunh sih liké nga é Min'n klô ke an yô'n.

Efɛzfuɛ Mun 6:6

Nanh ke ke bé ô le'n i ngunmin ye an yôé so nan bé klun dyo amun wuon, sannge ke an ti Christ i kanga'n, anh tu amun klun yô sa ng'o ti Nyanmien klun su'n.

Filipfuɛ Mun 1:4

Ble kwlaa nga nh sreh Nyanmien ke o dyran amun kwlaa amun sin'n, n klun dyo i srele so'n su,

Kolɔsfuɛ Mun 1:6

Dyasin fe'n tru, o yô swran'm bé kpa men wunmuan'n nun, amun kusu, ke o fin tyen nga an tili yé nga Nyanmien yô swran mun'n bo an wuun i wafa ng'o ti'n i wle sakpa'n, ke o yôô amun soo.

Kolɔsfuɛ Mun 3:16

Man Christ nde b'o ti amun liké kpa'n tran amun klun. Anh kan klé amun wiéngu, ngwlele kwlaa nga an sii'n anh fa tu amun wun fo. Anh tu amun klun tô psaume nin Nyanmien manmanle dyué nin asonun dyué'n menmen, anh le i asé.

Kolɔsfuɛ Mun 4:12

Épaphras b'o ti amun nun kun'n i waan oh yôh amun liké. Christ-Jésus i dyunman difue so'n o mien i nyin sre Nyanmien ke an yô swran an wun sa ng'o ti klun sa'n i wle kpa, nan an dyran kéklé.

Kolɔsfuɛ Mun 4:5

Liké nga an yô man bé bo bé ti'a Christfue'n, anh fa ngwlele yô. Ke amuan nyan amun ti'n, nanh an tran le ngben, anh yô liké ng'o yô sa yé'n.

1 Tɛsalonikfuɛ Mun 1:3

É akunndan ô liké nga Christ su bo an lafi'n ti an yô'n, nin dyunman nga an di klôle bo an fa klô Nyanmien nin swran'n, nin amun wla bo an fa gua é Min Jésus-Christ su kpa'n bé su, ye é kan klé é Si Nyanmien.

1 Tɛsalonikfuɛ Mun 5:17

Anh kôkô yale klé Nyanmien titi, nanh an yatyi.

2 Tɛsalonikfuɛ Mun 1:11

I so'n ti, é sre é Nyanmien'n titi ke o dyran amun sin, nan ke o wun amun'n, oh wunh ke flele ng'o flee amun'n o ti kpa. Man Nyanmien Kpli'n man sa kpa kwlaa nga an klô ke amunh yôh'n, nin sa kwlaa nga an lafi su ke oh yôh'n o yô yé.

Filemɔn 1:4

O ti, n la n Nyanmien'n i asé titi, ye n sre i titi ke o nion o su,

Filemɔn 1:6

Nh sreh Nyanmien ke anuanse bo Christ bo é lafii su'n ti é di'n, o man a wun liké kpakpa kwlaa ng'o ti é lie swran wunmuan bo é nin Christ ya katyi'n ti'n i wle kpa wéiin.

Hébreu 10:36

Anh tra amun awlen nan amuan yô Nyanmien klun sa, nan amuan nyan liké nga i waan oh fah man mun'n.

Hébreu 13:21

o man amun fanngan sa'n kwlaa nun nan an yô i klun sa. Jésus-Christ ti, mon o fa é yô liké ng'o klô'n. Man é la Christ asé tititi! Mon o yô so!

Jacques 1:5

Se ngwlele'n wa ti'a amun nun wié kpa'n, mon o kan klé Nyanmien bo i sa ti'a tankaan'n, b'o fa liké man swran'n kwlaa, o idyo'e i sin'n. O man swran so'n oh wunh sa wle.

Jacques 3:17

Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

1 Piɛr 2:15

Sa nga Nyanmien klô'n yele ke an yô sa ng'o ti kpa'n. I so'n nun sinnglinfue'm bo bé wu'an sa wle'n, bé su kwla ka'an nde fi.

1 Piɛr 4:2

Afin swran ng'o wun nyrennen'n, wuun o nin sa te'n ba bu. O man tyen nga an te di i asie'n su wa'n, anh fa yô Nyanmien klun sa, nanh an yô klo swran klun sa kun.

1 Jean 2:17

Men'n nin i nun ninngé kwlaa bo swran nyin blô su'n, béh wiéh, sannge swran ng'o yô Nyanmien klun sa'n, oh kah le tititi.

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.